Popular Bible Verses from Luke 24

Share

Ekw maak che pechi itishahamaatakuch an Kaa payehchisiit Ahchaahkw aniyuuh Nuuhtaawii kaa itwet cheshtinaash che pechi itishahwaat. Ashuwaapikw maak anite Jerusalemihch paatish chii utihtahukuyekwe suuhcheyihtaakusuwin kihchikiishikuhch kaa uhchipayihch.”

Namui ihtaau utah. Wesh chii wanishkaau. Chichischisinaawaau aa taan kaa ititaakw mekwaach Galileehch kaa ihtaat

Ekw maak mwehch e aapahiipayikwaau uschiishikuwaau kaa iteyihtahkwaau. Ekw kaa nisituunuwaatwaau Jesus. Sischikuuch maak chii uhchi paasikuwaapameuch. Ekw maak kaa ititutwaau, “Taapwe chichii miyeyihtenaanuu chitehiinaahch e ati nisituhtamuhkw taanite kaa itwemakaniikupane Chishemanituu utayimuwin anite kaa aayimuumaakanuut kaye taan kaa ishi wiihtamaakuyihkw mekwaach kaa pimuhteyihkw anite meskanaahch.”

E itaat, “Itashteu Christ yaaitei che wiisacheyihtamukupane, ekw maak kaau che wanishkaat nipuwinihch uhchi chii nishtuchiishikaayiche. Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

Kaa takushihkwaau maak anit kaa waatikwaapiskahiikanuyich shaash chii iichetihtipinaakanuyikupanen aniyuu asinii anit kaa chipishimaakanuyich ishkwaahtemihch. Kaa piihchetwaau anite namui maak uhchi miskamuweuch Utipeyihchikeu Jesus wiiyuuyuu.