Popular Bible Verses from Luke 23

Share

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

Jesus kaa itaat, “Chihchiwe chititin, anuhchiish chika ihtaanaanuu Paradise, anite e miyeyihtaakuhch e ihtaanuuhch.”

An maak chimutisk chii iteu aniyuu Jesus, “Chischisiitutuuh iskutak takushiniyine e chisheuchimaawiyin.”

Jesus maak chii ishi tepweu, “Nuuhtaawii, chiya e ihtaayin nipachishteyimaau nitahchaahkw chechii kanuweyimat.” Iskutak maak uyeyuu kaa itwet ekw kaa nipit.

Iskutak maak wetihtahkwaau aniyuu wachiishiyuu, Ushtikwaanikan kaa ishinihkaateyich, ekut kaa chiistaaskuhwaatwaau Jesus aashiteyaahtikuhch. Ekw aniyuuh niishu chimutiska patutesiish anit, iituu e ihtaat chii akuchiniyuu.

Wiyesh maak e aapihtaachiishikaach ekw kaa tipischipayihch kaa ati ukaashteyaach misiwe e ishpishaat an aschii. Paatishkaan nishtu kaa ispayihch ekw miin kaa ati waasheyaach. Anite maak chisheayimiheukamikuhch kaa akutech aakuuyekahiikan tekash chii taaschipayuu.

An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”