Popular Bible Verses from Luke 7

Share

Chiwiihtamaatin, aniyuu naashch e saachihiiwet ekut wehchi nuukuniyich mihchetu machihtwaawinh e chii wepeyihtamuwaakanuut. Awen apishiish kaa wepeyihtamuwaakanuut apishiish saachihiiweu.” Ekw Jesus kaa itaat aniyuu iskweu, “Chiwepeyihtamaakuun chimachihtwaawinh.”

Jesus maak chii iteu aniyuu iskweu, “Chitaapwehtamuwinh chipimaachihiikun. Maachiih maak chiyaameyihtamuwin che ayaayin.”

Mekwaach maak Jesus e uhpimeshihk anit e miichisutwaau, an iskweu chii niipuu anite itehche Jesus usitiihch, e maatut. Aniyuu maak e uhchikuwaapit chii nipiyuuhtaaweu Jesus usith. Ekw kaa uchihchiihkunapit ustikwaaniyaapii e aapachihtaat e paahkusitenaat. Kaye maak e uchehtamuwaat kaye e tuuminamuwaat aniyuu e wiihchimaakusiyich tuuminikaniyuu.

kaye maak namui nitepicheyihtaakusin chechii nituu nachishkaataan. Mikw maak tepiyaahch itweyine chechii miinuwaatisiit nitaapachihaakan kata miinuwaatisiyuu. Wesh kaye niya ihtaauch nuuchimaamach e pishichihiikwaau kaye maak ihtaauch shimaakanishach e wiishumakwaau. E itak peyakw shimaakanish ‘Anite ituhte,’ tiiwehch ekute anite e ituhtet. Ekw kutak e itak, ‘Aashtam,’ tiiwehch takushinuu. Ekw kaye kutak e itak nitaapachihaakan, ‘Uu maa ihtuutah,’ eukw aniyuu e ihtuutahk.” Iskutak Jesus piyehtahk uyuu naashch taapwe chii maamihchihiikuu utaapwehtamuwiniyuu. Ekw kaa kweschikaapuushtawaat aniyuu kaa nuushuushkaakut kaa itaat, “Chititinaawaau, namui waawaach utah Israelihch eshkw nuuhchi waapamaau awen e ishpish suuhchitaapwehtahk.”

Mekwaach maak aniyeyuu Jesus chii miinuwaachiheu mihchetu aweyuuh, nanaahkuu e itaaspineyitwaauh, kaye machiahchaahkwa e chii wiiwiitishihwaat kaye e chii ihtuutawaat aniyuuh ekaa kaa waapahtamiyich chechii waapahtamiyich Ekw Jesus e nishkweushihaat chii iteu, “Chiiwekw, che wiihtamuwekw John taan kaa ishi waapahtamekw kaye taan kaa ishi pehtamekw. Wiihtamuwaahkw e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich e maayaataniyich e umichiinaanuyich. Kaye e pehtamiyich aniyuu ekaa uhchii pehtamiyich. Kaye miin kaau e wanishkaayich aniyuu kaa nipiitwaau. Kaye miywaachimuwiniyuu e waawiihtamuwaakanuyich aniyuu kaa chistimaatisiyich.