Popular Bible Verses from Milimo ya Ŵakutumika 5

Share

Kweni Petrosi na ŵakutumika ŵanyakhe ŵakazgora ŵakati, “Tikwenera kupulikira Chiuta kuruska ŵanthu!

Ndipo zuŵa na zuŵa mu Nyumba ya Chiuta, na mu nyumba za ŵanthu, ŵakutumika ŵakarutilira kusambizga na kupharazga Uthenga Uweme kuti Yesu ndi Mesiya.

Petrosi wakamufumba wakati, “Iwe Hananiya, chifukwa nchichi wazomerezgana na Satana kuti upusike Mzimu Mutuŵa pakutorapo ndarama zinyakhe za munda uwo ukaguliska? Uchali undawuguliske munda wako, asi ukaŵa wako na wako? Ndipo ukati wawuguliska, asi ndarama zikaŵa mu nkhongono zako? Kasi wazomerezga uli kuti ichi chiŵe mu mtima wako? Kuti wapusika ŵanthu chara, kweni wapusika Chiuta.” Hananiya wakati wapulika mazgu agha, wakawa pasi ndipo penepapo wakafwa. Ŵanthu wose awo ŵakapulika ichi ŵakaŵa na wofi ukuru chomene.

Sono pa mrandu uwu nkhumuphalirani kuti ŵanthu aŵa mungachitanga nawo kanthu chara, muŵareke waka. Usange icho ŵakughanaghana na kuchita chikufumira ku ŵanthu, chiti chimarenge chekha. Kweni usange nchakufumira kwa Chiuta, kuti muti muŵatondenge chara, musangike kuti mukulimbana na Chiuta.” Mphara yose yikazomerezga fundo ya Gamaliyele