Popular Bible Verses from Kufuma 7

Share

Ntheura FUMU yikati kwa Mozesi, “Wona nditi ndikuzgore iwe kuŵa nga ndi Chiuta, kwa Faro ndipo Aroni mukuru wako wati waŵenge nga ndi nchimi yako.

Kweni ine nditi ndinonofye mtima wa Faro, ndipo nanga ndandaniske vimanyikwiro na vyakuzizwiska vyane mu charu cha Eguputo, Faro kuti wati wapulikire imwe chara. Ntheura nditi ndiŵalange ŵaEguputo na woko lane, na kufumiska mafuko gha ŵanthu ŵane ŵaIsraele na milimo yikuru ya weruzgi.

Ndipo ŵaEguputo ŵati ŵamanye kuti ine ndine FUMU, para ndanyoroskera woko lane pa iwo na kuŵafumiska ŵaIsraele mukati mwawo.”

Ntheura Faro wakachema ŵanthu ŵamahara, ŵawukwi na ŵamayere ŵa ku Eguputo ŵakachita ntheura pera na maula ghawo. Sono waliyose wakaponya ndodo yakhe pasi ndipo yikazgoka njoka. Kweni ndodo ya Aroni yikamirimitizga ndodo zawo.

Ntheura FUMU yikuti, ‘Na cheneichi, uti umanye kuti ine ndine FUMU. Nditi nditimbe maji gha Nayelo na ndodo iyo yili mu woko lane ndipo maji ghati ghazgoke ndopa.

“Para Faro wakuti kwa imwe, ‘Jirongorani mwaŵene pakuchita cha minthondwe.’ Ntheura iwe uti kwa Aroni, ‘Tora ndodo yako ndipo uyiponye pasi panthazi pa Faro ndipo yiti yizgoke njoka.’ ” Ntheura Mozesi na Aroni ŵakaruta kwa Faro ndipo ŵakachita nga ndi umo FUMU yikaŵalangulira. Aroni wakaponya ndodo yakhe panthazi pa Faro na pa ŵateŵeti ŵakhe ndipo yikazgoka njoka.