Popular Bible Verses from Kufuma 8

Share

Ndipo ŵamayere ŵakayezga na maula ghawo kuti ŵawoneske nthata, kweni ŵakatondeka. Ntheura pakaŵa nthata pa ŵanthu na pa vyakuŵeta. Ŵamayere ŵakati kwa Faro, “Ili ndi woko la FUMU” Kweni mtima wa Faro ukanonofyeka ndipo kuti wakaŵapulikira chara nga ndi umo FUMU yikayowoyera.

Ntheura FUMU yikati kwa Mozesi, “Ruta kwa Faro ndipo ukati kwa iyo, ‘FUMU yikuti: Uŵazomerezge ŵanthu ŵane kuti ŵarute mwakuti ŵakandilambire.

Kweni para Faro wakawona kuti wapumuzgikapo, wakanonofya mtima wakhe ndipo wakapulikira Mozesi na Aroni chara nga ndi umo FUMU yikayowoyera.

Usange ukukana kuŵazomerezga kuti ŵarute, nditi ndipereke chilengo cha ŵachule mu charu chako chose.

Ntheura FUMU yikati kwa Mozesi, “Yowoya kwa Aroni uti kwa iyo, ‘Nyoroska ndodo yako, utimbe pa charu kuti fuvu lakhe lizgoke nthata mu charu chose cha Eguputo.’ ”

Ntheura FUMU yikachita ichi. Kukiza milembwera yikuru ya vimembe mu nyumba ya Faro, mu nyumba za ŵateŵeti ŵakhe, ndiposo na mu charu chose cha Eguputo. Ndipo mu charu chose cha Eguputo mukanangika chifukwa cha vimembe.