Popular Bible Verses from Kufuma 9

Share

Kweni pa chifukwa ichi, ndamurekani ŵamoyo kuti ndirongore nkhongono yane mwakuti zina lane lithuwuskike mu charu chose.

Ntheura FUMU yikati kwa Mozesi, “Ruta kwa Faro ndipo ukati kwa iyo: FUMU, Chiuta wa ŵaHebere wakuti, ‘Zomerezga ŵanthu ŵane kuti ŵarute mwakuti ŵakandilambire.’ ”

Pakuti kufika kwa sono mphanyi ndanyoroskera kale woko lane na kutimba na nthenda iwe na ŵanthu ŵako, ndipo iwe mphanyi wawuskikako kale mu charu.

wona, nkhongono ya FUMU yiti yize na chilengo chakofya pa viŵeto vyako ivyo vili ku uliska, pa ŵakavalo, pa mbunda, pa ngamila, pa ng'ombe ndiposo na pa mberere na mbuzi. Kweni FUMU yiti yipatule vyakuŵeta vya ŵaIsraele ku vya ŵa Eguputo mwakuti vyakuŵeta vya ŵaIsraele kuti viti vifwenge chara.

Ntheura na machero na nyengo yeneiyi ndamkurokweska matalala ghakuru gheneagho kuti ghakaŵako na kale chara mu charu chose cha Eguputo kufuma pa zuŵa ilo chikambira mpaka sono. Ntheura sono tuma ŵanthu kuya kawezga vyakuŵeta vyako na vyose ivyo uli navyo kufuma ku thondo, kwiza navyo mu vitupa. Pakuti matalala ghati gharokwe kufuma kuchanya kuwira pa munthu yose, pa vyakuŵeta ivyo vindajalirike vyeneivyo vichali ku thondo ndipo viti vifwenge.’ ”

Vyoto ivyo viti vizgoke kuŵa fuvu lakunyiririka na kutandazgika mu charu chose cha Eguputo ndipo viti vizgoke kuŵa mapumba agho ghati ghaphumuke kuŵa vilonda mu ŵanthu na mu vinyama, mu charu chose cha Eguputo.” Ntheura ŵakatora vyoto kufuma mu ng'anjo ya moto na kuya kimilira panthazi pa Faro. Mozesi wakavichupulira muchanya ndipo pa ŵanthu na pa vyakuŵeta pakabuka mapumba gheneagho ghakaphumuka kuŵa vilonda.