Popular Bible Verses from Luk 12

Share

Ƀing gih kar kaĭ mơ̆n, khŏm dŏ răng bĕ, yua kơ Ană Mơnuih či rai ƀơi mông ƀing gih ƀu ăng rơmăng.”

Samơ̆ čăng hơduah bĕ dêh čar pơtao Ơi Adai, laih anŭn Ñu či brơi thim kơ ƀing gih abih bang mơnơ̆ng anŭn dơ̆ng.”

Laih anŭn Yêsu laĭ kơ gơñu: “Răng bĕ, anăm hưp ham kơ dram gơnam ôh, yua kơ tơlơi hơdip sa čô mơnuih ƀu djơ̆ yua mơ̆ng ñu hmâo kong ngăn rơbeh rơbai ôh.”

Yua kơ pơpă dram gơnam yom ƀing gih dŏ, pran jua ƀing gih dŏ pơ anŭn mơ̆n.”

Hlơi amăng ƀing gih yua kơ tơlơi ñu ƀlơ̆ng bơngơ̆t đơi dưi thim dơ̆ng ƀiă hrơi kơ tơlơi hơdip ñu?

Laih anŭn Yêsu laĭ kơ ƀing ding kơna Ñu: “Yua kơ anŭn yơh Kâo laĭ kơ ƀing gih, anăm ƀlơ̆ng bơngơ̆t ôh kơ tơlơi hơdip ƀing gih, kơ hơgĕt mơnơ̆ng ƀing gih či ƀơ̆ng huă, kŏn ƀlơ̆ng bơngơ̆t lơi kơ drơi jan ƀing gih kơ hơgĕt mơnơ̆ng ƀing gih či čŭt buh.

Wơ̆t ƀuk ƀơi akŏ ƀing gih Ơi Adai yap abih laih. Anăm hwĭ ôh, ƀing gih jing yom hloh kơ lu drơi čĭm gač.”

“Anăm hwĭ ôh, ơ khul triu anĕt, yua kơ Ama ƀing gih khăp mơak brơi kơ ƀing gih dêh čar pơtao Ñu.

Lăng bĕ čĭm ă; gơñu ƀu sai, kŏn hơpuă lơi. Gơñu ƀu hmâo pưk kŏn hmâo atông lơi; samơ̆ Ơi Adai ăt čem rong gơñu. Sĭt yơh ƀing gih jing yom hloh kơ khul čĭm anŭn!

Tui anŭn anăm čăng hơduah hơgĕt mơnơ̆ng ƀing gih či ƀơ̆ng huă ƀôdah mơñum ôh, kŏn anăm hmâo tơlơi bơngơ̆t đơi lơi.

Ơ ƀing mơnuih hmâo tơlơi đaŏ đơsĕt, tơdah khul rơ̆k hrơi anai ñu dŏ hơdip amăng tơdrŏn glai laih anŭn pơgi arăng glŏm hĭ ñu amăng tơpur apui, samơ̆ Ơi Adai ăt buh brơi ƀing gơñu hiam kar hăng anŭn mơ̆n, ƀai jai kơ ƀing gih dơ̆ng!

Ƀu hmâo tơlơi hơgĕt arăng pơdŏp tơl ƀu či pŏk hĭ laih anŭn ƀu hmâo tơlơi hơgĕt hơgơ̆m tơl ƀu či pơrơđah brơi.