Popular Bible Verses from Luk 14

Share

“Tơdah hlơi pô đuaĭ tui Kâo samơ̆ ƀu bơrơmŭt ôh kơ amĭ ama, kơ ană bơnai, kơ ƀing ayŏng amai adơi, laih anŭn wơ̆t kơ tơlơi hơdip ñu pô, ñu ƀu dưi jing ding kơna Kâo ôh.

Hlơi pô ƀu glăm kơyâo bơrơkal ñu pô laih anŭn đuaĭ tui Kâo, ăt ƀu dưi jing ding kơna Kâo ôh.

Yua kơ hlơi pô pơđĭ ñu pô, arăng či pơtrŭn ñu, laih anŭn hlơi pô pơtrŭn ñu pô arăng či pŭ đĭ ñu.”

Tui anŭn mơ̆n hlơi pô amăng ƀing gih ƀu lui hĭ ôh abih bang tơlơi ñu hmâo, ñu ƀu dưi jing ding kơna Kâo ôh.”

Tơdah hlơi pô amăng ƀing gih kiăng ngă sang rơñan, blŭng hlâo ƀu dŏ ber kiăng tĭng lăng nua ñu kiăng kơ thâo ñu dưi ngă pơgiơ̆ng mơ̆ sang rơñan anŭn? Hwĭ kơ giơ̆ng kơ ñu pơkra atur laih, samơ̆ ñu ƀu dưi ngă pơgiơ̆ng hĭ ôh, laih anŭn abih bang ƀing ƀuh tơlơi anŭn čơdơ̆ng mưč kơ ñu hăng laĭ, ‘Mơnuih anai čơdơ̆ng ngă sang, samơ̆ ñu ƀu dưi ngă pơgiơ̆ng ôh.’

Samơ̆ tơ ih pơkra tơlơi ƀơ̆ng mơñum jak bĕ ƀing ƀun rin, ƀing rơwen, ƀing đŭt tơkai tơngan laih anŭn ƀing bum mơta. Tui anŭn kah ih či hmâo tơlơi mơyun hiam, yua kơ gơñu ƀu dưi kla glaĭ kơ ih dơ̆ng ôh. Ih či hmâo tơlơi apah ƀơi hrơi ƀing tơpă klă hơdip glaĭ dơ̆ng.”

“Hra jing mơnơ̆ng hiam, samơ̆ tơdah ñu rơngiă hĭ mơnâo mơsĭn ñu, hăng hơgĕt arăng či ngă ñu mơsĭn glaĭ dơ̆ng? Hra anŭn ƀu tŭ yua kơ lŏn hmua dơ̆ng ôh, kŏn tŭ yua kơ pơlŭk hăng kơmơ̆k lơi. Arăng tuh hĭ ñu pơ gah rơngiao. Hlơi pô hmâo tơngia dưi hmư̆, brơi ñu hmư̆ bĕ.”