Popular Bible Verses from Luk 6

Share

Pha brơi bĕ kơ arăng, tui anŭn Ơi Adai či pha brơi glaĭ kơ ƀing gih. Ơi Adai či tuh brơi kơ ƀing gih hăng hơnơ̆ng pơkă hiam, Ñu rơyuh hăng gư̆ tơl bă blai. Yua kơ Ơi Adai či pơkă tui hăng hơnơ̆ng ƀing gih hmâo pơkă brơi laih kơ arăng.”

Mơnuih hiam yua mơ̆ng pran jua hiam, ñu tơbiă rai tơlơi hiam; laih anŭn mơnuih sat yua mơ̆ng pran jua sat, ñu tơbiă rai tơlơi sat; yua mơ̆ng tơlơi bă blai amăng lăm pran jua hnŭn yơh amăng bah tơbiă rai tơlơi pơhiăp.”

Samơ̆ khăp bĕ kơ ƀing ayăt ƀing gih. Ngă hiam laih anŭn brơi arăng čan bĕ, anăm čang rơmang kơ tơlơi ba glaĭ dơ̆ng ôh. Tui anŭn pri apah ƀing gih či prŏng biă mă, laih anŭn ƀing gih či jing ƀing ană Pô Glông Hloh; yua kơ Ñu ngă hiam kơ ƀing ƀu thâo hơdơr tơngia laih anŭn kơ ƀing sat ƀai.

Brơi ƀing gih thâo pap kar hăng Ama ƀing gih thâo pap.”

“Anăm phat kơđi arăng, tui anŭn Ơi Adai ƀu či phat kơđi kơ ƀing gih ôh. Anăm klă kơđi kơ arăng kiăng kơ Ơi Adai ƀu klă kơđi kơ ih. Pap brơi kơ arăng bĕ, tui anŭn Ơi Adai či pap brơi kơ ƀing gih.

“Samơ̆ Kâo laĭ ƀing gih ƀing dŏ hmư̆, khăp bĕ ƀing ayăt kơ ƀing gih, ngă hiam bĕ kơ ƀing bơrơmŭt kơ ƀing gih. Hơơč mơyun bĕ tơlơi hiam kơ ƀing hơtơ̆m pah ƀing gih, laih anŭn iâu laĭ brơi bĕ kơ ƀing ngă sat kơ ƀing gih.

Ƀing gih kiăng kơ arăng ngă brơi kơ ƀing gih hyư̆m pă, brơi ƀing gih ngă brơi kơ arăng kar hăng anŭn mơ̆n.

Tơdah arăng pah meng ƀing gih gah anai, brơi bĕ gơñu pah meng gah adih mơ̆n. Tơdah arăng mă ao phyung ih, brơi ñu mă wơ̆t ao amăng lăm mơ̆n. Pha brơi bĕ kơ hlơi pô rơkâo gơnam ih, laih anŭn anăm rơkâo glaĭ ôh gơnam ih mơ̆ng pô sua mă laih.

“Yua kơ phŭn kơyâo hiam ƀu dưi mơboh kơ boh sat ôh, phŭn kơyâo sat ƀu dưi mơboh kơ boh hiam lơi.

Yua kơ arăng thâo krăn rĭm phŭn kơyâo tui hăng boh ñu. Arăng ƀu pĕ ôh boh hra mơ̆ng hrĕ drơi, arăng kŏn pĕ lơi boh kơƀâu mơ̆ng pum drơi.