Popular Bible Verses from Luk 7

Share

Hnŭn yơh Kâo laĭ kơ ih tơlơi soh gơ̆ lu biă mă samơ̆ hmâo tơlơi pap brơi laih, yua kơ anŭn yơh gơ̆ khăp lu. Samơ̆ kơ pô hmâo tơlơi pap brơi ƀiă, ñu khăp ƀiă.” Laih anŭn Ñu laĭ kơ đah kơmơi anŭn: “Tơlơi soh ih Kâo pap brơi laih.”

Yêsu laĭ kơ đah kơmơi anŭn: “Tơlơi đaŏ ih pơklaih ih laih; nao rơnŭk rơnua bĕ.”

Ñu dŏ gah klon ƀơi tơkai Yêsu, ñu hia, ia mơta ñu ngă pơsah tơkai Yêsu; giơ̆ng anŭn ñu sut tơkai Yêsu hăng ƀuk ñu. Ñu čŭm tơkai Yêsu hăng truač ia ƀâu hiam ƀơi tơkai Yêsu.

Yua kơ anŭn yơh kâo pơmĭn kâo pô kŏn lăp lơi nao pơ Ih. Samơ̆ kơnơ̆ng rơkâo Ih pơhiăp sa boh đôč, laih anŭn ding kơna kâo či suaih yơh. Yua kơ kâo ăt jing sa čô dŏ gah yŭ tơlơi dưi arăng, laih anŭn kâo ăt hmâo ƀing tơhan dŏ gah yŭ tơlơi dưi kâo. Kâo laĭ kơ sa čô: ‘Nao bĕ,’ laih anŭn ñu nao; kơ sa čô pơkŏn: ‘Rai bĕ,’ laih anŭn ñu rai, laih anŭn kơ ding kơna kâo: ‘Ngă tui anai,’ laih anŭn ñu ngă yơh.” Tơ Yêsu hmư̆ tơlơi anŭn, Ñu hling hlang kơ khua tơhan anŭn, laih anŭn wir lăng hăng laĭ kơ ƀing lu đuaĭ tui Ñu: “Kâo laĭ kơ ƀing gih, wơ̆t amăng Israel Kâo aka ƀuh ôh tơlơi đaŏ prŏng kar hăng anŭn.”

Ƀơi mông anŭn Yêsu pơsuaih lu mơnuih ruă duăm, mơnuih yang sat ngă, laih anŭn Ñu ngă brơi lu mơnuih bum mơta dưi ƀuh rơđah. Yêsu laĭ glaĭ kơ gơñu: “Nao ruai glaĭ bĕ kơ Yôhan hơgĕt tơlơi ƀing gih hmâo ƀuh laih anŭn hmư̆ laih: ƀing bum mơta dưi ƀuh rơđah dơ̆ng, ƀing rơwen tơkai thâo rơbat, ƀing djơ̆ phŭng dưi rơgoh, ƀing tơngil dưi hmư̆, ƀing djai hơdip glaĭ dơ̆ng, laih anŭn ƀing ƀun rin dưi hmư̆ Tơlơi Phrâo Hiam.