Popular Bible Verses from Mathiơ 21

Share

Hơgĕt tơlơi ƀing gih rơkâo tơdang iâu laĭ, hăng tơlơi đaŏ ƀing gih či mă tŭ abih bang.”

Yêsu laĭ glaĭ kơ gơñu: “Sĭt biă mă Kâo laĭ kơ ƀing gih, tơdah ƀing gih hmâo tơlơi đaŏ laih anŭn ƀu đing ôh, ƀu djơ̆ ôh kơnơ̆ng ƀing gih dưi ngă tui anŭn kơ phŭn hra, samơ̆ tơdah ƀing gih laĭ kơ čư̆ anai: ‘Đuaĭ bĕ laih anŭn kơdâo amăng ia rơsĭ,’ wơ̆t tơlơi anŭn ăt či truh mơ̆n.

Ƀing mơnuih lu rơbat ƀơi anăp laih anŭn đuaĭ tui klon Yêsu ur kraih: “Hôsana kơ Ană Đawit! Mơyun hiam yơh kơ Pô rai amăng anăn Khua Yang! Hôsana pơ adai glong hloh kơ abih bang!”

Yêsu laĭ kơ ƀing anŭn: “Hră Ơi Adai pơhiăp čih tui anai: ‘Arăng či iâu sang Kâo jing sang pioh iâu laĭ,’ Samơ̆ ƀing gih pơjing hĭ ñu jing par klĕ dŏp.”

“Laĭ bĕ kơ ană dra Siôn thâo: Anai nê, pơtao ih rai pơ ih, Luă gŭ, đĭ aseh kle, Laih anŭn đĭ ană aseh kle, jing ană sa drơi ania aseh kle.”

Yêsu laĭ kơ gơñu: “Ƀing gih aka lăng ôh hă Hră Ơi Adai Pơhiăp hmâo čih laih tui anai: ‘Boh pơtâo ƀing ngă sang glŏm lui laih, Jing hĭ laih boh pơtâo phŭn ƀơi akiăng. Anai jing bruă Khua Yang ngă, Laih anŭn jing tơlơi yom pơphan ƀơi anăp mơta ƀing ta’?

Yua kơ anŭn Kâo laĭ kơ ƀing gih, arăng či mă hĭ dêh čar pơtao Ơi Adai mơ̆ng ƀing gih laih anŭn brơi kơ sa kơnŭng djuai či hmâo boh than kơ dêh čar pơtao anŭn.