Popular Bible Verses from Mathiơ 26

Share

Dŏ krŏng laih anŭn iâu laĭ bĕ, kiăng kơ ƀing gih ƀu lĕ ôh amăng tơlơi plư. Bơngăt jua kiăng biă mă, samơ̆ asar đeh tơdu”.

Yêsu laĭ kơ gơñu: “Bơngăt jua Kâo rơngot ruă biă mă tơl giăm djai; dŏ bĕ pơ anai laih anŭn krŏng hrŏm hơbĭt hăng Kâo.”

Yêsu nao ataih ƀiă, bon kŭp ƀô̆ ƀơi lŏn, laih anŭn iâu laĭ: “Ơ Ama Kâo! Tơdah dưi, mă pơđuaĭ hĭ bĕ kơčok anai mơ̆ng Kâo; ƀu djơ̆ tui hăng Kâo kiăng ôh, samơ̆ tui hăng Ih kiăng.”

yua kơ anai jing drah Kâo, drah kơnol pơgop hmâo tuh brơi laih kiăng kơ lu mơnuih dưi hmâo tơlơi pap brơi tơlơi soh.

Tơdang gơñu dŏ ƀơ̆ng huă, Yêsu mă ƀañ tơpŭng, iâu laĭ bơni hơơč, wơ̆k ƀañ tơpŭng hăng pơpha kơ ƀing ding kơna, hăng laĭ: “Mă ƀơ̆ng bĕ; anai jing drơi jan Kâo.”

Laih anŭn Ñu mă kơčok, giơ̆ng iâu laĭ bơni hơơč, Ñu brơi kơčok kơ ƀing gơñu hăng laĭ: “Abih bang ƀing gih mơñum bĕ

Tơdơi kơ anŭn Ñu wơ̆t glaĭ pơ ƀing ding kơna laih anŭn ƀuh gơñu dŏ pĭt. Ñu laĭ kơ Pêtrôs: “Ƀing gih ƀu dưi ôh hă dŏ krŏng hrŏm hơbĭt hăng Kâo sa mông?

Kâo laĭ kơ ƀing gih, Kâo ƀu či mơñum tơpai boh kơƀâu anai dơ̆ng tah, tơl hrơi Kâo či mơñum tơpai phrâo hrŏm hơbĭt hăng ƀing gih amăng dêh čar pơtao Ama Kâo.”

Tui anŭn Pêtrôs hơdơr glaĭ boh pơhiăp Yêsu hmâo laĭ laih: “Hlâo kơ mơnŭ tơdjô̆ ih či hơngah kơ Kâo klâo wơ̆t.” Laih anŭn ñu tơbiă pơ gah rơngiao hia rơngot biă mă.

Tơgŭ bĕ, brơi ƀing ta nao! Lăng adih, pô pơblư̆ lui Kâo truh laih yơh.”

Yêsu laĭ kơ ñu: “Jek glaĭ bĕ đao ih amăng hrŭm; yua kơ hlơi pô yua đao ñu či djai răm hăng đao mơ̆n.