Popular Bible Verses from Mathiơ 27

Share

Kơplah wah mông tal dua rơpăn Yêsu iâu kraih kơtang: “Êli! Êli! Lama sabaktani?” Kiăng laĭ: “Ơ Ơi Adai kâo, Ơ Ơi Adai kâo, yua hơgĕt Ih lui hĭ Kâo?”

Laih anŭn anai nê, khăn păng amăng sang kơkuh pơpŭ tơhek hĭ jing dua mơ̆ng ngŏ truh pơ yŭ; lŏn pơpư̆ pơgơi, lu boh pơtâo čơđang pơčah hĭ; kar kaĭ mơ̆n lu pơsat čơđang pŏk hĭ, lu drơi jan ƀing rơgoh hiam hmâo djai laih hơdip glaĭ.

Yêsu ur kraih kơtang sa wơ̆t dơ̆ng laih anŭn tơĭ pran.

Tơ khua tơhan hăng ƀing tơhan gak wai Yêsu, ƀuh tơlơi lŏn tơnah pơpư̆ laih anŭn abih bang tơlơi hmâo truh laih, gơñu hwĭ biă mă hăng laĭ: “Sĭt biă mă Mơnuih anai jing Ană Ơi Adai!”

Mơ̆ng mông tal năm truh pơ mông tal dua rơpăn hmâo tơlơi kơnăm mơmŏt gom abih čar anŭn.

Pilat laĭ kơ gơñu: “Tui anŭn hơgĕt kâo či ngă hăng Yêsu arăng iâu Krist?” Abih bang gơñu laĭ: “Pơ̆ng hĭ Ñu ƀơi kơyâo bơrơkal!” Tui anŭn Pilat tơña: “Yua hơgĕt, hơgĕt tơlơi sat Ñu hmâo ngă?” Samơ̆ abih bang ƀing gơñu ur kơtang hloh dơ̆ng: “Pơ̆ng hĭ Ñu ƀơi kơyâo bơrơkal.”