Popular Bible Verses from Mathiơ 28

Share

Tui anŭn, nao bĕ laih anŭn pơjing abih bang djuai mơnuih jing hĭ ding kơna Kâo, ngă ƀatem kơ ƀing gơñu hăng anăn Ama, Ană, laih anŭn Yang Bơngăt Hiam; laih anŭn pơhrăm gơñu tui gưt abih bang tơlơi Kâo hmâo pơtă laih kơ ƀing gih. Laih anŭn brơi ƀing gih hơdơr, Kâo dŏ hrŏm hăng ƀing gih nanao tơl đŭt lŏn tơnah.”

Yêsu nao giăm gơñu hăng laĭ: “Abih bang tơlơi dưi amăng adai laih anŭn ƀơi lŏn tơnah hmâo jao brơi laih kơ Kâo.

Samơ̆ ling jang hiam laĭ kơ ƀing đah kơmơi: “Anăm hwĭ ôh; yua kơ kâo thâo ƀing ih nao sem lăng Yêsu, Pô arăng hmâo pơ̆ng laih ƀơi kơyâo bơrơkal. Ñu ƀu dŏ pơ anai ôh, yua kơ Ñu hơdip glaĭ laih kar hăng Ñu hmâo laĭ laih. Rai lăng bĕ anih Ñu hmâo đih laih.

Laih anŭn Yêsu laĭ kơ gơñu: “Anăm hwĭ ôh; nao laĭ pơthâo kơ ƀing adơi ayŏng Kâo, brơi gơñu nao pơ kwar Galilê, pơ anŭn gơñu či ƀuh Kâo.”

Giơ̆ng kơ ƀing khua ngă yang prŏng bơjơnum črŏng sai hrŏm hơbĭt hăng ƀing kŏng tha; gơñu brơi kơ ƀing tơhan sa nua prăk lu biă mă, hăng pơtă tui anai: “Ƀing gih khŏm laĭ kơ ƀing ană plei pla: ‘Amăng mlam tơdang ƀing gơmơi dŏ pĭt ƀing ding kơna Ñu rai klĕ mă drơi jan Yêsu.’ Tơdah khua kwar hmư̆ tơlơi anŭn, ƀing gơmơi či alum pơđur ñu, hăng pơgang brơi ƀing gih huaĭ hmâo tơlơi rŭng bơngơ̆t ôh.” Tui anŭn ƀing tơhan mă prăk anŭn hăng ngă tui kar hăng tơlơi arăng hmâo pơtă laih kơ gơñu; tơlơi anŭn arăng ăt dŏ ruai glaĭ tơ̆ng krah ƀing Yuđa truh pơ hrơi anai.