Popular Bible Verses from Markôs 5

Share

Yêsu laĭ kơ gơ̆: “Ơ ană đah kơmơi Kâo, tơlơi đaŏ ih hmâo pơsuaih ih laih. Nao bĕ hăng tơlơi rơnŭk rơnua hăng suaih bĕ tơlơi ruă ih.”

Ƀơi anŭn hmâo sa čô đah kơmơi ruă tuh drah hmâo pluh dua thŭn laih. Lu nai ia jrao hmâo pơjrao ñu, laih anŭn ñu hmâo pơrơngiă abih dram gơnam ñu ăt ƀu dưi suaih ôh, samơ̆ tơlơi ruă jai kơtang hloh dơ̆ng.

Tañ mơtam drah ñu khơ̆t hĭ; laih anŭn ñu mưn thâo amăng drơi jan ñu suaih laih.

Yêsu mă tơngan ñu hăng laĭ kơ gơ̆, “Talitha kum” kiăng laĭ “Ơ dra anĕt, Kâo pơđar kơ ih, tơgŭ bĕ!”

Tơdang Yêsu ăt dŏ pơhiăp, hmâo hơdôm čô mơnuih mơ̆ng sang Jairus rai laĭ hăng gơ̆: “Ană đah kơmơi ih djai laih, hơgĕt yom ngă pơgleh Nai dơ̆ng?” Samơ̆ Yêsu ƀu bơngơ̆t ôh kơ tơlơi gơñu laĭ, laih anŭn Ñu laĭ kơ khua wai sang bơjơnum: “Anăm hwĭ ôh, kơnơ̆ng đaŏ đôč.”

Yua kơ Yêsu hmâo laĭ laih kơ ñu: “Ơ yang bơngăt grĭ hơƀak, tơbiă bĕ mơ̆ng mơnuih anai.” Yêsu tơña kơ ñu: “Hlơi anăn ŏng?” Ñu laĭ glaĭ: “Anăn kâo jing ‘Ƀing lu,’ yua kơ gơmơi lu biă mă.”