Popular Bible Verses from Markôs 4

Share

Yêsu mơdưh, khă angĭn hăng laĭ kơ ia rơsĭ: “Hơđơ̆ng rơiăt bĕ!” Tui anŭn angĭn dŏ krĕt hĭ, laih anŭn ia rơsĭ hơđơ̆ng rơiăt mơtam. Yêsu laĭ kơ gơñu: “Yua hơgĕt ƀing gih hwĭ? Ƀing gih aka hmâo tơlơi đaŏ ôh hă?”

Laih anŭn gơñu bă hăng tơlơi hwĭ biă mă laih anŭn bơlaĭ tơdruă gơñu: “Hlơi mơnuih anai jing, tơl wơ̆t angĭn hăng ia rơsĭ ăt gưt kơ Ñu mơ̆n?”

Samơ̆ Yêsu dŏ ƀơi klon sŏng, đăl akŏ Ñu ƀơi hơnal akŏ laih anŭn pĭt. Ƀing ding kơna râo Yêsu hăng laĭ: “Ơ Nai, Ih ƀu bơngơ̆t ôh hă kơ ƀing ta či djai?”

Yêsu laĭ kơ gơñu: “Răng bĕ kơ tơlơi hơgĕt ƀing gih hmư̆. Ơi Adai či pơkă brơi kơ ƀing gih tui hăng hơnơ̆ng ƀing gih hmâo pơkă brơi kơ arăng, laih anŭn či thim brơi kơ ƀing gih dơ̆ng.

Yêsu laĭ dơ̆ng: “Dêh čar pơtao Ơi Adai jing kar hăng sa čô mơnuih sai pơjeh ƀơi lŏn. Ñu pĭt ƀôdah mơdưh, mlam ƀôdah tơhrơi, pơjeh čơnăt laih anŭn čăt glong đĭ, samơ̆ mơnuih anŭn ƀu thâo hluh ôh hyư̆m tơlơi anŭn.

Hlơi hmâo tơngia pioh hmư̆, brơi ñu hmư̆ bĕ!”