Popular Bible Verses from Markôs 9

Share

Yêsu laĭ kơ ñu: “Hyư̆m ih laĭ: ‘Tơdah Ih dưi’ Abih bang tơlơi dưi soh sel kơ hlơi pô đaŏ.”

Tañ mơtam ama čơđai anŭn ur laĭ: “Kâo đaŏ, rơkâo ih djru brơi tơlơi kâo ƀu đaŏ!”

Tơ Yêsu mŭt sang, ƀing ding kơna tơña kơ Ñu tơdang Ñu dŏ hơjăn: “Yua hơgĕt ƀing gơmơi ƀu dưi puh pơđuaĭ ôh yang sat anŭn?” Yêsu laĭ kơ gơñu: “Tơdah ƀu iâu laĭ ƀu hmâo hlơi dưi puh pơđuaĭ mơta yang sat anŭn ôh.”

Hra jing hiam, samơ̆ tơdah hra rơngiă hĭ mơsĭn, hyư̆m ƀing gih dưi ngă kiăng kơ ñu mơsĭn glaĭ dơ̆ng? Brơi ƀing gih khŏm hmâo hra amăng ƀing gih pô, laih anŭn brơi ƀing gih hơdip rơnŭk rơnua hăng tơdruă ƀing gih.”

“Hlơi jum sa čô čơđai anĕt kar hăng anai amăng anăn Kâo kar hăng ñu jum Kâo mơ̆n; laih anŭn hlơi jum Kâo, ƀu djơ̆ jum Kâo ôh, samơ̆ jum Pô hmâo pơkiaŏ rai Kâo.”

Laih anŭn hlơi pô brơi kơ ƀing gih mơñum sa kơčok ia yua kơ ƀing gih jing ƀing lơ̆m kơ Yang Krist. Sĭt biă mă Kâo laĭ kơ ƀing gih, pô anŭn ƀu či rơngiă ôh tơlơi bơni apah ñu.”

“Tơdah hlơi ngă brơi sa čô amăng ƀing čơđai anĕt anai hmâo đaŏ laih Kâo lĕ amăng tơlơi soh, hiam hloh brơi arăng akă hĭ sa boh rơsŭng boh pơtâo prŏng ƀơi tơkuai pô anŭn hăng glŏm hĭ ñu amăng ia rơsĭ.

Tơdah mơta ih pơsoh ih ngă brơi ih lĕ rơbuh, blač hĭ ñu bĕ; hiam hloh kơ ih mŭt amăng dêh čar pơtao Ơi Adai hăng sa gah mơta, kơ ih hmâo dua gah mơta samơ̆ arăng glŏm hĭ ih amăng war apui.