Popular Bible Verses from Luka 8

Share

Amubi ala la klɔ gi ɛwɔli ɛdɔ kese gbã aʋa ɛ, la alɛ aki banɔ baklɔ gi xe benu liboe le e, bizevu lɛ ɔzɔ mɛ ni kutununu ɔna gbã a. Nite si bizɛkpɛ ikũ nɛ ní liboe le kɔkpɛ nì lipoe lɛ klɔ gi liabu libi i.

Amubi ala la klɔ gi ɛwɔli eku bibu ʋe me e, alɛ aki banama gi bizenu liboe le e. Pɔ̀ ligbã nɛ mɛ kusuŋwasiɔ, exo la ni ligbã́ŋaŋa nɛ, bikpɛ likpɔ kɔ bimi liboe le kpɛ ba mɛ, gi líʋibu libi tɔ́tɔ liwewe e.

Amubi ala la klɔ gi edɔ ní kese kpakpla aʋa ɛ, la enu banɔ baklɔ gi bizeenu liboe le e gi bizɛzɛ lɛ ni isami fɛ ɛ. Pɔ̀ liboe le liʋita igu u. Lipoe kpekpemi itɔ ko bizɛzɛ lɛ aʋa ɛɛŋa. Pɔ̀ xegi baxixa ʋa bɛba ko e, kɔ bɛɛdzi kede e.

Lɛ Yesu eʋi yɛ badɔkpasi ba si, “Nifɔ mlɔ kuziŋaa kulɛ ɛ?” Pɔ̀ liboe le litu ba kugyɔ ɔ, lɛ lifu liku ba a. Lɛ beʋi ba ahanuglɔ ba si, “Nyaŋwɛ iliɛ? gi Yɛ kɔ izɛki liwɔ lɛ ni kuni yo ɔsã xe bizenu kutu iiki yɛ ɛ!”

Amubi ala la klɔ gi ɛwɔli ɛdɔ ní kudeo me e, la enu banɔ baklɔ gi bizenu liboe le e, pɔ̀ kɔ́ Ozimizi ye aba ekple liboe le ebu ní ba ina nɛ mɛ ɛ. Niteme si bátrazɛ lɛ aʋa ɛɛŋa a xe biamɔ kubúbú u.

“Lɛ kidɔ kakaa liɛ gi bekpo e, kiaŋwi. Lɛ kidiliɛ aʋa gi bewe bidɔ ɛ, biamɔ kɛ kɔ bebu ke basɛ ní oŋwe no e.

Ɔdzɛɛ amɔ si kibitɛ kima tɔ ɔ; nite si ekpese kusugu, lɛ adɔ Yesu ní ketu ya ɛ. Lɛ ní banima petee aŋu na mɛ ɛ, asi yɛ kidiliɛ gi kɛ loso yɛ agbɔni yɛ nì kiliɛ gi kunyaa kwiyurɔ yɛ kyɔŋ ɛ. Lɛ Yesu asi yɛ si, “Mɛ obidzɛɛ, wɔ kuziŋaa kwiyɔni wɔ. Ga trɛ ní kusuyɔ mɛ!”

Lɛ badɔkpasi ba bɛzɛhwani Yesu u, lɛ bɛsi yɛ si, “Ɔkaɛ, Ɔkaɛ, kuhanyrɔ ɔ!” Yesu ayɔ, lɛ aki liwɔ lɛ ni kuni nyra nyra ɔsã ɛ. Lɛ onu klɔ ko e, liwɔ lɛ limɔni kufu, lɛ kuni yo kwidɔ zii gi niklɔ ɛgɔ kranaa a.