Popular Bible Verses from Shwèʼ 3

Share

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì

Bità gàʼ à wen la, “Mà ko kiʼ ko no fa mpfen əku à wù alì diʼì ku tò kəfo kì a mà kiʼì. Mà gàʼà à wù a kədyòʼ Yesò Klistò ə wù Nazalèt la wù lu njèʼè.”

Ghə̀ gàʼ a lì ə̀ ghàʼ kwoŋ toghə wen ə̀ tsòʼsə̀ wen, ghə̀ lù tɨ̀mə. Tò a zhʉ ayì, afwen wen to. Ghə̀ tsòʼ a kàŋ ə̀ zìtə̀ sə̀ jèʼè ə̀ dyʉ̀ kwèn a ngə̀ŋ Nyìngòŋ wenə̀ Bità nə̀ Joyn sə̀ tsòʼtə̀ kaʼa fa tsu saŋlə̀ be bwomsə̀ Nyìngòŋ.

A dìʼ kədyòʼ kì a kə diʼì a zhiʼ Yesò a kə ne la wù kənkwàʼkə̀ ghèn a ghə̀ŋ ə yenə be kɨ lə̀ to. A dìʼi byɨmə à Yesò a ghə̀ ku wen ə̀ toghə wen ghenə no tsèm a shɨ ghə̀ŋ vətsèm.