Popular Bible Verses from Luk 3

Share

Ando Joyn nku mu a viʼi myètə, Yesò vi ghə̀ boŋ ku mu a wen. Ghə̀ nè sə njɨ̀mə̀, kaŋ boʼmə̀, Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə. Kə ghə̀ŋ a kwòʼtə̀ fa mbwo ghə̀ŋ gàʼà a ghə̀ŋ a ntyìntyìn la ghə̀ŋ diʼ vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə kaʼkə a vunə ghə̀ ku a Ablaham.

Ghə̀ŋ kɨ la ndzam ti a tì nkòʼ luwen, mu a faŋ tə fəkòʼ fə ko ke kumə ashɨ jùŋ ghə̀ mu və a bvaʼ ə mòʼ a zhìʼ”

Kə diʼi ndə̀ŋndəŋ ando nshə̀ʼtə̀ Isayà nyòʼ la Wìʼ tsen zɨmə fa nse zɨm la “Ghə̀ŋ shɨ̀tə jì Bobo, ghə̀ŋ ne məjìtə mə wen mə nàyn. No kəfoŋlə kə kò diʼi və a lwinsə, bè bèytə̀ no pfen ko kò tàŋ ko yì shiʼsə ə və diʼi nè jisə gosəkə sə nayn. La və tsen mə kwòŋtə fa jisə ndi jì tsèm ndiʼ mbwaʼ No məndo lù yen bwòŋ yi a Nyìngòŋ vi nə̀ wen ghə̀.”