Popular Bible Verses from John 14

Share

“Naamagniga aitutigiyaga ilipfingnun tunihimaitumik nunaum inungititun. Umatipfingni ihumaluktailuhi ekhitailuhilu.

Jesusim ukallautiyaa, “Ilaa uvanga apkutauyunga, ilumugniuyungalu, inugutauyungalu. Inuk Angutimnun tikilimaitpiaktuk, uvapkunli kihipkun.

Jesus ukaktuk, “Ihumaluktailuhi umatipfingni. Ukpekpagluhi Godmun, uvamnullu.

Ikayuktili, Anengniuyuk Naguyuk tamna, Angutima tiliniaktaa atipkun. Tapfuma ilihautiniaktaahi tamainik itkaumaktihimaluhi ukakpaktamnik ilipfingnun.

“Inum pitkuyatka ilihimagumigit maliglugit, tamnauyum nagugiyanga. Inumlu nagugiguminga tamna nagugiyauhunguyuk Angutimnin. Aahin tamna naguginiagiga takupkailunga uvamnik tapfumunga.”

Uvangalu Angutiga tukhiagviginiagiga tunikuvluhi ikayuktikhamik allamik ilagikuvluhi talvangaanin nungulaitumun. Ilumugnium Anengniga tamna, nunaum inungita pilimaitagaluangat takuyuinamitku ilitagingitkivlugulu. Ilipfili ilihimayagaluakhi tapfuma naiyuglegmahi ilipfingniilekhunilu.

Humillikalu tukhiagupfi atipkun piniaktunga Angutiga nagugiyaukuvlugu engnimini. Humillikalunin tukhiagupfi atipkun piniaktunga.

“Ilipfi nagugigupfinga pitkuyatka malikniaktahi.

Angutima igluani igluhagiektuk amigaitunik. Igluhagiegngitpan ukautiniagipfi innikhagliugiaktugniagama pivluhi?

Innikhagliuktiniagupfi aullakaalunga kaitkigniaktunga aitkuvluhi uvamnun naiyuktamniitkuvluhitauk.

Thomas ukallaktuk, “Atanek, aivikhangnik ilihimangnginapta kanuk apkut ilihimangniakkitugu?”