Popular Bible Verses from John 15

Share

“Uvanga napaaktuyunga kihektutigivluhi ilipfi. Inuk naiyukumi uvamni tapfumani-itillunga tamna ahianikhunguyuk amigaitunik, pilimaitpiagapfi humillika uvamni naiyugngitkupfi.

Uvamni naiyugitti uvanga naiyulegapfi. Napaaktum kihektutaa inminik ahianiyuituk napaaktuminin kipiyaugumi, taima ilipfitauk ahianilimaituhi naiyugngitkupfinga.

Ilipfi naiyugupfi uvamni, ukauhitka maliktautillugit ilipfingni, kuyagingnagluhi tukhiagaigupfi pikakhunguyuhi.

Ilipfi pilluangitkipfinga uvanga, uvangali pilluaktagaluapfi havakuvluhi ahianikuvluhilu, ahiahilu nungukunagit. Taima humillika tukhiagaigupfi Angutimnin atipkun, tunikuvluhi.

Inum ilanani tukuyyutigigumigit talva nagugiyain akhunigaaluk

Aahin uvamnin kihektutaiyakpaktuk kihektutitka ahianiyuitpata, huli kihektutitka ahiakakhimayun havaktain tapkua ahianikiyaukuvlugit.

Pitkuiyunga uminga, ilipfi kuviakutigitti ilipfingnik uvanga kuviagigapfi.

Ilipfi maligluagupfinga akhun ahianikupfilu atautikun Angutiga nagugiyauyuk.

“Uvanga napaaktutun ahiakaktutun-iliyunga ilumuktumik Angutigalu nauttiyekhiyiuyuk.

Inum naiyugngitkuminga igitauniaktuk kihektutun panekuvlugu. Tapkua kihektun katitauniaktun ingnegvingmun igitaukuvlugit, ikualakuvlugillu.

“Hapkuninga ukautivagipfi kuviakutiga ilipfingniikuvlugu aahin ilipfi kuviahukiyaukuvluhi.

Pitkuyatka maligupfigit kuviakutimni naiyugniaktuhi, taima uvanga Angutima pitkuyain malikpagapkit kuviakutaani naiyukhunga.

“Imaatun pitkuyapfi kuviakutigikuvluhi.

Ilipfi nunaum inungit ilagigupfigit tapkua naguginiaktaahi. Nunaum inungita nagugingitaahi ilaunginapfi tapkununga, aahin pilluagapfilu uvanga tapkunanga.