Popular Bible Verses from Luke 3

Share

Tapfumani inuit tamangmik baptaiektautillugit ilaa Jesustauk baptaiektauyuk, kengaktillugulu kilak angmaktuk. Aahin Anengmin Naguyum atkaktuk tingmiaktun tikittugu. Nipilu kilangmin tuhaanaktuk ukakhuni, “Ilvit engnigigapkin nagugiyagin akhun, kuviahutigivlutillu.”

Johnim kiuyain tamaita, “Uvanga imangmun baptaiekpagipfi, inukli uvamnin ataniukiyauyuk kailektuk. Tapfumangalu uvanga kanguhutikhakakpallaagama kamiektitukhaungitunga. Tapfuma baptaiekhunguyaahi Anengnimik Naguyumik ingnengmiglu.

Takki allangukuvluhi nagutkiyamun naguyumik havakpagluhi ilipfingnunlu ukaktailuhi, 'Uvagut Abraham angutigiyagaluakput'. Ukautigapfi, God piyumagumi kitungakliukhunguyuk Abrahamun uyagangnin hapkunanga.

Atuaktaun upalungayaktuk napaaktumun. Napaaktun nalliat ahianiyuitkumik kipiyauyukhat ikualakuvlugit.

Tiitigakhimangman nalautaiyim Isaiam tiitigaini, “Inuilgulmi inum tukhulauktum nipaa tuhaanaktuk, apkuhiugitti Atanek pivlugu, apkutingit nalguktigit. Nakhat tamangmik manikakhimayukhat, manilgullu kingautallu. Apkutinillu nalguitpiaktun nalguktitauhunguyun, nuna attagluktuglu manikhilekhuni. Inuillu tamangmik annautikhamingnik tautugniaktun Godmin.”