Luke 3

NAKATA 3

John Baptaietikun unipkak

(Mt. 3:1-12; Mk. 1:1-8)

1Tiberius Caesar ataniukaaktillugu ukiuni 15ni, Pontius Pilatelu ataniutillugulu Judeamiunun, Herodlu atanguyauman Galileemiunun, tapfumalu katangutaa Philip atanguyauman Ituraeamiunun, Trachonitismiununlu, Lysaniaslu atanguyaumanlu Abilenemiunun. 2Aahin Annas Caiaphaslu ataniutillugik angayyuvikpagyuakunun, Godim ukagvigitainaktaa John, Zechariam engniga, inuilgulmiitillugu. 3Tamnalu Jordam nunaanungaktuk baptaienengmik ukauyyivluni huinekiyun ihumaliukiktukhaumata ihumagiyauyunaekuvlugit. 4Tiitigakhimangman nalautaiyim Isaiam tiitigaini,

“Inuilgulmi inum tukhulauktum nipaa tuhaanaktuk, apkuhiugitti Atanek pivlugu, apkutingit nalguktigit.

5Nakhat tamangmik manikakhimayukhat, manilgullu kingautallu.

Apkutinillu nalguitpiaktun nalguktitauhunguyun, nuna attagluktuglu manikhilekhuni.

6Inuillu tamangmik annautikhamingnik tautugniaktun Godmin.”

7Johnimlu inungnun akuihimayunun baptaiektauyumangmata ukaktuk, “Nimegiangukpiagaluaktuhi kia kimaukuyaahi nangianaktumin kailektumin? 8Takki allangukuvluhi nagutkiyamun naguyumik havakpagluhi ilipfingnunlu ukaktailuhi, 'Uvagut Abraham angutigiyagaluakput'. Ukautigapfi, God piyumagumi kitungakliukhunguyuk Abrahamun uyagangnin hapkunanga. 9Atuaktaun upalungayaktuk napaaktumun. Napaaktun nalliat ahianiyuitkumik kipiyauyukhat ikualakuvlugit.

10Inuillu amigaitun apegiyaat, “Kanuk piniaktukhauvita uvagut?” 11Kiuyain, “Inuk atigikagumi malgunik aipa aitutigiyyavaa atigaitumun, tamnalunin nekilik negipkaili nekhaitumik.” 12Manilekhiyillu kaivaktun baptaiektauyumavlutik ukallautiyaat, “Ilihauyyi uvagutauk kanuk piniaktukhauvita?” 13Ukallautiyain, “Inungnin manitakupfi avakumayunik akilektauyukhaayunin pitailuhi.” 14Anguyaktillu apegiyaat, “Uvagutauk kanuk piniaktukhauvita?” Ukallautiyain tapkua, “Inungnin kukitailuhi ikutigitailugit aanektailugillunin; aahin akiliuhiakhakhi naamagihigik.”

15Inuillu negiukaluaktillugit umatimingni ihumatigivlugu John, tamna Christiumangan, 16Johnim kiuyain tamaita, “Uvanga imangmun baptaiekpagipfi, inukli uvamnin ataniukiyauyuk kailektuk. Tapfumangalu uvanga kanguhutikhakakpallaagama kamiektitukhaungitunga. Tapfuma baptaiekhunguyaahi Anengnimik Naguyumik ingnengmiglu. 17Tapfuma pualgitini atugniaktaa ihuakuvlugu tutkugvium natia kattikuvlugit mukpauyakhait naguyun mukpauyakhagvingmun igitugit igitauyukhat ingnengmun kamilaitumun.”

18Allatauk amihut ukautigivlugit John ilihauyyivaktuk naguyumik inungnun. 19Herodli atanek ukauyyauhimagami Johnmin katangumi nuliyanga Herodias pigamiuk allamiglu huinekivallaagami, 20kinguagun tapfuma John itektauvigmungaktitaa.

Jesus baptaiektauyuk

(Mt. 3:13-17; Mk. 1:9-11)

21Tapfumani inuit tamangmik baptaiektautillugit ilaa Jesustauk baptaiektauyuk, kengaktillugulu kilak angmaktuk. 22Aahin Anengmin Naguyum atkaktuk tingmiaktun tikittugu. Nipilu kilangmin tuhaanaktuk ukakhuni, “Ilvit engnigigapkin nagugiyagin akhun, kuviahutigivlutillu.”

Jesusim hivullingit

23Jesus ilihauyyinahualektillugu ukiukaktuk 30nik, inuillu engnigiyaunahugiyaat Josephmin, tamna Helim engnigiyaa. 24Heli engnigiyaa Mattham, Matthat engnigiyaa Levim, Levi engnigiyaa Melchim, Melchi engnigiyaa Jannaim, Jannai engnigiyaa Josephim. 25Joseph engnigiyaa Mattathiam, Mattathias engnigiyaa Amosim Amos engnigiyaa Nahuam, Nahum engnigiyaa Eslim, Esli engnigiyaa Naggaim, 26Naggai engnigiyaa Maathim, Maath engnigiyaa Mattathiam, Mattathias engnigiyaa Semeim, Semein engnigiyaa Josechim, Josech engnigiyaa Jodam. 27Joda engnigiyaa Joanam, Joanan engnigiyaa Rhesam, Rhesa engnigiyaa Zerubbabelim Zerubbabel engnigiyaa Shealtiem, Shealtiel engnigiyaa Nerim. 28Neri engnigiyaa Melchim, Melchi engnigiyaa Addim, Addi engnigiyaa Cosam, Cosam engnigiyaa Elmadam, Elmadam engnigiyaa Erm. 29Er engnigiyaa Jesusim, Jesus engnigiyaa Eliezam, Eliezer engnigiyaa Jorim, Jorim engnigiyaa Mattham, Matthat engnigiyaa Levim. 30Levi engnigiyaa Simeonim, Simeon engnigiyaa Judam, Judah engnigiyaa Josephim, Joseph engnigiyaa Jonam, Jonam engnigiyaa Eliakim. 31Eliakim engnigiyaa Meleam, Melea engnigiyaa Mennan, Menna engnigiyaa Mattatham, Mattatha engnigiyaa Natham, Nathan engnigiyaa Davidim, 32David engnigiyaa Jessem, Jesse engnigiyaa Obedim, Obed engnigiyaa Boazim, Boaz engnigiyaa Salam, Sala engnigiyaa Nahshom. 33Nahson engnigiyaa Amminadabim, Amminadab engnigiyaa Admin, Admin engnigiyaa Arnim, Arni engnigiyaa Hezronim, Hezron engnigiyaa Perezim, Perez engnigiyaa Judam, 34Judah engnigiyaa Jacobim, Jacob engnigiyaa Isaacim, Issac engnigiyaa Abraham, Abraham engnigiyaa Terem, Terah engnigiyaa Nahorm. 35Nahor engnigiyaa Serugim, Serug engnigiyaa Reum, Reu engnigiyaa Pelegim, Peleg engnigiyaa Eberm, Eber engnigiyaa Shelam. 36Shelah engnigiyaa Cainam, Cainan engnigiyaa Arphaxam, Arphaxad engnigiyaa Shemin, Shem engnigiyaa Noam, Noah engnigiyaa Lamechim. 37Lamech engnigiyaa Methuselam, Methuselah engnigiyaa Enochim, Enoch engnigiyaa Jarem, Jared engnigiyaa Mahalaleem, Mahalaleel engnigiyaa Cainam. 38Cainan engnigiyaa Enosim, Enos engnigiyaa Sethim, Seth engnigiyaa Adam, Adamlu engnigiyaa Godim.

Currently Selected:

Luke 3: Sperry

Highlight

Copy