Popular Bible Verses from Lúkas 5

Share

Pisenwa gikannuhakni ig awna git Simawh Pedru: — Tarakwanay han pawkat. Subuknay yitagmaya atere adahan yis kamax im.

Igme Simawh Pedru kaytwa giwn: — Kiyavwiye, usuh subukmina hewke tiyegem kuwis. Yuma ukamaxnihusima. Heneme ku pis muwaka, nah atak subukminate utagmaya akiw. Igkis subukmine gitagmayakis. Ayge nikwe igkis kamax ka aynsima im. Gitagmayakis kaba sigkebdi awaku im gawini.

Kiberevut ig higihwa piyawakad ku kiney yumanene hiyeg adahan ig piriyepkewne git Uhokri.

Nah ka ayta adahan nah humeknema ku pariye hiyeg kibeynevwi kuwis adahan igkis wageswiyes gihiyekemnikis. Nah ayta adahanikwa nah humekwiye neras ku pariye taraksavye adahan ignesnewa wageswiyes gihiyekemnikis.

Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Ig Kiyavwiye Jesus hiyapni hene, ig kaytwa giwnkis. Ig awna ta gitkis: — Hiyeg kane kibeynevwima ignes kewa hiyeg kakahribdavyebe. Igkis muwaka pahavwi ayta amnihgikis. Ignesme hiyeg makniwyevwi ignes ka muwaka mekseh. Ignesme hiyeg kakahribdavye igkis muwaka mekseh.

Igkis hiyapni hene, ku aysaw igkis danuh ihapkat igkis ikise madikte gewkanbetkis. Igkis tivik wew gikak Kiyavwiye Jesus adahan igkis humewnes gikannuhnivwi.

Ariwnteke ini ku samah ig Kiyavwiye Jesus avitnenete paha paytwempu, pahavwi awayg ayge ig axpusakare avit busukne pahavwite. Ig hiyap Kiyavwiye Jesus. Ig danuh atere git. Ig mabukwa ta gitivut adahan ig amnihswene git. Ig awna git: — Kiyavwiye, uya amnihun. Ku pis muwaka piyihun, pis hiya numakniwka. Ig Kiyavwiye Jesus timapni hene, ig sarayh giwak givitit. Ig daxwig atere. Ig awna git: — Ihi. Nah muwaka. Pis makniw. Aynewa gibuskana miyvi.

Bawkata inakni inetit gimin Kiyavwiye Jesus ibekhewvi muwapuw. Ka aynsima hiyeg pahadguhwa atere git adahan igkis timepnes giwn, adahan ig makniwgikis ariw gikahrikis.