Popular Bible Verses from Matiyu 5

Share

Zang ti mang waa zàáng sɔɔ ɓi jong, zang zuu nɛɛ gãntang kpang. Zang shing ɓi ka yuu vuu kɔ jong, tɔɔ wu yakɛ zang nɔng kati. Ka ruu nɔngkɔ, nɔɔ palɛ vuu tɔ̃ɔ manɛ waasɛ̃ ka jĩng zang, tɔ̀ɔ ri zi shonang tɔ̃ɔ manɛ, ri dɔ̀ɔ Daa manɛ ɓɔɔ lapa kati.”

“Nɔkɔ nɔng yakɛnang ka koo keɓe. Gãa ɓɔɔ zang mãa ka nɔng dɛɛrɛ, waasɛ bii ɓi jong kpang.

Tĩnang Tãanang ɓi ɓɔɔ zang ɓɔɔ ri dũng Laa nɛɛ yeti gbete ɓɛɛ. Rikɔ naa zi Kpanti Laa.

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ

“Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Tĩnang tãanang ɓi ɓɔ̀ɔ́ zang ɓɔɔ ri káa katɔ ɓɛɛ, Kpanti Laa naa àlɛ́ ri miiri ditɔ.

Tĩnang Tãanang ɓi ɓɔɔ zang ɓɔɔ zang dang ri jĩng, ka ruu ɓɔɔ, ri palɛ vuu tɔ̃ɔ ɓɔɔ Kpanti Laa kasɛ ɓɛɛ. Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ Kpanti ɓɛɛ.

Tĩnang Tãanang ɓi ɓɔɔ zang ɓɔɔ gn zang kɔng ri katɔ. Gn ɓarɛ naa kɔng Kpanti Laa ditɔ jong.

“Tĩnang Tãanang ɓi ɓɔɔ manɛ kɔ, naa zang dãa nɔɔ, zang dang nɔɔ jĩng, a zang ti kɔɔ ruu shi kpang nɛɛ sèé ka yuu manɛ, ka ruu ɓɔɔ, nɔɔ zang mɛɛ ɓɛɛ. Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Tĩnang Tãanang ɓi ɓɔɔ zang ɓɔɔ ri tuu yuu kpang ɓɛɛ. Laa naa a ri vuu ɓɔɔ wu kɔɔyi, nɛɛ wu a ri ɓɛɛ.

“Nɔkɔ tãa ka koo keɓe. Naa lanang tãa nɛɛ takpang, zang pálɛ̀ bɛ̀ɛ́ wu ri tãa tɔkn viya? Zang pálɛ̀ vuu ɓi tɔ̀ɔ́ nɔng kpang. Zang vang ɓi kaa tɔ, zang naalɛ nɛɛ doo.

Ka ruu nɔngkɔ, nɔɔ nwang zang tɔ̃ɔ doo naa ɓɔɔ Daa manɛ ɓɔɔ ka lapa nwang ɓɛɛ kɔ.

Yee ɓɔɔ nɔɔ rang piti wu di nyaa ka, ‘Nn.’ Nɛɛ, ‘Kpang kɔ shɛ̃ɛning’. Yee ɓɔɔ nɛɛ ɓa ‘Nn.’ Nɛɛ, ‘Kpang katɔ, a ɓi kaa nɛɛ bii Sheetang, zang shi kpang.’

“Nɔɔ tãa ruu ɓɔɔ Laa kɔɔ zang ka tĩng ɓɛɛ tɔ. Laa tɔɔ, ‘Zang wu lɔ́ngsɔ́ jĩng nɛɛ jĩng. Zang wu ti lɔ́ngsɔ́ tãri nɛɛ tãri kɔ doori.’ A n kɔɔ nɔɔ, nɔ́ɔ lɔngsɔ vuu shi kpang ɓɔɔ zang palɛ nɔɔ ɓɛɛ, nɛɛ vuu shi kpang kɔ doori kpang. N kɔɔ nɔɔ, zang nɛɛ nyɔ mɔɔ ka kashoo ɓɔɔ nakn, mɔɔ raa wu ɓɔɔ nagang jong.

Jĩng nakn ɓaaɓɛ kɔ nɛɛ shing mɔɔ mɔ́ɔ palɛ vuu shi kpang zɔ̃ng ta mɔɔ tasɛ. Nwang nɛɛ jĩng dang gbete gbã̀ágbãa, ka nung ɓɔɔ zang nɛɛ daa tasɛ bii bang ɓaaɓɛ ka waa dɔ̃ɔ gbete ɓɛɛ. Náa nakn ɓaaɓɛ kɔ nɛɛ ti shing mɔɔ mɔ́ɔ palɛ vuu shi kpang, dɔng ta mɔɔ tasɛ. Nwang nɛɛ naa dang gbete kɔ gbã̀ágbãa, ka nung ɓɔɔ zang nɛɛ daa tasɛ bii bang ɓaaɓɛ ka waa dɔ̃ɔ gbete ɓɛɛ.”