Popular Bible Verses from aYohana 19

Share

aYeso tá shushu akpukpak ashi'me ne a fe̱ ye, “An gang!” Ne a ma roor kuto̱ a tá no̱o̱k kutser wu.

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYeso tá fa di anyining wu, ne alimazhiri wu aya wu tá shim dide̱ng ame nuyeseng azong, yong a fe̱ be anyining wu'me ye, “Ango̱, ayong ne a te igon wan.” Ne a fe̱ be alimazhiri'me ye, “Ango̱ wan'ong.” Kum nizen iyong álimazhiri'me tseng be anyining aYeso'me kari wu.

Amma á tá fa be̱ nufe aYeso ne á di a n ku, á busung atak wu baꞌ. Azining kaye̱e̱r asozha'me bun a tubuk aYeso nukafam be kuko̱o̱n ne naso̱k be ashi wuruk naro̱'me.

A nye ike̱re̱ na nong ase̱ a tá shining ike̱ng iya Kufumung Adakunom tá fe̱ ye, a tá fe̱ ye, “A tá bur kukup wu kuzining baꞌ.” Kufumung rife̱ Adakunom bun ku fe̱ ye, “Ba tà ye̱re̱k aya ba tá tubuk.”

Ayong ásozha dorok á tá tseng be aYeso. aYeso wuruk kaye̱e̱r kuwo̱p'e an cer kukon a tana ku tigak mo be rice wu, ma naro̱ a tá yis ye Karo̱ Áho̱karo̱k Ace. (Ni irem áner Aramiya a yis ye aGolgota.)

Ne ásozha'me karam ikiritsan nong á ta te aYeso'me rice. Ne á kute kuwe̱n kukpiin kuseng kyo̱ndi kufe agwo̱m.