Popular Bible Verses from Yohana 12

Share

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Unde titini ti awu a sa uwae tsi skeb risu unyang-wu utense ike, awu u shanum unyang-wu ti kubenti. Amaa unde titini ti awu a ku pyir unyang-wu utense ike, awu u site unyang ti tsi kukunn.

Ame ku ri te ni kubenti, riyáen awum u waen-wu awaen amen be, se iken ti aba a sa wu tso riben awu a nde ma awu na rwa mbub itawe. Asiti awu a rwa mbub u ru pu inja tawe awu u waen awaen tiyang.

Ame sang ba uwae utense ike ikyaen ti m u si uwog ti saen, ikyaen ti unde titini ti a ru uwae kinjo uwog-m awu na ā som-wu uwae kufub cwucwo be.

Unde titini ti a fxen ira ti ame ku ri u putsa-wu ayi be, awu u sang uwae rikwen. I si-yi ame ti u pwen wu rikwen be. Ame sang ba-m utense ikyaen ti m na u pwen ande rikwen be, i si ikyaen ti m u nda ba unyang.

Tiri Mberimu ru ba ti iturbasa kindob iki ti a kyae yi ijwe ipab nardi. Kindob yine site aser ko timambe. Ama awu sa yi yaen si afxen Yesu u pu ikyinn risu-wu fen yi atang. Kuyang kindob yi shag kyi fe uwae kusog atang meme.

Ikyaen yine aba pye asaen itu u pu ti a na u ru ka kyang te wu fengo. Aba nyae ira baa, “Ti teb Rimam roo! Itinyang ā ta risu awu ti ba yi rinyi Rimam!”

Yesu ri te ba baa, “Kiye ru ba pu yi ti ande u nung kuko na Umbae Unde.