Popular Bible Verses from LUK 5

Share

Lune i ingeie u laqa rovo, mo veve lawe Saemon vena, “Nen lai na aka na tutuhivo lolo buei wai, ko nen siregi na nomiu gabe huri nein revei na ige.”

I Saemon mo duvi vena, “Huhui, gau vei leo lolo bongi mo rani ko gahe wali na gineu te gatagale. Nge huri gom veve tau, gamai gain tuli na gabe taligu.” Ram tuli na nora gabe hivo ko a ige u sao ram hola lolo gabe mo kakarani vena maheve.

Ingeie mo vano lo vanue vurogi, aiehi nge mo tataro.

Ineu nahe vomai tea ve nan ware irahine rau vovohoi, nge irahine rau galegaleasi.”

Lune i Saemon Bita mo lehi na hava gineu u rovo vomai, mo sisiqeu hivo lobei qaui Jisas ko mo veve vena, “!Gon vano denieu, Huqe, huri neu a tangaloi galegaleasi!”

I Jisas mo duvi lawera mo veve vena, “Irahine ram mwaso ra he tarani na dokta tea, nge irahine hi ram sege hogosie.

Ram reve na aka suhage varea lolo one, ram siregi na nora gineu doluegi ko ram huri Jisas.

Lo taro gatagale i Jisas mo toga lolo mahoi venue lawua. A tangaloi gatagale aiehi a vohavono u vei na betune doluegi. Lune mo lehi Jisas, mo sisiqeu hivo mo hudu goroe, mo navu denie vena, “Huqe, tare ve gom tarani, goin vei leieu ve nan mwasara!” I Jisas mo horagi na limana mo tango vano lune, mo veve vena, “Nam tarani, gon mwasara!” Ko siserigi a vohavono hi mo rovo denie.

Nge a roro huri Jisas mo vano liu den tomuegi, ko a sinobu sao rau vomai ve rain rongoe ko ve nge vin vagamwasoire dena nora segeana.