Popular Bible Verses from LUK 4

Share

A Vui nona Huqe mo toga luku. A vevenagi ingeie hi u leowaheau, ve nain lei na Roro Garea vano lawera mahogi. Nge u horau ve nain veve sere lawera tangaloi ram toga vau ve rain mwelue tabetabegi. Nge u horau ve nain vei na matadodo rain leo taligu, ko nain vei na tangaloi hi ram vaiveire rain vano tabetabegi, ko nain veve sere na taro u vonai beno hurive a Huqe vin vagamwasoi na nona sinobu.”

I Jisas mo duvi vena, “U reve beno lo Reve reve Gogona vena, ‘Gon huduhudu goro na Huqe nomu God, ko goin tabanagi lawea hogosie!’ ”

I Jisas mo duvi vena, “U reve beno lo Reve reve Gogona vena, ‘A tangaloi vin he mwaso lai tea gina bereti hogosie.’ ”

I Jisas u horo gena Vui Gogona, siu mo mule dena wai Jodan, a Vui hi mo tomue ginie sulo vanue vurogi.

I Jisas mo duvi vena, “U reve beno lo Reve reve Gogona vena, ‘Go mese kali lehi na Huqe nomu God.’ ”

Lune i Vui esi u keli lehi Jisas lo matahala doluegi u rovo, nge mo sireginie lo mahogi biti.

Siu i Vui esi mo laie hage ko mo haharagi vagatagalegi na vanuei ratahigi doluegi lolo ure lawea. I Vui esi mo veve lawea vena, “Nain bete na huireana hure na gineu ingere ngaha doluegi lawego. Huri a gineu ingere ngaha rau betera laweau. Ko ineu nain bete lai lawe hine hi nain leo wahea. A gineu ingere ngaha doluegi rain voragi nomu, tare ve goin huduhudu goroau.” I Jisas mo duvi vena, “U reve beno lo Reve reve Gogona vena, ‘Gon huduhudu goro na Huqe nomu God, ko goin tabanagi lawea hogosie!’ ”

Siu i Vui esi mo laie vano a Jerusalem ko mo labetaginie lo hunei Vale Gogona, mo veve lawea vena, “Tare ve iniko i Netui God, gon qale hivo dena ute tangaha. Huri u reve beno lo Reve reve Gogona vena, ‘God vin hora ra nona engsel ve rain leohuri vurugeginigo.’ U reve vage ve, ‘Ngere rain halovigo hage lo limara vai teu gom taturegi na karumu lo vatu.’ ” I Jisas mo duvi vena, “U reve beno lo Reve reve Gogona vena, ‘Go mese kali lehi na Huqe nomu God.’ ”