Popular Bible Verses from MAK 12

Share

I Jisas mo duvi vena, “A Leo hora hi u lawua garagara nge ngaha: ‘Igimiu nen rongo ira duvi Israel, a Huqe noda God ingeie a Huqe gatagale hogosie. Igimiu nen tabe na Huqe a nomiu God gina loloi taqangimu doluegi, ko gina tamatemu doluegi, ko gina domimiu doluegi, ko gina nomu huireana doluegi.’ Ko a Leo hora tuegi nge ngaha: ‘Gon tabe na tangaloi wagineu mwereigo sibomu.’ Hatie Leo hora vage ve u lawua taligu denire ngaha.”

I Jisas mo warera nona rorongtagi vonai lobena, mo veve lawera vena, “A hogo, nam veve lawe gimiu vena, a vavine madue hi u tuli na homu u liure denire doluegi. Huri ingere doluegi ram tuli na duvi nora homu rau hako dore; nge a vavine hi, a mahogi, u tuli na nona lalaie doluegi, ngehi ve vin mwaso lune.”

Lune i Jisas mo toga lo Sara Gogona kakarani lobei tanoi tuli homu, nge mo lehi na sinobu ram tuli homu siu lolona. Ko ira tagi hako gineu rau sao ram tuli na homu rau lawua. Nge a vavine madue gatagale u mahogi mo vonai, mo tuli na homu wuwerigi gairue, u tatarise mena vatu gatagale.

Ko a Leo hora gairue ingere ngaha, huri ve a tangaloi vin tabe God gina loloi taqangine doluegi ko gina domine doluegi ko gina nona huireana doluegi ko huri ve vin tabe na tagi vanuana mwere hi mo tabea sibona. Ngehi mo enhageliu ve dain tabe na leohora gairue ngaha denie hi dam rugurugu gina kakarue lo tanoi rugurugu ko a rugurugu wagineu vage hi dain bete lawe God.”

Siu i Jisas mo veve lawera vena, “Nen bete lawe Sisa a hava gineu a noi Sisa, ko nen bete lawe God a hava gineu a noi God.” Ko ram awogi hurie.