Popular Bible Verses from MAK 13

Share

A tangaloi doluegi rain sebugi gimiu huri na henaku. Nge ihine tea vin labe siaga vin dadari lo qereqerenagi vin mwaso.

Nen radagoro gimiu, nen rada nen rarai, huri nehe ilo na tarogi tea ve vin vanai.

Ko lune vin waregi sere lawe na sinobu doluegi. Ingere rain wiribibi gimiu, rain lei gimiu sulo kot; nge nen laqagi na hava gineu vin bete lawe gimiu lo tarogi ngehi. Huri nehe laqa tea gina leomiu sibomiu, nge gina leo mo vonai dena Vui Gogona.

A eulu ko a tano ngaha roin salasala, nge a noku leo vin he sala lai tea.

“Ihine tea he ilo na ranigi tea sige a tarogi ve vin vei, ira engsel ta eulu hatie, i Netui hatie, nge i Mama hogosie.

Nge lune gimiu nein rongo huri na vuro ko a roroi vuro vagahao nein matagu. Huri a gineu ingere ngaha rain vei, nge a rovonagi hatie tau.

Gimiu vage nein rada goro, huri ne he ilo tea ve i tagi vale vin vonai tagaha, lolo revirevi, sige lolo livugata, sige lolo toa tarere, sige lolo ului reni, Vaiteu mo vanai siserigi ko vin haqe gimiu nem maturu. Nge a hava gineu nam veve lawe gimiu, nam veve lawe na tangaloi doluegi: Nen rada goro!”

Huri a sinobu vin qalo mena sinobu, ko a vanue mena vanue. A ruru vin vonai lo vanue saosao, ko vin maro. A gineu ingere ngaha a gagarasigi mwere hi a maresu mo ragasi retahine vena bavae.

Nge gitomuegi siu a Rani vagasigi vin vanai ne ngasagi na Roro Garea lawera sinobu doluegi.

A tangaloi u sao rain vonai lo henaku, rain veve vena, ‘!Ineu hi!’ ko rain sine na sinohu sao.

“Igimiu nen leohuri gimiu sibomiu. Ngere rain lei gimiu siu lo kot. Rain teli gimiu lolo valei soneana. Nein labe lo nagora Kavman meire ratahigi hurieu, huri nen ngasagi na Roro Garea lawera.

Huri ira Kraes kalikeli ko ira tangaloi ligoligogi kalikeli rain maraga. Rain vei na vaigivui saosao ko rain vei na gineu garigiana lalawua. Ingere rain veileo ve ran kali lehi na sinobu hi i God u leowahera tare ve mo lai.

“?Nge lolo ranigi ingere ngaha lo tagui gineu esi rau vanai, a aho vin dodo ko a vule vin he leleo tea, ko a visiu rain soi dena eulu, ko a huireana talo mahava rain gilu lategi den tanora.