Popular Bible Verses from Luke 12

Share

Na muanmawh loh hun laitakun Mihing Tapa hong pai ding ahi manin note zong pel loin kigingsa in om un," a ci hi.

Ahi zongin Pasian gam na zong un, tua hileh hih nate khempeuh hong piathuah ding hi.

Tua ciangin amah in amaute kiangah, "Kigalging un! Huaihamna nam khempeuh panin na kikem un; mihing nuntakna pen neih le lama bucinna tawh a kim kei hi," a ci hi.

Ahang in, na gou omna munah na lungsim zong om ding hi.

A lunghimawh manin a nuntak hun nai khat bek nangawn a sotto a thei note lakah kua om ahi hiam?

Tua caingin Jesu in a nungzuite kiangah, ‘Tua ahi ciangin ken kong geninah na nuntak nading, na nek ding ahi zongin, na silh na ten ding ahi zongin na pumpi uh ading bangmah lunghimawh kei un.

Na samzangte khempeuh uh kisim khin takpi hi. Lau kei un; kawlgit tampi sangin note na manphazaw uh hi.

"Tuu hon tawmkhate aw, na Pa un note gam hong piak ding lungkim khin ahi manin na lau kei un.

Va-akte na ngaihsun dih un: Tuate in vawh lah vawh lo, at lah at lo, gawdam ahi zongin sal ah ahi zongin a khol kei uh hi. Tua hi napi Pasian in tuate a vak hi. Vasate sangin note na manpha zawtham pek uh hi!

Tua ahi ciangin na nek na dawn ding uh ngaihsut penin nei kei un; tuate na lunghimawh kei un.

Upna neu mite aw, tuni-in hih lai-ah om a, zing ciangin mei-a kikhul ding lopa kung khat, Pasian in tua zahin zem ahileh amah in note puan hong guan zaw tham ding hi!

A kipholak lo ding, a kiselcip bangmah om lo a; a kitheikhawk lo ding a ki-imcip bangmah a om kei hi.