Popular Bible Verses from Luke 13

Share

"Kong kawcik-a lut ding na hahkat un. Bang hang hiam cihleh, mi tampi in lut ding a hanciam ding uh a, ahi hangin a lut thei kei ding uh hi, cih kong gen hi.

Tua lai-ah kha khat in, kum sawm-le-giat sungtak a poisak numei khat a om hi. Tuanu a nung kulin a dingtang thei peuhmah kei hi. Jesu in amah a muh ciangin a mai lamah samkhia a, "Numei aw, na zawnkhalna panin hong kikhahkhia hi," a ci hi.

Tua ciangin amah in tuanu tungah a khutte nga-a, tua khit phetin tuanu dingtang thei-a Pasian a phat hi.

A nunungte masa a, a masate nunung cih a om takpi hi," ci-in a gen hi.

Inn neipa khatvei thoin kong a khak khit nak leh note a pualamah dingin, ‘Topa aw, kote kong hong hon in,’ ci-in kongkhak kiu-in na ngen ding uh hi. "Ahi hangin amah in, ‘Note kong thei kei hi; koi pan hong pai cih zong kong thei kei hi,’ ci-in dawng ding hi.

Kong hilh tektek hi, a mawhzaw tuan kei uh hi! Ahi hangin note na kisik kei uh leh note zong na vekun na mangthang khin ding uh hi," ci-in a dawng hi.

"Ahi hangin amah in, ‘Note kong thei kei hi; koi pan hong pai cih zong kong thei kei hi, no a tatkhelte aw paimang un!’ ci-in hong dawng ding hi.

Tua ciangin Jesu in, "Pasian gam bang tawh kibang ahi hiam? Bang tawh ka teh ding hiam? Mi khat in huan sunga a cin ankam tang tawh kibang hi. Tua ankam khangto a, kungpi suakin a hiangte tungah huihlak vasate a tuang uh hi," a ci hi.