Popular Bible Verses from Марк 6

Share

Дугъу дурариз кӀуру: – Хъа гьамус, адмийир адру фунуб-вушра йишваз гъягъидихьа, гьадушваъ ялгъузди гъузай ва сацӀиб рягьятвал гъадабгъай. Гьаз гъапиш, дурар айишваъ гизаф халкь айи, дурариз гьеле уьл ипӀузкьан мажал шуладайи.

– Гьюрмат адру пайгъамбар хьуб мумкин дар, – кӀуру Исайи, – хъа чан багъри шагьриъ ва хулаъ, жвуван багахьлуйиригъ ва хизандиъ пайгъамбриз гьюрмат ади шулдар.

Люткейиан удучӀву Исайиз аьхючӀвеъ халкь рякъюру. Дугъаз дурарин язухъ шулу, гьаз гъапиш дурар марччлихъан хътру марччарси айи. Дугъу дурариз гизаф ляхнарикан ктибтуру.

Гьаддиз Дугъхьан душваъ, сакьюдар иццурайидариин хилар иливну сагъ гъапӀдар ктарди, сану сабкьан аьламат улупуз гъабхьундайи. Думу дурарин хътругърайивалиин мюгьтал духьнайи. Хъасин Думу гъулʼан-гъулаз гъягъюри, адмийириз аьгъювалар туври шулу.

Исайи, хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, халкьдиз пай апӀуз ученикарихьна тувру. Дугъу варидаригъна кьюб балугъра пай апӀуру. Вари халкьди ипӀуру, тухъ шулу ва балугъаринна уьлин хъригъу кьацӀари йицӀикьюб тавра ацӀру.