Popular Bible Verses from Acts 5

Share

ēkwa Peter mīna kotaka itisahwākanak ōmisi itēwak, “piko kita-tōtamāhk kisē-manitow ē‑itikoyāhk, ispīhci ayisiyiniwak kita-natohtawāyāhkok.

tāhto kīsikāw kī‑kiskinohamākēwak mīna kī‑kakēskihkēmowak omiywācimowiniyiw Jesusa onawasōnākan, kihci-ayamihēwikamikohk ēkwa ayisiyiniwa wīkiyihk.

Peter ōmisi itēw, “Ananias, tānēhki maci-manitow kā‑pakitinat kita-tipēyimisk? ē‑kiyāskīhat kā‑kanātisit ahcāhk ayisk kikī-kanawēyimāw pahki ana sōniyāw kā‑kī-ohcisiyan kitaskiy ē‑atāwākēyan. mwayēs ē‑atāwākēyan kikī-tipēyihtēn anima kitaskiy, ēkwa ē‑kī-atāwākēyan, ana sōniyāw kā‑tipēyimat. tānēhki māka ōma kā‑tōtaman? namōya kikiyāskīmāw awiyak, māka kikiyāskīmāw kisē-manitow.” mayaw ē‑pēhtahk ōma, Ananias kī‑kawipayiw ēkwa kī‑nipiw. tāhto kā‑pēhtahkik ōma, mistahi kī‑sēkisiwak.

ēkosi kiwīhtamātināwāw ēkāya nānitaw tōtāhkok ōki nāpēwak. pōnihihkok! kīspin ayisiyiniw ohci kā‑isi-kīsēyihtahkik ēkwa tōtamwak ka‑pōni-ihtakwan. kīspin ohtihcipayiki kisē-manitow ohci, namōya kika-kī-nakināwāwak. nānitaw isi kika-nōtināwāw kisē-manitow!” kī‑tāpwēhtawēwak tānisi kā‑itwēyit Gamalielwa.