Popular Bible Verses from ᒉᓂᓯᐢ 17

Share

ᐃᐢᐱ ᒫᑲ ᐁᑊᕒᐋᒼ ᑫᑳᐟ ᓵᓴᐩ ᐁ ᒥᑖᐦᑐᒥᑕᓇᐁᐧ ᐱᐳᓀᐧᐟ, ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑕᐁᐧᐤ ᐁᑊᕒᐋᒪ, ᐅᒥᓯ ᒫᑲ ᐁ ᐃᑖᐟ, ᓂᔭ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᑭᓭᒪᓂᑐ; ᐸᒥᐢᑕᐃᐧᐣ, ᒥᓇ ᒥᐩᐋᐧᑎᓯ.

ᐊᐦᐳ ᓇᒪ ᐃᐧᐦᑳᐨ ᒥᓇ ᐁᑊᕒᐋᒼ ᑭ ᑲ ᐃᓯᔨᐦᑳᓱᐣ, ᒫᑲ ᐁᑊᕒᐁᐋᒼ ᑭ ᑲ ᐃᓯᔨᐦᑳᓱᐣ; ᒋᑫᒫ ᑭ ᑭ ᐃᓯᐦᐃᑎᐣ ᒥᐦᒉᑐᐢᑳᐣ ᐊᔨᓯᔨᓂᐊᐧᐠ ᑭᑕ ᐅᐦᑖᐃᐧᒥᐢᑭᐠ.

ᑭ ᑲ ᒪᐢᑲᐊᐧᐢᑕᒫᑎᐣ ᒫᑲ ᓂᐟ ᐊᓱᑕᒫᑫᐃᐧᐣ ᑳ ᐃᓯ ᐃᐧᒋᐦᐃᓯᒋᑫᒥᑐᔭᕽ, ᐁ ᓂᓯᔭᕽ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ, ᐃᐢᑯ ᑫ ᐋᔮᓂᐢᑫ ᐱᒫᑎᓯᒋᐠ, ᑳᑭᑫ ᐃᐧᒋᐦᐃᓯᒋᑫᒥᑐᐃᐧᐣ, ᓂᔭ ᑭᑕ ᐅ ᑭᓭᒪᓂᑐᒥᔭᐣ ᒥᓇ ᑭᐟ ᐊᐋᐧᓯᒥᓴᐠ ᐊᓂᐢᑫ.

ᓂᔭ ᒫᑲ ᐃᐧᔭ, ᓂᐟ ᐊᓱᑕᒫᑫᐃᐧᐣ ᑭ ᐃᐧᒉᑯᐣ, ᒥᐦᒉᐟ ᒫᑲ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑭ ᑲ ᐅᐦᑖᐃᐧᒥᑲᐧᐠ.

ᑭᓭᒪᓂᑐ ᒫᑲ ᐃᑌᐤ, ᑖᐯᐧ ᓭᕒᐊᐦ ᑭ ᑲ ᓂᐦᑖᐃᐧᑭᑕᒫᐠ ᑫ ᐅᑯᓯᓯᐊᐧᐟ; ᐋᐃᓴᐠ ᒫᑲ ᑭ ᑲ ᐃᓯᔨᐦᑳᑖᐤ; ᓂ ᑲ ᒪᐢᑲᐊᐧᐢᑕᒪᐋᐧᐤ ᒫᑲ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ, ᑲᑭᑫ ᑲᑕ ᐃᐧᒋᐦᐃᓯᒋᑫᒪᐠ, ᒥᓇ ᐅᐟ ᐊᐋᐧᓯᒥᓴ ᐋᓂᐢᑫ.

ᑭ ᑲ ᒥᔨᑎᐣ ᒫᑲ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ, ᐊᓂᒪ ᐊᐢᑭ ᐃᑕ ᑳ ᒫᐣᑌᐃᐧᔭᐣ, ᒥᓯᐁᐧ ᑫᓇᐣ ᐊᐢᑭ, ᑳᑭᑫ ᑭᑕ ᑎᐯᔨᐦᑕᒪᐣ; ᐁᑯᓯ ᓂᔭ ᑭᑕ ᐅ ᑭᓭᒪᓂᑐᒥᐊᐧᐠ.

ᐁᑊᕒᐁᐋᒼ ᒫᑲ ᐸᑕᐱᐢᑫᐧᐸᔨᐤ, ᒥᓇ ᐁ ᑭ ᐹᐦᐱᐟ, ᐅᒥᓯ ᐁ ᐃᑌᐧᐟ ᐅᑌᐦᐃᕽ, ᐊᐋᐧᓯᓴ ᒋ ᑭᑕ ᓂᐦᑖᐃᐧᑭᑕᒪᐋᐧᐤ ᐊᓇ ᑳ ᒥᑖᐦᑐᒥᑕᓇᐁᐧᐱᐳᓀᐧᐟ? ᒥᓇ ᒋ ᓭᕒᐊᐦ, ᑫᑳᐟ ᐁ ᒥᑖᐦᑐᒥᑕᓇᐁᐧᐱᐳᓀᐧᐟ, ᑭᑕ ᓂᐦᑖᐃᐧᑭᐦᐋᐊᐧᓱ?

ᑭᓭᒪᓂᑐ ᒫᑲ ᐃᑌᐤ ᐁᑊᕒᐁᐋᒪ, ᓭᕒᐋᐩ ᒫᑲ ᑭᐊᐧ, ᓇᒪᐃᐧᔭ ᓭᕒᐊᐩ ᑭ ᑲ ᐃᓯᔨᐦᑳᑖᐤ, ᒫᑲ ᓭᕒᐊᐦ ᑭᑕ ᐃᓯᔨᐦᑳᓱ.

ᑭ ᑲ ᓴᕒᑲᒼᓴᐃᓯᐃᐧᓈᐋᐧᐤ ᒫᑲ ᑭ ᐃᐧᔮᓯᐋᐧᕽ ᑭ ᐊᐧᐢᑭᑕᓵᑳᒥᐋᐧᕽ; ᐁᑯᓯ ᑲᑕ ᑭᐢᑭᓇᐋᐧᑌᔨᑖᑲᐧᐣ ᑳ ᑭ ᐃᓯ ᐃᐧᒋᐦᐃᓯᒋᑫᒥᑐᔭᕽ.

ᒫᑲ ᐃᐧᔭ ᐃᐧᒋᐦᐃᓯᒋᑫᒥᐁᐧᐃᐧᐣ ᓂ ᑲ ᒪᐢᑲᐊᐧᐢᑕᒪᐋᐧᐤ ᐋᐃᓴᐠ, ᐊᓂᐦᐃ ᑫ ᓂᐦᑖᐃᐧᑭᑕᒫᐢᐠ ᓭᕒᐊᐦ ᐅᒪ ᐃᐦᑭᐦᑭ ᑯᑕᐠ ᐱᐳᐦᑭ.

ᐊᓇ ᒫᑲ ᐊᔨᓈᓀᐤ ᑳ ᑕᐦᑐ ᑭᓯᐦᑫᐧᐟ ᐃᑕ ᑳ ᐊᔮᔦᐠ, ᑲᑕ ᓴᕒᑲᒼᓴᐃᓯᐃᐧᐋᐤ, ᑳ ᑕᐦᑐ ᓈᐯᐃᐧᐟ ᐊᐋᐧᓯᐢ ᑭᐟ ᐋᔮᓂᐢᑫ ᐱᒫᑎᓯᐃᐧᓂᐋᐧᕽ, ᐊᓇ ᑳ ᓂᐦᑖᐃᐧᑭᐟ ᐋᐧᐢᑳᐦᐃᑲᓂᕽ, ᐊᐦᐳ ᐊᐃᐧᔭᐠ ᑳ ᒫᐣᑌᐃᐧᐟ ᑭ ᐊᑖᐁᐧᕽ ᓲᓂᔮᐤ ᐅᐦᒋ, ᐁᑳ ᑭᐟ ᐊᐋᐧᓯᒥᓴ ᑳ ᐅᐦᒋᐟ. ᐊᓇ ᑳ ᓂᐦᑖᐃᐧᑭᐟ ᑭᑭᕽ, ᒥᓇ ᐊᓇ ᑭ ᓲᓂᔮᒪ ᑳ ᑭ ᐅᐦᒋ ᐊᑖᐁᐧᔭᐣ, ᐅᐦᒋᑕ ᐱᑯ ᑭᑕ ᓴᕒᑲᒼᓴᐃᓯᐃᐧᐋᐤ; ᓂ ᑭᐢᑭᒥᐁᐧᐃᐧᐣ ᒫᑲ ᑲᑕ ᐊᔮᐤ ᑭ ᐃᐧᔮᓯᐋᐧᕽ ᑳᑭᑫ ᑲᑕ ᐅᑭᐢᑭᒥᐁᐧᐃᐧᓂᐊᐧᕽ.