ᒉᓂᓯᐢ 17
17
1ᐃᐢᐱ ᒫᑲ ᐁᑊᕒᐋᒼ ᑫᑳᐟ ᓵᓴᐩ ᐁ ᒥᑖᐦᑐᒥᑕᓇᐁᐧ ᐱᐳᓀᐧᐟ, ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑕᐁᐧᐤ ᐁᑊᕒᐋᒪ, ᐅᒥᓯ ᒫᑲ ᐁ ᐃᑖᐟ, ᓂᔭ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᑭᓭᒪᓂᑐ; ᐸᒥᐢᑕᐃᐧᐣ, ᒥᓇ ᒥᐩᐋᐧᑎᓯ. 2ᐁᑯᓯ ᓂ ᑲ ᐅᓯᐦᑖᐣ ᑭᑕ ᐃᐧᒋ ᐃᓯᐦᒋᑫᒥᑐᔭᕽ ᐁᓯᓂᓯᔭᕽ, ᒥᓇ ᓈᐢᐱᐨ ᑭ ᑲ ᒥᐦᒉᑐᐃᑎᐣ. 3ᐁᑊᕒᐋᒼ ᒫᑲ ᐸᑕᐱᐢᑫᐧᐸᔨᐦᐅ; ᐁᑯᓯ ᑭᓭᒪᓂᑐᐊᐧ ᐊᔭᒥᐃᐠ, ᐅᒥᓯ ᐁᐃᑎᑯᐟ, 4ᓂᔭ ᒫᑲ ᐃᐧᔭ, ᓂᐟ ᐊᓱᑕᒫᑫᐃᐧᐣ ᑭ ᐃᐧᒉᑯᐣ, ᒥᐦᒉᐟ ᒫᑲ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑭ ᑲ ᐅᐦᑖᐃᐧᒥᑲᐧᐠ. 5#ᕒᐅᒪᓇ 4:17ᐊᐦᐳ ᓇᒪ ᐃᐧᐦᑳᐨ ᒥᓇ ᐁᑊᕒᐋᒼ ᑭ ᑲ ᐃᓯᔨᐦᑳᓱᐣ, ᒫᑲ ᐁᑊᕒᐁᐋᒼ ᑭ ᑲ ᐃᓯᔨᐦᑳᓱᐣ; ᒋᑫᒫ ᑭ ᑭ ᐃᓯᐦᐃᑎᐣ ᒥᐦᒉᑐᐢᑳᐣ ᐊᔨᓯᔨᓂᐊᐧᐠ ᑭᑕ ᐅᐦᑖᐃᐧᒥᐢᑭᐠ. 6ᓇᐢᐱᐨ ᒫᑲ ᑭ ᑲ ᒥᐦᒉᑐᐃᑎᐣ, ᒥᓇ ᓂ ᑲ ᐅᓯᐦᐋᐊᐧᐟ ᒥᐦᒉᑐᐢᑳᐣ ᐊᔨᓯᔨᓂᐊᐧᐠ ᑭᔭ ᐅᐦᒋ, ᒥᓇ ᑭᔭᐃᐧᕽ ᑭᑕ ᐅᐦᒋᐊᐧᐠ ᑭᐦᒋ ᐅᑭᒫᐊᐧᐠ. 7#ᓬᐅᐠ 1:55ᑭ ᑲ ᒪᐢᑲᐊᐧᐢᑕᒫᑎᐣ ᒫᑲ ᓂᐟ ᐊᓱᑕᒫᑫᐃᐧᐣ ᑳ ᐃᓯ ᐃᐧᒋᐦᐃᓯᒋᑫᒥᑐᔭᕽ, ᐁ ᓂᓯᔭᕽ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ, ᐃᐢᑯ ᑫ ᐋᔮᓂᐢᑫ ᐱᒫᑎᓯᒋᐠ, ᑳᑭᑫ ᐃᐧᒋᐦᐃᓯᒋᑫᒥᑐᐃᐧᐣ, ᓂᔭ ᑭᑕ ᐅ ᑭᓭᒪᓂᑐᒥᔭᐣ ᒥᓇ ᑭᐟ ᐊᐋᐧᓯᒥᓴᐠ ᐊᓂᐢᑫ. 8#ᐃᓯᐦᒋᑫᐃᐧᓂᐋᐧᐊᐧ 7:5ᑭ ᑲ ᒥᔨᑎᐣ ᒫᑲ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ, ᐊᓂᒪ ᐊᐢᑭ ᐃᑕ ᑳ ᒫᐣᑌᐃᐧᔭᐣ, ᒥᓯᐁᐧ ᑫᓇᐣ ᐊᐢᑭ, ᑳᑭᑫ ᑭᑕ ᑎᐯᔨᐦᑕᒪᐣ; ᐁᑯᓯ ᓂᔭ ᑭᑕ ᐅ ᑭᓭᒪᓂᑐᒥᐊᐧᐠ.
9ᑭᓭᒪᓂᑐ ᒫᑲ ᐅᒥᓯ ᐃᑌᐤ ᐁᑊᕒᐁᐋᒼ, ᑭ ᑲ ᑲᓇᐁᐧᔨᑌᐣ ᓂ ᑭᐢᑭᒥᐁᐧᐃᐧᐣ, ᑭᔭ, ᒥᓇ ᑭᐟ ᐊᐋᐧᓯᒥᓴᐠ ᑫ ᐊᑎ ᐊᔮᓂᐢᑫ ᐱᒫᑎᓯᒋᐠ. 10#ᐃᓯᐦᒋᑫᐃᐧᓂᐋᐧᐊᐧ 7:8; ᕒᐅᒪᓇ 4:11ᐁᐊᐧᑯ ᐅᒪ ᓂᐟ ᐊᓱᑕᒫᑫᐃᐧᐣ ᑫ ᑲᓇᐁᐧᔨᑕᒣᐠ, ᑳ ᐃᐧᒋᐦᐃᓯᒋᑫᒥᑕᑯᐠ ᑭᔭᐋᐧᐤ ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ; ᑕᐦᑐ ᐊᐋᐧᓯᐢ ᑳ ᓈᐯᐃᐧᐟ ᐃᑕ ᐁ ᐊᔮᔦᐠ ᑭᑕ ᓴᕒᑲᒼᓴᐃᓯᐃᐧᐋᐤ. 11ᑭ ᑲ ᓴᕒᑲᒼᓴᐃᓯᐃᐧᓈᐋᐧᐤ ᒫᑲ ᑭ ᐃᐧᔮᓯᐋᐧᕽ ᑭ ᐊᐧᐢᑭᑕᓵᑳᒥᐋᐧᕽ; ᐁᑯᓯ ᑲᑕ ᑭᐢᑭᓇᐋᐧᑌᔨᑖᑲᐧᐣ ᑳ ᑭ ᐃᓯ ᐃᐧᒋᐦᐃᓯᒋᑫᒥᑐᔭᕽ. 12ᐊᓇ ᒫᑲ ᐊᔨᓈᓀᐤ ᑳ ᑕᐦᑐ ᑭᓯᐦᑫᐧᐟ ᐃᑕ ᑳ ᐊᔮᔦᐠ, ᑲᑕ ᓴᕒᑲᒼᓴᐃᓯᐃᐧᐋᐤ, ᑳ ᑕᐦᑐ ᓈᐯᐃᐧᐟ ᐊᐋᐧᓯᐢ ᑭᐟ ᐋᔮᓂᐢᑫ ᐱᒫᑎᓯᐃᐧᓂᐋᐧᕽ, ᐊᓇ ᑳ ᓂᐦᑖᐃᐧᑭᐟ ᐋᐧᐢᑳᐦᐃᑲᓂᕽ, ᐊᐦᐳ ᐊᐃᐧᔭᐠ ᑳ ᒫᐣᑌᐃᐧᐟ ᑭ ᐊᑖᐁᐧᕽ ᓲᓂᔮᐤ ᐅᐦᒋ, ᐁᑳ ᑭᐟ ᐊᐋᐧᓯᒥᓴ ᑳ ᐅᐦᒋᐟ. 13ᐊᓇ ᑳ ᓂᐦᑖᐃᐧᑭᐟ ᑭᑭᕽ, ᒥᓇ ᐊᓇ ᑭ ᓲᓂᔮᒪ ᑳ ᑭ ᐅᐦᒋ ᐊᑖᐁᐧᔭᐣ, ᐅᐦᒋᑕ ᐱᑯ ᑭᑕ ᓴᕒᑲᒼᓴᐃᓯᐃᐧᐋᐤ; ᓂ ᑭᐢᑭᒥᐁᐧᐃᐧᐣ ᒫᑲ ᑲᑕ ᐊᔮᐤ ᑭ ᐃᐧᔮᓯᐋᐧᕽ ᑳᑭᑫ ᑲᑕ ᐅᑭᐢᑭᒥᐁᐧᐃᐧᓂᐊᐧᕽ. 14ᐊᓇ ᒫᑲ ᐁᑳ ᑳ ᓴᕒᑲᒼᓴᐃᓯᐃᐧᐟ ᓈᐯᓯᐢ, ᐊᓇ ᐅ ᐊᐧᐢᑭᑕᓴᑳᓂᕽ ᐁᑳ ᑳ ᓴᕒᑲᒼᓴᐃᓯᐃᐧᐟ ᐁᐊᐧᑯ ᐊᔨᓯᔨᓂᐤ ᑭᑕ ᑭᐢᑲᐋᐧᐤ ᐃᐧᒋ ᐊᔨᓯᔨᓂᐊᐧ ᐅᐦᒋ; ᑭ ᐱᑯᓇᒼ ᐊᔨᐢ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ.
15ᑭᓭᒪᓂᑐ ᒫᑲ ᐃᑌᐤ ᐁᑊᕒᐁᐋᒪ, ᓭᕒᐋᐩ ᒫᑲ ᑭᐊᐧ, ᓇᒪᐃᐧᔭ ᓭᕒᐊᐩ ᑭ ᑲ ᐃᓯᔨᐦᑳᑖᐤ, ᒫᑲ ᓭᕒᐊᐦ ᑭᑕ ᐃᓯᔨᐦᑳᓱ. 16ᓂ ᑲ ᓴᐁᐧᔨᒫᐤ ᒫᑲ, ᒥᓇ ᑭ ᑲ ᒥᔨᑎᐣ ᑫ ᐅᑯᓯᓯᔭᐣ ᐃᐧᔭ ᐅᐦᒋ; ᐁᐦᐁ, ᓂ ᑲ ᓴᐁᐧᔨᒫᐤ ᒥᓇ ᒥᐦᒉᑐᐢᑳᐣ ᐊᔨᓯᔨᓂᐊᐧ ᑭᑕ ᐅᑳᐃᐧᒥᐠ; ᐅ ᑭᐦᒋ ᐅᑭᒫᒥᔨᐊᐧ ᑭᑕ ᓂᐦᑖᐃᐧᑭᐦᐁᐤ. 17ᐁᑊᕒᐁᐋᒼ ᒫᑲ ᐸᑕᐱᐢᑫᐧᐸᔨᐤ, ᒥᓇ ᐁ ᑭ ᐹᐦᐱᐟ, ᐅᒥᓯ ᐁ ᐃᑌᐧᐟ ᐅᑌᐦᐃᕽ, ᐊᐋᐧᓯᓴ ᒋ ᑭᑕ ᓂᐦᑖᐃᐧᑭᑕᒪᐋᐧᐤ ᐊᓇ ᑳ ᒥᑖᐦᑐᒥᑕᓇᐁᐧᐱᐳᓀᐧᐟ? ᒥᓇ ᒋ ᓭᕒᐊᐦ, ᑫᑳᐟ ᐁ ᒥᑖᐦᑐᒥᑕᓇᐁᐧᐱᐳᓀᐧᐟ, ᑭᑕ ᓂᐦᑖᐃᐧᑭᐦᐋᐊᐧᓱ? 18ᐁᑊᕒᐁᐋᒼ ᒫᑲ ᐃᑌᐤ ᑭᓭᒪᓂᑐᐊᐧ, ᐱᑕᓀ ᐃᐢᒣᐃᓬ ᐱᒫᑎᓯ ᐁ ᐃᓯ ᑲᓇᐋᐧᐸᒪᐟ! 19ᑭᓭᒪᓂᑐ ᒫᑲ ᐃᑌᐤ, ᑖᐯᐧ ᓭᕒᐊᐦ ᑭ ᑲ ᓂᐦᑖᐃᐧᑭᑕᒫᐠ ᑫ ᐅᑯᓯᓯᐊᐧᐟ; ᐋᐃᓴᐠ ᒫᑲ ᑭ ᑲ ᐃᓯᔨᐦᑳᑖᐤ; ᓂ ᑲ ᒪᐢᑲᐊᐧᐢᑕᒪᐋᐧᐤ ᒫᑲ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ, ᑲᑭᑫ ᑲᑕ ᐃᐧᒋᐦᐃᓯᒋᑫᒪᐠ, ᒥᓇ ᐅᐟ ᐊᐋᐧᓯᒥᓴ ᐋᓂᐢᑫ. 20ᐃᐢᒣᐃᓬ ᒫᑲ ᐃᐧᔭ ᐅᐦᒋ, ᑭ ᑭ ᐯᐦᑖᑎᐣ, ᒫᑎᑲ, ᓂ ᑭ ᓴᐁᐧᔨᒫᐤ ᒥᓇ ᓂ ᑲ ᒥᐦᒉᑐᐋᐤ, ᒥᓇ ᓈᐢᐱᐨ ᓂ ᑲ ᔭᐦᑭᐋᐤ; ᒥᑖᑕᐟ ᓂᓱᓵᑊ ᑭᐦᒋ ᐅᑭᒫᐊᐧ ᑭᑕ ᓂᐦᑖᐃᐧᑭᐦᐁᐤ, ᒥᓇ ᓂ ᑲ ᑭᐦᒋ ᐊᔨᓯᔨᓂᐃᐧᐋᐤ. 21ᒫᑲ ᐃᐧᔭ ᐃᐧᒋᐦᐃᓯᒋᑫᒥᐁᐧᐃᐧᐣ ᓂ ᑲ ᒪᐢᑲᐊᐧᐢᑕᒪᐋᐧᐤ ᐋᐃᓴᐠ, ᐊᓂᐦᐃ ᑫ ᓂᐦᑖᐃᐧᑭᑕᒫᐢᐠ ᓭᕒᐊᐦ ᐅᒪ ᐃᐦᑭᐦᑭ ᑯᑕᐠ ᐱᐳᐦᑭ. 22ᑭ ᐳᓂ ᐊᔭᒥᐦᐁᐤ ᒫᑲ ᑭᓭᒪᓂᑐ ᐁᑯᓯ ᑭ ᓇᑲᑌᐤ ᐁᑊᕒᐁᐋᒪ.
23ᐁᑊᕒᐁᐋᒼ ᒫᑲ ᑭ ᐅᑎᓀᐤ ᐃᐢᒣᐃᓬᐊ ᐅᑯᓯᓴ, ᒥᓇ ᑕᐦᑐ ᑳ ᑭ ᓂᐦᑖᐃᐧᑭᔨᐟ ᐃᐧᑭᕽ, ᒥᓇ ᑕᐦᑐ ᐅ ᓲᓂᔮᒥᕽ ᑳ ᑭ ᐅᐦᒋ ᐊᑖᐁᐧᐟ, ᑳ ᑕᐦᑐ ᓈᐯᐃᐧᔨᐟ ᐃᑕ ᐁ ᐊᔮᔨᐟ ᐁᑊᕒᐁᐋᒼ ᐅᐟ ᐊᔨᓯᔨᓂᒪ ᐃᐧᑭᕽ; ᐁᑯᓯ ᐁ ᑭ ᓴᕒᑲᒼᓴᐃᓯᐃᐧᐋᐟ ᐅ ᐊᐧᐢᑭᑕᓴᑳᔨᕽ ᐁᐊᐧᑯ ᐁ ᑭᓯᑳᔨᐟ, ᒣᐧᐦᒋ ᑭᓭᒪᓂᑐ ᑳ ᑭ ᐃᑖᐟ. 24ᐁᑊᕒᐁᐋᒼ ᒫᑲ ᑫᑳᐟ ᓵᓴᐩ ᒥᑖᐦᑐᒥᑕᓇᐤ ᐁ ᑕᐦᑐᐱᐳᓀᐧᐟ, ᐃᐢᐱ ᑳ ᓴᕒᑲᒼᓴᐃᓯᐃᐧᐟ ᐅ ᐊᐧᐢᑭᑕᓴᑳᑲᕽ, 25ᐊᓂᐦᐃ ᒫᑲ ᐃᐢᒣᐃᓬᐊ ᐅᑯᓯᓴ ᒥᑖᑕᐦᐟ ᓂᐢᑐᓵᑊ, ᑭ ᑕᐦᑐ ᐱᐳᓀᐧᔨᐊ, ᐃᐢᐱ ᑳ ᓴᕒᑲᒼᓴᐃᓯᐃᐧᐟ ᐅ ᐊᐧᐢᑭᑕᓴᑳᔨᕽ. 26ᐁᑯᐢᐱ ᐁ ᑭᓯᑳᐠ ᐁᑊᕒᐁᐋᒼ ᑭ ᓴᕒᑲᒼᓴᐃᓯᐃᐧᐋᐤ ᒥᓇ ᐃᐢᒣᐃᓬ ᐅᑯᓯᓴ. 27ᑲᐦᑭᔭᐤ ᒫᑲ ᓈᐯᐊᐧ ᐃᐧᑭᕽ, ᑳ ᑭ ᓂᐦᑖᐃᐧᑭᔨᐟ ᐃᐧᑭᕽ, ᒥᓇ ᓱᓂᔮᐊᐧ ᑳ ᑭ ᐅᐦᒋ ᐊᑖᒫᐟ ᒫᓂᑌᐊᐧ ᑭ ᓴᕒᑲᒼᓴᐃᓯᐃᐧᐃᒫᐊᐧ.
Currently Selected:
ᒉᓂᓯᐢ 17: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
