Popular Bible Verses from ᒉᓂᓯᐢ 27

Share

ᑭᓭᒪᓂᑐ ᒫᑲ ᑭ ᑲ ᐃᐧ ᒥᔨᐟ ᐊᑯᓯᐯᐤ ᑭᓯᑯᕽ ᐅᐦᒋ, ᒥᓇ ᐁ ᐃᓯ ᐃᐧᔨᓄᐊᐧᕽ ᐊᐢᑭ, ᒥᓇ ᒥᐢᑕᐦᐃ ᐸᐦᑫᐧᓯᑲᓂᑳᐣ ᒥᓇ ᓱᒥᓈᐳ; ᑭᔮᒼ ᐊᔨᓯᔨᓂᐊᐧᐠ ᑭ ᑲ ᐊᑐᐢᑳᑲᐧᐠ, ᒥᓇ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑭ ᑲ ᐸᑕᐱᐢᑖᑲᐧᐠ, ᑎᐯᔨᒥᐠ ᑭᒋᐋᐧᒪᐠ, ᒥᓇ ᑭᑳᐃᐧ ᐅᑯᓯᓴ ᑭᔮᒼ ᑭ ᑲ ᐸᑕᐱᐢᑖᑯᔨᐊᐧ; ᑭᑕ ᒪᒐᑭᒫᐤ ᑕᐦᑐ ᐊᐃᐧᔭᐠ ᑳ ᒪᒐᑭᒥᐢᐠ, ᒥᓇ ᑭᑕ ᓴᐁᐧᔨᒫᐤ ᑕᐦᑐ ᐊᐃᐧᔭᐠ ᑳ ᓴᐁᐧᔨᒥᐢᐠ.

ᑭ ᐃᑌᐧᐤ ᒫᑲ, ᓇᒪ ᒋ ᑌᐱᔨᑳᓱ ᒉᑲᑊ ᑳ ᐃᑎᐦᐟ? ᒋᑫᒫ ᓵᓴᐩ ᓂᓵᐧᐤ ᓂ ᑭ ᒥᐁᐧᐢᑲᒫᐠ, ᑭ ᐅᑎᓇᒼ ᓄᐢᑌᓯᒫᐃᐧᐃᐧᐣ ᐁᑯᓯ ᐁᑲᐧ, ᒋᐢᐟ, ᓂ ᒪᐢᑲᒥᐠ ᓂ ᓴᐁᐧᔨᒥᑯᐃᐧᐣ. ᑭ ᐃᑌᐧᐤ ᒫᑲ, ᓇᒪ ᒋ ᑭ ᑭ ᐃᐢᑯᓇᒪᐃᐧᐣ ᓂᐢᑕ ᓴᐁᐧᔨᒥᑯᐃᐧᐣ?

ᐋᐃᓴᑲ ᒫᑲ ᐅᑖᐃᐧᔭ ᑭ ᓇᐢᑫᐧᐊᐧᓯᒥᐠ ᒥᓇ ᑭ ᐃᑎᐠ, ᒫᑎᑲ, ᐃᑕ ᐁ ᐅᐟ ᐊᐢᑭᔭᐣ ᑭᑕ ᐃᐧᔨᓄᒪᑲᐣ ᐊᐢᑭ, ᒥᓇ ᑭᑕ ᐊᑯᓯᐯᔮᐤ ᐃᐢᐱᒥᕽ ᑭᓯᑯᕽ ᐅᐦᒋ. ᐃᓴᐁᐧᐢᐠ ᑭ ᑲ ᐅᐦᒋ ᐱᒫᒋᐦᐅᐣ ᒥᓇ ᑭ ᑲ ᐊᑐᐢᑲᐋᐤ ᑭᒋᐋᐧᒼ; ᑭᑕ ᐃᐦᑭᐣ ᒫᑲ ᐃᐢᐱ ᑎᐯᔨᒥᓱᔭᓂ, ᑭ ᑲ ᐱᑯᓇᒫᐧᐣ ᐅ ᑖᐱᐢᑳᑲᐣ ᑳ ᑭ ᑖᐱᐢᑲᐦᐃᐢᐠ.

ᐃᓵ ᒫᑲ ᑭ ᐃᑌᐤ ᐅᑖᐃᐧᔭ, ᐯᔭᑲᐧᐣ ᒋ ᐱᑯ ᑭ ᓴᐁᐧᔨᒥᐁᐧᐃᐧᐣ, ᓄᐦᑖ? ᓴᐁᐧᔨᒥᐣ ᓂᔭ ᒥᓇ ᓄᐦᑖ! ᐃᓵ ᒫᑲ ᑭ ᔭᐦᑲᑖᒧ, ᐁ ᒫᑐᐟ.