Popular Bible Verses from ᒉᓂᓯᐢ 26

Share

ᑲᐯᓯ ᐅᑕ ᐊᐢᑭᕽ, ᑭ ᑲ ᐃᐧᒉᑎᐣ ᒫᑲ ᒥᓇ ᑭ ᑲ ᓴᐁᐧᔨᒥᑎᐣ; ᒋᑫᒫ ᑭᔭ ᒥᓇ ᑭ ᓂᐦᑖᐃᐧᑭᐦᐋᑲᓇᐠ ᓂ ᑲ ᒥᔮᐊᐧᐠ ᑲᐦᑭᔭᐤ ᐅᐦᐃ ᐊᐢᑭᔭ; ᒥᓇ ᓂ ᑲ ᑭᓯᑖᐣ ᑭᐦᒋ ᐃᑌᐧᐃᐧᐣ ᑳ ᑭ ᑭᐦᒋ ᐃᑕᐠ ᐁᑊᕒᐁᐋᒼ ᑯᑖᐃᐧ.

ᓂ ᑲ ᐃᓯ ᒥᐦᒉᑐᐋᐊᐧᐠ ᒫᑲ ᑭ ᓂᐦᑖᐃᐧᑭᐦᐋᑲᓇᐠ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ, ᒥᓇ ᓂ ᑲ ᒥᔮᐊᐧᐠ ᑭ ᓂᐦᑖᐃᐧᑭᐦᐋᑲᓇᐠ ᑲᐦᑭᔭᐤ ᐅᐦᐃ ᐊᐢᑭᔭ, ᒥᓇ ᑭᐟ ᐊᐋᐧᓯᒥᓴᐠ ᐅᐦᒋ ᑭᑕ ᓴᐁᐧᔨᑖᑯᓯᐊᐧᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᐊᐢᑭᕽ. ᒋᑫᒫ ᐁᑊᕒᐁᐋᒼ ᑭ ᓇᓇᐃᐦᑕᒼ ᓂᐟ ᐃᑌᐧᐃᐧᐣ, ᒥᓇ ᑭ ᑲᓇᐁᐧᔨᑕᒼ ᓂᐟ ᐊᔮᑳᐧᒥᒥᐁᐧᐃᐧᐣ, ᓂᐟ ᐃᑕᓱᐁᐧᐃᐧᓇ, ᓂ ᑲᑫᐢᑫᐧᐃᐧᓇ ᒥᓇ ᓄᔭᓱᐁᐧᐃᐧᓇ.

ᐁᑯᑕ ᒫᑲ ᑭ ᐅᐦᒋ ᐋᐦᒋᐱᒋᐤ, ᐁ ᑭ ᒧᓇᐦᐊᕽ ᑯᑕᐠ ᒧᓇᐦᐃᐹᐣ, ᐁᐊᐧᑫᐧᔨᐤ ᒫᑲ ᓇᒪᐃᐧᔭ ᑭ ᐅᐦᒋ ᒥᑯᐢᑳᒋᐃᐠ, ᕒᐃᐦᐋᐹᐦᐟ ᒫᑲ ᑭ ᐃᓯᔨᐦᑳᑕᒼ, ᐅᒥᓯ ᐁ ᑭ ᐃᑌᐧᐟ, ᒋᑫᒫ ᐁᑲᐧ ᑳ ᑎᐯᔨᐦᒋᑫᐟ ᑭ ᑕᐃᐧᓇᒫᑯᐤ, ᐁᑯᓯ ᑭ ᑲ ᔭᑭᐃᑐᓇᓈᐤ ᐊᐢᑭᕽ.

ᑳ ᑎᐯᔨᐦᒋᑫᔨᐟ ᒫᑲ ᑭ ᓄᑯᐦᐃᓱᐢᑖᐠ ᒥᓇ ᐅᒥᓯ ᑭ ᐃᑎᐠ, ᐁᑳᐃᐧᔭ ᐃᒋᑊᑎᕽ ᐃᑐᐦᑌ, ᐅᐟ ᐃᐦᑖᐃᐧᓂ ᐁᑯᑕ ᐊᐢᑭᕽ ᑫ ᐃᓯ ᐃᐧᐦᑕᒫᑖᐣ.

ᑭ ᐅᓯᐦᑖᐤ ᒫᑲ ᐁᑯᑕ ᐸᑭᑎᓈᓱᐃᐧᓈᐱᐢᐠ, ᒥᓇ ᑭ ᑳᑫᓯᒧᑐᑕᒣᐧᐤ ᐅ ᐃᐧᔭᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᐁᑯᑕ ᐁ ᑭ ᒫᓄᑫᐟ, ᐁᑯᑕ ᒫᑲ ᐋᐃᓴᐠ ᐅᐟ ᐊᑐᐢᑫᔮᑲᓇ ᑭ ᒧᓇᐦᐊᒥᔨᐊᐧ ᒧᓇᐦᐃᐹᐣ.