ᒉᓂᓯᐢ 26
26
1ᑭ ᓄᑌᑲᑖᓂᐊᐧᐣ ᒫᑲ ᐁᑯᑕ ᐊᐢᑭᕽ, ᐋᑕᐃᐧᔭ ᒥᓇ ᓂᐢᑕᒼ ᑳ ᑭ ᓄᑌᑲᑌᕽ ᒣᑳᐧᐨ ᐁ ᐅᑭᓯᑳᒥᐟ ᐁᑊᕒᐁᐋᒼ. ᐋᐃᓴᐠ ᒫᑲ ᑭ ᓈᑌᐤ ᐊᐱᒥᓬᐃᐠ ᐅ ᑭᐦᒋ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ, ᐊᓂᑕ ᑭᕒᐊᕒ. 2ᑳ ᑎᐯᔨᐦᒋᑫᔨᐟ ᒫᑲ ᑭ ᓄᑯᐦᐃᓱᐢᑖᐠ ᒥᓇ ᐅᒥᓯ ᑭ ᐃᑎᐠ, ᐁᑳᐃᐧᔭ ᐃᒋᑊᑎᕽ ᐃᑐᐦᑌ, ᐅᐟ ᐃᐦᑖᐃᐧᓂ ᐁᑯᑕ ᐊᐢᑭᕽ ᑫ ᐃᓯ ᐃᐧᐦᑕᒫᑖᐣ. 3#ᒉᓂᓯᐢ 22:16-18ᑲᐯᓯ ᐅᑕ ᐊᐢᑭᕽ, ᑭ ᑲ ᐃᐧᒉᑎᐣ ᒫᑲ ᒥᓇ ᑭ ᑲ ᓴᐁᐧᔨᒥᑎᐣ; ᒋᑫᒫ ᑭᔭ ᒥᓇ ᑭ ᓂᐦᑖᐃᐧᑭᐦᐋᑲᓇᐠ ᓂ ᑲ ᒥᔮᐊᐧᐠ ᑲᐦᑭᔭᐤ ᐅᐦᐃ ᐊᐢᑭᔭ; ᒥᓇ ᓂ ᑲ ᑭᓯᑖᐣ ᑭᐦᒋ ᐃᑌᐧᐃᐧᐣ ᑳ ᑭ ᑭᐦᒋ ᐃᑕᐠ ᐁᑊᕒᐁᐋᒼ ᑯᑖᐃᐧ. 4ᓂ ᑲ ᐃᓯ ᒥᐦᒉᑐᐋᐊᐧᐠ ᒫᑲ ᑭ ᓂᐦᑖᐃᐧᑭᐦᐋᑲᓇᐠ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ, ᒥᓇ ᓂ ᑲ ᒥᔮᐊᐧᐠ ᑭ ᓂᐦᑖᐃᐧᑭᐦᐋᑲᓇᐠ ᑲᐦᑭᔭᐤ ᐅᐦᐃ ᐊᐢᑭᔭ, ᒥᓇ ᑭᐟ ᐊᐋᐧᓯᒥᓴᐠ ᐅᐦᒋ ᑭᑕ ᓴᐁᐧᔨᑖᑯᓯᐊᐧᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᐊᐢᑭᕽ. 5ᒋᑫᒫ ᐁᑊᕒᐁᐋᒼ ᑭ ᓇᓇᐃᐦᑕᒼ ᓂᐟ ᐃᑌᐧᐃᐧᐣ, ᒥᓇ ᑭ ᑲᓇᐁᐧᔨᑕᒼ ᓂᐟ ᐊᔮᑳᐧᒥᒥᐁᐧᐃᐧᐣ, ᓂᐟ ᐃᑕᓱᐁᐧᐃᐧᓇ, ᓂ ᑲᑫᐢᑫᐧᐃᐧᓇ ᒥᓇ ᓄᔭᓱᐁᐧᐃᐧᓇ.
6ᐋᐃᓴᐠ ᒫᑲ ᑭ ᐊᔭᔮᐤ ᐊᓂᑕ ᑭᕒᐊᕒ. 7#ᒉᓂᓯᐢ 12:13; 20:2ᐊᓂᐦᐃ ᒫᑲ ᐊᔨᓯᔨᓂᐊᐧ ᐁᑯᑕ ᑳ ᐊᔮᔨᐟ ᑭ ᑲᑫᐧᒋᒥᐠ ᐃᐧᐊᐧ ᐅᐦᒋ; ᐅᒥᓯ ᒫᑲ ᑭ ᐃᑌᐤ, ᓂᑕᐁᐧᒫᐤ ᐊᓇ, ᒋᑫᒫ ᑭ ᐊᐢᑖᓯᐤ ᑭᑕ ᐃᑌᐧᐟ, ᓂᐊᐧ ᐊᐊᐧ, ᐊᔨᐢ ᑭ ᐃᑌᔨᑕᒼ ᒫᐢᑯᐨ ᓈᐣᑕᐤ ᐃᓯ ᐊᔨᓯᔨᓂᐊᐧᐠ ᐅᑕ ᑳ ᐊᔮᒋᐠ ᓂ ᑲ ᓂᐸᐃᑲᐧᐠ ᕒᐃᐯᑲ ᐅᐦᒋ; ᒋᑫᒫ ᑭ ᑲᑕᐊᐧᓯᓯᐤ ᐁ ᑲᓇᐋᐧᐸᒥᐦᐟ. 8ᑭ ᐊᔨᑭᐣ ᒫᑲ ᐃᐢᐱ ᐁᑯᑕ ᑭᓀᐧᐢ ᑳ ᐊᔭᔮᐟ, ᐊᐱᒥᓬᐃᐠ, ᐅ ᑭᐦᒋ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ ᑭ ᐸᐢᐹᐱᐤ ᐋᐧᓭᓇᒫᐃᐧᓂᕽ, ᐁ ᑭ ᐋᐧᐸᒫᐟ ᒫᑲ, ᐳᑎ ᐋᐃᓴᐠ ᑭ ᐃᐧᒋᒣᑕᐁᐧᒣᐤ ᐃᐧᐊᐧ ᕒᐃᐯᑲᐊᐧ. 9ᐊᐱᒥᓬᐃᐠ ᒫᑲ ᑭ ᓇᑐᒣᐤ ᐋᐃᓴᑲ ᐅᒥᓯ ᐁ ᑭ ᐃᑖᐟ, ᒫᑎᑲ ᑫᐦᒋᓈ ᐁᐊᐧᑳᐧᓇ ᑭᐊᐧ; ᑖᓀᐦᑭ ᒫᑲ ᑳ ᐃᑌᐧᔭᐣ, ᓂᑕᐁᐧᒫᐤ ᐊᓇ? ᐋᐃᓴᐠ ᒫᑲ ᑭ ᐃᑌᐧᐤ, ᒋᑫᒫ ᓂ ᑭ ᐊᐢᑕᓯᐣ ᑭᑕ ᐅᐦᒋᓇᑎᑲᐃᐧᔮᐣ. 10ᐊᐱᒥᓬᐃᐠ ᒫᑲ ᑭ ᐃᑌᐧᐤ, ᑫᑲᐧᐩ ᐅᒪ ᑳ ᑭ ᐃᐦᑐᑕᐃᐧᔮᕽ? ᓂᑯᑖᐧ ᐯᔭᐠ ᐊᔨᓯᔨᓂᐤ ᐅ ᑲ ᑭ ᐃᐧᒉᐋᐧ ᑭᐊᐧ, ᐁᑳ ᓈᐣᑕᐤ ᐁ ᐃᑌᔨᑕᕽ, ᐁᑯᓯ ᑭᑕ ᑭ ᐅᐦᒋᑎᓴᐦᐊᒪᐃᐧᔮᕽ ᒪᒋᐃᐦᑎᐃᐧᐣ. 11ᐊᐱᒥᓬᐃᐠ ᒫᑲ ᑭ ᐊᔮᑳᐧᒥᒣᐤ ᑲᐦᑭᔭᐤ ᐅᐟ ᐊᔨᓯᔨᓂᒪ, ᐁ ᐃᑖᐟ, ᐊᓇ ᑫ ᓵᒥᓈᑫᐧ ᐅᐦᐃ ᓈᐯᐊᐧ ᐊᐦᐳ ᐃᐧᐃᐧᔨᐊᐧ ᑫᐦᒋᓈ ᑭᑕ ᓂᐸᐦᐋᐤ. 12ᐋᐃᓴᐠ ᒫᑲ ᑭ ᑭᐢᑎᑫᐤ ᐁᑯᑕ ᐊᐢᑭᕽ, ᒥᑖᐦᑐᒥᑕᓇᐋᐧᐤ ᒫᑲ ᐊᔨᐋᐧᐠ ᑭ ᓂᐦᑖᐃᐧᑭᑖᐤ ᐁᐊᐧᑯ ᐁ ᐊᐢᑭᐊᐧᓂᔨᐠ; ᑳ ᑎᐯᔨᐦᒋᑫᔨᐟ ᒫᑲ ᑭ ᓴᐁᐧᔨᒥᐠ. 13ᐊᓇ ᓈᐯᐤ ᒫᑲ ᐁᐧᒋᑕᐤ ᑭ ᐊᑎ ᑭᐦᒑᔨᐃᐧᐤ ᒥᓇ ᐁ ᑭ ᐊᑎ ᔭᑭᐸᔨᐟ, ᐱᔨᐢ ᑖᐯᐧ ᐊᔨᐋᐧᐠ ᐁ ᐊᑎ ᑭᐦᒑᔨᐃᐧᐟ. 14ᒋᑫᒫ ᑭ ᑎᐱᔭᐁᐧᐃᐧᓯᐤ ᒫᔭᑎᐦᑲᐧ, ᒥᓇ ᑭ ᑎᐱᔭᐁᐧᐃᐧᓯᐤ ᐊᐊᐧᑳᓇ, ᒥᓇ ᑭᐦᒋ ᒥᐦᒉᐟ ᐊᑐᐢᑫᔮᑲᓇ; ᐁᑯᓯ ᐱᓬᐃᐢᑎᓇ ᑭ ᐃᓴᐋᐧᓇᑫᔨᒥᐠ. 15ᑲᐦᑭᔭᐤ ᒫᑲ ᐅᐦᑕᐃᐹᓇ ᐊᓂᐦᐃ ᐅᑖᐃᐧᔭ ᐅᐟ ᐊᑐᐢᑫᔮᑲᓂᔨᐊᐧ ᑳ ᑭ ᒧᓇᐊᐦᒥᔨᐟ ᐁ ᒣᑳᐧ ᐱᒫᑎᓯᔨᐟ ᐁᑊᕒᐁᐋᒪ ᐅᑖᐃᐧᔭ, ᐱᓬᐃᐢᑎᓇᐠ ᑭ ᑭᐸᐦᐊᒪᐧᐠ ᒥᓇ ᐁ ᒧᐢᑭᓇᑖᒋᐠ ᐊᓯᐢᑭ ᐅᐦᒋ. 16ᐊᐱᒥᓬᐃᐠ ᒫᑲ ᑭ ᐃᑌᐤ ᐋᐃᓴᑲ, ᓇᑲᓯᓈᐣ ᑭᔮᒼ, ᒋᑫᒫ ᑭᔭ ᓇᐊᐧᐨ ᑭ ᑭᐦᒑᔨᐃᐧᐣ ᐃᔨᑯᕽ ᓂᔭᓈᐣ.
17ᐋᐃᓴᐠ ᒫᑲ ᑭ ᓯᐯᐧᑌᐤ, ᐁ ᑭ ᑲᐯᓯᐟ ᒫᑲ ᑭᕒᐊᕒ ᐋᐧᔭᑎᓈᕽ, ᐁᑯᑕ ᒫᑲ ᑭ ᐊᔭᔮᐤ. 18ᐋᐃᓴᐠ ᒫᑲ ᑭᐦᑖᐧᒼ ᑭ ᒧᓇᐦᐊᒼ ᒧᓇᐦᐃᐹᓇ ᑳ ᑭ ᒧᓇᐦᐊᐦᑭᐠ ᒣᑳᐧᐨ ᐁ ᐅ ᑭᓯᑳᒥᔨᐟ ᐁᑊᕒᐁᐋᒪ ᐅᑖᐃᐧᔭ; ᒋᑫᒫ ᐱᓬᐃᐢᑎᓇ ᑭ ᑭᐸᐊᒥᔨᐊᐧ ᐁ ᑭ ᐳᓂ ᐱᒫᑎᓯᔨᐟ ᐁᑊᕒᐁᐋᒪ; ᐁᑯᓯ ᑭ ᐊᐃᓯᔨᐦᑳᑕᒼ ᑳ ᑭ ᐊᐃᓯᔨᐦᑳᑕᒥᔨᐟ ᐅᑖᐃᐧᔭ. 19ᐋᐃᓴᐠ ᒫᑲ ᐅᐟ ᐊᑐᐢᑫᔮᑲᓇ ᑭ ᒧᓇᐃᑫᐊᐧᐟ ᐋᐧᔭᑎᓈᕽ, ᐁᑯᓯ ᐁᑯᑕ ᑭ ᒥᐢᑲᒪᐧᐠ ᒧᐦᑭᒋᐊᐧᓂᐯᐠ. 20ᐊᓂᑭ ᒫᑲ ᑭᕒᐊᕒ ᐅᑲᓇᐃᐧᐊᐊᐧᑳᓀᐊᐧᐠ ᑭ ᒥᑯᐢᑳᒋᐃᒣᐊᐧᐠ ᐅᑲᓇᐃᐧᐊᐊᐧᑳᓀᒥᔨᐊᐧ ᐋᐃᓴᑲ ᐁ ᐃᑌᐧᒋᐠ, ᓂᔭᓈᐣ ᓂᐟ ᐊᔮᓂᓈᐣ ᐊᓂᒪ ᓂᐱ: ᐃᓭᐠ ᒫᑲ ᑭ ᐃᓯᔨᐦᑳᑕᒼ ᐊᓂᒪ ᒧᓈᐃᐹᐣ; ᒋᑫᒫ ᑭ ᒥᑯᐢᑳᒋᐃᐠ. 21ᑭ ᒧᓇᐦᐊᒪᐧᐠ ᒫᑲ ᑯᑕᐠ ᒧᓇᐦᐃᐹᐣ, ᐁᐊᐧᑫᐧᔨᐤ ᒫᑲ ᒥᓇ ᐁ ᑭ ᐅᐦᒋ ᒥᑯᐢᑳᒋᐦᐃᑯᐟ; ᓯᐟᓇ ᒫᑲ ᑭ ᐃᓯᔨᐦᑳᑕᒼ. 22ᐁᑯᑕ ᒫᑲ ᑭ ᐅᐦᒋ ᐋᐦᒋᐱᒋᐤ, ᐁ ᑭ ᒧᓇᐦᐊᕽ ᑯᑕᐠ ᒧᓇᐦᐃᐹᐣ, ᐁᐊᐧᑫᐧᔨᐤ ᒫᑲ ᓇᒪᐃᐧᔭ ᑭ ᐅᐦᒋ ᒥᑯᐢᑳᒋᐃᐠ, ᕒᐃᐦᐋᐹᐦᐟ ᒫᑲ ᑭ ᐃᓯᔨᐦᑳᑕᒼ, ᐅᒥᓯ ᐁ ᑭ ᐃᑌᐧᐟ, ᒋᑫᒫ ᐁᑲᐧ ᑳ ᑎᐯᔨᐦᒋᑫᐟ ᑭ ᑕᐃᐧᓇᒫᑯᐤ, ᐁᑯᓯ ᑭ ᑲ ᔭᑭᐃᑐᓇᓈᐤ ᐊᐢᑭᕽ.
23ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐤ ᐁ ᑭ ᐃᑐᐦᑌᐟ ᐱᕒᓯᐸ. 24ᑳ ᑎᐯᔨᐦᒋᑫᔨᐟ ᒫᑲ ᑭ ᓄᑯᐦᐃᓱᐢᑖᐠ ᐁᐊᐧᑯ ᐁ ᑎᐱᐢᑳᔨᐟ, ᐅᒥᓯ ᐁ ᑭ ᐃᑎᑯᐟ, ᓂᔭ ᐅ ᑭᓭᒪᓂᑐᒪ ᐁᑊᕒᐁᐋᒼ ᑯᑖᐃᐧ, ᐁᑳᐃᐧᔭ ᓭᑭᓯ ᒋᑫᒫ ᑭ ᐄᐧᒉᐃᐧᑎᐣ, ᒥᓇ ᑭ ᑲ ᓴᐁᐧᔨᒥᑎᐣ, ᒥᓇ ᓂ ᑲ ᒥᐦᒉᑐᐋᐊᐧᐠ ᑭᐟ ᐊᐋᐧᓯᒥᓴᐠ, ᓂᐟ ᐊᑐᐢᑫᔮᑲᐣ ᐁᑊᕒᐁᐋᒼ ᐅᐦᒋ. 25ᑭ ᐅᓯᐦᑖᐤ ᒫᑲ ᐁᑯᑕ ᐸᑭᑎᓈᓱᐃᐧᓈᐱᐢᐠ, ᒥᓇ ᑭ ᑳᑫᓯᒧᑐᑕᒣᐧᐤ ᐅ ᐃᐧᔭᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᐁᑯᑕ ᐁ ᑭ ᒫᓄᑫᐟ, ᐁᑯᑕ ᒫᑲ ᐋᐃᓴᐠ ᐅᐟ ᐊᑐᐢᑫᔮᑲᓇ ᑭ ᒧᓇᐦᐊᒥᔨᐊᐧ ᒧᓇᐦᐃᐹᐣ.
26 #
ᒉᓂᓯᐢ 21:22
ᐊᐱᒥᓬᐃᐠ ᒫᑲ ᑭ ᓇᑕᐋᐧᐸᒥᐟ ᑭᕒᐊᕒ ᐅᐦᒋ ᒥᓇ ᐁᐦᐊᓴᐦᐟ ᐯᔭᐠ ᐅᑐᑌᒪ, ᒥᓇ ᐹᐃᑲᓬ ᐅ ᑭᐦᒋ ᓯᒫᑲᓂᓯᐃᐧᑭᒫᒪ. 27ᐋᐃᓴᐠ ᒫᑲ ᑭ ᐃᑌᐤ, ᑖᓀᐦᑭ ᑳ ᐯ ᓇᑕᐋᐧᐸᒥᔦᐠ ᐃᐧᔭ ᐁ ᐸᑳᐧᓯᔦᐠ ᒥᓇ ᐁ ᑭ ᓯᐯᐧᑎᓴᐅᔦᐠ? 28ᑭ ᐃᑌᐧᐊᐧᐠ ᒫᑲ, ᒥᑐᓂ ᓂ ᑭ ᐋᐧᐸᐦᑌᓈᐣ ᑳ ᑎᐯᔨᐦᒋᑫᐟ ᐁ ᐃᐧᒉᐃᐧᐢᐠ, ᐁᑯᓯ ᓂ ᑭ ᐃᑖᐧᓈᐣ, ᑭᔮᒼ ᑭᑕ ᐃᐦᑕᑲᐧᐣ ᑭᐦᒋ ᐃᑎᑐᐃᐧᐣ ᓂᔭᓈᐣ ᐅᐦᒋ ᒥᓇ ᑭᔭ, ᐁᑯᓯ ᑭᔮᒼ ᐃᐧᒋᐦᐃᓯᒋᑫᒥᑐᑖᐠ. 29ᐁᑳ ᑭᑕ ᒪᒋᑐᑕᐃᐧᔮᕽ, ᒣᐧᐦᒋ ᓂᔭᓈᐣ ᑳ ᑭ ᐃᓯ ᐁᑳ ᒪᒋᑐᑖᑖᕽ ᒥᓇ ᐁᑳ ᑫᑲᐧᐩ ᐱᑐᐢ ᑳ ᑭ ᑐᑖᑕᕽ ᐱᑯ ᑳ ᒥᔮᐧᓯᐠ, ᒥᓇ ᐯᔭᐦᑕᐠ ᑳ ᑭ ᓯᐯᐧᑎᓴᐅᑖᕽ; ᑭᔭ ᒫᑲ ᐁᑲᐧ ᐅ ᓴᐁᐧᔨᒫᑲᓇ ᑳ ᑎᐯᔨᐦᒋᑫᐟ. 30ᑭ ᐃᐧᑯᒣᐤ ᒫᑲ, ᐁᑯᓯ ᑭ ᒥᒋᓱᐊᐧᐠ ᒥᓇ ᑭ ᒥᓂᐦᑫᐧᐊᐧᐠ. 31ᑭ ᐊᐧᓂᐢᑳᐊᐧᐠ ᒫᑲ ᐃᐧᐸᐨ ᑫᑭᓭᐸ ᒥᓇ ᐁ ᑭ ᑭᐦᒋ ᐃᑌᐧᐃᑐᒋᐠ, ᐋᐃᓴᐠ ᒫᑲ ᑭ ᓯᐯᐧᑎᓴᐁᐧᐤ, ᐁᑯᓯ ᑭ ᓇᑲᑎᐠ ᐯᔭᑕᑫᔨᒧᐁᐧᓂᕽ. 32ᑭ ᐊᔨᑭᐣ ᒫᑲ ᐁᐊᐧᑯ ᐁ ᑭᓯᑳᐠ ᐋᐃᓴᐠ ᐅᐟ ᐊᑐᐢᑫᔮᑲᓇ ᑭ ᐯ ᐋᒋᒧᐢᑖᐠ ᐊᓂᒪ ᒧᓇᐦᐃᐹᐣ ᑳ ᑭ ᒧᓇᐦᐊᒥᔨᐟ, ᐅᒥᓯ ᐁ ᑭ ᐃᑎᑯᐟ, ᓂ ᑭ ᒥᐢᑫᓈᐣ ᓂᐱ. 33ᓯᐸ ᒫᑲ ᑭ ᐃᓯᔨᐦᑳᑕᒼ, ᐁᐊᐧᑯ ᐅᐦᒋ ᐅᑌᓇᐤ ᐱᕒᓯᐸ ᑭ ᐃᓯᔨᐦᑳᑌᐤ ᐱᔨᐢ ᐊᓄᐦᐨ ᑳ ᑭᓯᑳᐠ.
34ᐃᐢᐱ ᒫᑲ ᐃᓵ ᓀᒥᑕᓇᐤ ᐁᑕᐦᑐᐱᐳᓀᐧᐟ ᑭ ᐅᑎᓀᐤ ᑭᑕ ᐃᐧᐃᐧᐟ ᒍᑎᐦᐟ ᐅᑖᓂᓴ ᐱᕒᐊᐩ ᐊᓇ ᐦᐃᑕᐃᐟ, ᒥᓇ ᐹᓯᒫᐦᐟ ᐅᑖᓂᓴ ᐃᓬᐊᐣ ᐊᓇ ᐦᐃᑖᐃᐟ; 35ᐁᑯᓯ ᐁᐊᐧᑯᓂ ᑭ ᒥᐦᒋᔭᐁᐧᐃᑲᐧᐠ ᐋᐃᓴᐠ ᒥᓇ ᕒᐃᐯᑲ.
Currently Selected:
ᒉᓂᓯᐢ 26: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
