ᒉᓂᓯᐢ 25
25
1ᐁᑊᕒᐁᐋᒼ ᒫᑲ ᑭ ᐅᑎᓀᐤ ᑯᑕᑭ ᐃᐢᑫᐧᐊᐧ ᑭᑕ ᐃᐧᐃᐧᐟ, ᑫᑐᕒᐊ ᒫᑲ ᑭ ᐃᓯᔨᐦᑳᓱᔨᐊᐧ. 2ᐁᑯᓯ ᑭ ᓂᐦᑖᐃᐧᑭᑕᒫᐠ, ᓯᒼᕒᐋᐣ, ᒥᓇ ᒑᐠᓵᐣ, ᒥᓇ ᒥᑖᐣ, ᒥᓇ ᒥᑎᔭᐣ, ᒥᓇ ᐃᐢᐸᐠ, ᒥᓇ ᓱᐊ. 3ᒑᐠᓵᐣ ᒫᑲ ᑭ ᓂᐦᑖᐃᐧᑭᐦᐁᐤ ᓯᐸ ᒥᓇ ᑎᑖᐣ. ᐁᑯᓯ ᐅᑯᓯᓴ ᑎᑕᐣ ᐁᐊᐧᑯᓂ ᐋᓴᕒᐃᒼ, ᒥᓇ ᓬᐁᑕᓯᒼ, ᒥᓇ ᓬᐃᔭᒥᒼ. 4ᐁᑯᓯ ᐅᑯᓯᓴ ᒥᑎᔭᐣ ᐁᐊᐧᑯᓂ ᐃᐦᐸ ᒥᓇ ᐃᐦᐸᕒ, ᒥᓇ ᐦᐁᓈᐠ, ᒥᓇ ᐊᐸᐃᑕ, ᒥᓇ ᐁᓬᑖᐊ. ᑲᐦᑭᔭᐤ ᐅᐦᐃ ᐅᐟ ᐊᐋᐧᓯᒥᓴ ᑫᑐᕒᐊ.
5ᐁᑊᕒᐁᐋᒼ ᒫᑲ ᑭ ᒥᔦᐤ ᐋᐃᓴᑲ ᑲᐦᑭᔭᐤ ᑫᑲᐧᐩ ᑳ ᐊᔮᐟ. 6ᒫᑲ ᐃᐧᔭ ᐅᑯᓯᓯᔨᐊᐧ ᑲᓇᐃᐧᐢᑫᐧᐋᐧᓂ ᐁᑊᕒᐁᐋᒼ ᑳ ᐊᔮᐋᐧᐟ, ᐁᑊᕒᐁᐋᒼ ᑭ ᒥᔦᐤ ᒣᑭᐃᐧᓇ; ᐁᑯᓯ ᑭ ᓯᐯᐧᑎᓴᐁᐧᐤ ᑭᑕ ᓇᑲᑖᔨᐟ ᐋᐃᓴᑲ ᐅᑯᓯᓴ ᒣᑳᐧᐨ ᑫᔮᐱᐨ ᐁ ᐱᒫᑎᓯᐟ, ᐋᐧᐸᓄᑖᕽ, ᐋᐧᐸᓄᐊᐢᑭᕽ ᐃᓯ. 7ᐁᐊᐧᑯᓂ ᒫᑲ ᐅᐦᐃ ᑭᓯᑳᐊᐧ ᑕᐦᑐ ᐊᐢᑭ ᐁᑊᕒᐁᐋᒼ ᑳ ᐃᐢᑯ ᐱᒫᑎᓯᐟ, ᒥᑖᐦᑐᒥᑕᓇᐤ ᑌᐸᑯᐦᐳᒥᑕᓇᐤ ᓂᔮᓇᐣ ᐊᔨᐋᐧᐠ ᑕᐦᑐ ᐱᐳᐣ. 8ᐁᑯᓯ ᒫᑲ ᐁᑊᕒᐁᐋᒼ ᑭ ᐸᑭᑕᐦᒑᑫᐧᐤ ᒥᓇ ᑭ ᐳᓂ ᐱᒫᑎᓯᐤ ᒪᒥᔦᐧ ᐁ ᑭᓭᔮᑎᓯᐟ, ᐁ ᑭᓭᓈᐯᐃᐧᐟ ᒥᓇ ᐁ ᒥᐦᒉᑐᐱᐳᓀᐧᐟ, ᐁᑯᓯ ᐁ ᑭ ᑕᑯᑕᐃᐦᐟ ᐃᐧᒋᔨᓂᐊᐧ. 9ᐅᑯᓯᓴ ᒫᑲ ᐋᐃᓴᑲ ᒥᓇ ᐃᐢᒣᐃᓬ ᑭ ᓇᐃᓂᐟ ᐊᓂᑕ ᒫᐠᐱᓬᐊ ᐋᐧᑎᕽ, ᐅ ᑭᐢᑎᑳᓂᕽ ᐁᑊᕒᐊᐣ ᐅᑯᓯᓴ ᓵᐦᐋᕒ ᐊᓇ ᐦᐃᑕᐃᐟ, ᒋᑭ ᒫᒼᕒᐃ ᑳ ᐊᔮᐠ; 10#ᒉᓂᓯᐢ 23:3-16ᐊᓂᒪ ᑭᐢᑎᑳᐣ ᐁᑊᕒᐁᐋᒼ ᑳ ᑭ ᐊᑖᒫᐟ ᐅᐟ ᐊᐋᐧᓯᒥᓯᔨᐊᐧ ᐦᐁᐟ; ᐁᑯᑕ ᐁᑊᕒᐁᐋᒼ ᑭ ᓇᐃᓈᐤ ᒥᓇ ᓭᕒᐊᐦ ᐃᐧᐊᐧ. 11ᑭ ᐊᔨᑭᐣ ᒫᑲ ᐃᐢᐱ ᑳ ᐳᓂ ᐱᒫᑎᓯᐟ ᐁᑊᕒᐁᐋᒼ, ᑭᓭᒪᓂᑐ ᑭ ᓴᐁᐧᔨᒥᒣᐤ ᐅᑯᓯᓯᔨᐊᐧ ᐋᐃᓴᑲ; ᐋᐃᓴᐠ ᒫᑲ ᑭ ᐅᐟ ᐃᐦᑖᐃᐧᓂᐤ ᒋᑭ ᐊᓂᑕ ᐱᐊᕒᓬᐁᐦᐊᐃᕒᐋᐩ.
12ᐁᐊᐧᑯᓂ ᐅᐦᐃ ᐅᐟ ᐋᔮᓂᐢᑫ ᓂᐦᑖᐃᐧᑭᐦᐋᑲᓇ ᐃᐢᒣᐃᓬ, ᐁᑊᕒᐁᐋᒼ ᐅᑯᓯᓴ ᐊᓇ ᐦᐁᑳᕒ ᐃᒋᑊᐟ ᐃᐢᑫᐧᐤ ᓭᕒᐊᐦ ᐅᐟ ᐊᑐᐢᑫᔮᑲᓂᐢᑫᐧᒪ ᑳ ᑭ ᓂᐦᑖᐃᐧᑭᑕᒪᐋᐧᐟ ᐁᑊᕒᐁᐋᒪ. 13ᐁᐊᐧᑯᓂ ᒫᑲ ᐅ ᐃᐧᔪᐃᐧᓂᔨᐊᐧ ᐅᑯᓯᓴ ᐃᐢᒣᐃᓬ ᐁ ᐊᐃᓯᔨᐦᑳᓱᔨᐟ, ᑳ ᐃᓯ ᐋᔮᓂᐢᑫ ᐱᒫᑎᓯᔨᐟ; ᐅ ᓂᐢᑕᒧᓵᓇ ᐃᐢᒣᐃᓬ, ᓂᐯᔮᐦᐟ, ᒥᓇ ᑭᑕᕒ, ᒥᓇ ᐋᐟᐱᓬ, ᒥᓇ ᒥᐸᓵᒼ, 14ᒥᓇ ᒥᐢᒪ ᒥᓇ ᑐᒪ, ᒥᓇ ᒫᓴ, 15ᐦᐁᑖᐟ ᒥᓇ ᑎᒫᕒ, ᒉᑕᕒ, ᓈᐦᐱᐢ, ᒥᓇ ᑫᑎᒪ; 16ᐁᐊᐧᑯᓂ ᐅᐦᐃ ᐅᑯᓯᓴ ᐃᐢᒣᐃᓬ, ᒥᓇ ᐁᐊᐧᑯᓂ ᐅᐦᐃ ᐅ ᐃᐧᔪᐃᐧᓂᐋᐧᐊᐧ, ᑳ ᑭ ᐃᓯ ᐅᑌᓇᐃᐧᑖᒋᐠ, ᒥᓇ ᑳ ᑭ ᐃᓯ ᐅ ᑲᐯᓯᐃᐧᓂᒋᐠ; ᒥᑖᑕᐦᐟ ᓂᓱᓵᑊ ᐅᑭᒫᐊᐧᐠ ᐁ ᐋᔨᑕᐢᑳᓀᓯᒋᐠ. 17ᐁᐊᐧᑯ ᒫᑲ ᐅᒪ ᑕᐦᑐ ᐱᐳᐣ ᑳ ᐱᒫᑎᓯᐟ ᐃᐢᒣᐃᓬ, ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᑌᐸᑯᑊ ᐊᔨᐋᐧᐠ ᑕᐦᑐ ᐱᐳᐣ; ᑭ ᐸᑭᑕᒑᐦᑫᐧᐤ ᒫᑲ ᒥᓇ ᑭ ᐳᓂ ᐱᒫᑎᓯᐤ; ᐁᑯᓯ ᐁ ᑭ ᑕᑯᑕᐃᐦᐟ ᐃᐧᒋᔨᓂᐊᐧ. 18ᑭ ᐅᐟ ᐃᐦᑖᐃᐧᓂᐊᐧᐠ ᒫᑲ ᐦᐋᐱᓬᐊ ᐅᐦᒋ ᓴᕒ ᐃᐢᑯ, ᑎᐱᐢᑯᐨ ᐃᒋᑊᐟ ᑳ ᐊᔮᐠ, ᐁ ᐊᑎ ᐃᑐᐦᑌᔭᐣ ᐊᓯᕒᐃᔭᐃᕽ; ᑭ ᑭᐢᑕᐱᐤ ᒫᑲ ᐁ ᐋᐧᐸᒥᑯᐟ ᑲᐦᑭᔭᐤ ᐅᒋᐋᐧᒪ.
19ᐁᐊᐧᑯᓂ ᒫᑲ ᐅᐦᐃ ᑳ ᐃᓯ ᐋᓂᐢᑫ ᐱᒫᑎᓯᐟ ᐋᐃᓴᐠ, ᐁᑊᕒᐁᐋᒼ ᐅᑯᓯᓴ; ᐁᑊᕒᐁᐋᒼ ᑭ ᓂᐦᑖᐃᐧᑭᐦᐁᐤ ᐋᐃᓴᑲ; 20ᐋᐃᓴᐠ ᒫᑲ ᓀᒥᑕᓇᐤ ᑭ ᑕᐦᑐᐱᐳᓀᐧᐤ ᐃᐢᐱ ᑳ ᐅᑎᓈᐟ ᕒᐃᐯᑲ ᐅᑖᓂᓴ ᐯᐟᔪᐃᓬ ᐊᓇ ᓯᕒᐃᔮᐣ ᐹᑕᓀᕒᐋᒼ ᐅᐦᒋ, ᐅᑕᐁᐧᒫᐊᐧ ᓬᐁᐹᐣ ᐊᓇ ᓯᕒᐃᔭᐣ, ᑭᑕ ᐃᐧᐃᐧᐟ. 21ᐋᐃᓴᐠ ᒫᑲ ᑭ ᑳᑭᓯᒧᑐᑕᐁᐧᐤ ᑳ ᑎᐯᔨᐦᒋᑫᔨᐟ ᐃᐧᐊᐧ ᐅᐦᒋ, ᒋᑫᒫ ᐁᑳ ᐁ ᐊᔮᐋᐧᔨᐟ ᐊᐋᐧᓯᓴ; ᑳ ᑎᐯᔨᐦᒋᑫᐟ ᒫᑲ ᑭ ᑭᑎᒫᑭᑕᐁᐧᐤ ᐁᑯᓯ ᕒᐃᐯᑲ ᐃᐧᐊᐧ ᑭ ᐊᔮᐁᐧᔨᐊᐧ ᐊᐋᐧᓯᓴ. 22ᐊᐋᐧᓯᓴ ᒫᑲ ᑭ ᐊᐧᐢᑲᐃᐧᐸᔨᐊᔨᐊᐧ ᐁ ᑭᑭᐢᑲᐋᐧᐟ; ᐁᑯᓯ ᑭ ᐃᑌᐧᐤ, ᑭᐢᐱᐣ ᐁᑯᓯ ᐁᑭᓄᑫᐧ, ᑖᓀᐤ ᐅᒪ ᑳ ᐃᓯ ᐊᔮᔮᐣ? ᐁᑯᓯ ᑭ ᓇᑕᐃᐧ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ. 23#ᕒᐅᒪᓇ 9:12ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᓂᓱᐢᑳᐣ ᐊᔨᓯᔨᓂᐊᐧᐠ ᑭ ᑭᑭᐢᑲᐋᐧᐊᐧᐠ, ᒥᓇ ᓂᓴᐧᔭᐠ ᐁ ᐃᓯᑖᐧᒋᐠ ᐊᔨᓯᔨᓂᐊᐧᐠ ᑭᑕ ᐅᐦᒋ ᐸᐢᑫᐃᐧᐃᑐᐊᐧᐠ ᑭᔭᐃᐧᕽ; ᐊᓂᑭ ᐯᔭᑲᐧᔭᐠ ᒫᑲ ᐊᔨᓯᔨᓂᐊᐧᐠ ᐊᔨᐋᐧᐠ ᑭᑕ ᒪᐢᑲᐃᐧᓯᐊᐧᐠ ᐃᔨᑯᕽ ᐊᓂᐦᐃ ᑯᑕᑲ; ᒥᓇ ᐅᐢᑌᓯᒫᐤ ᑭᑕ ᐊᑐᐢᑲᐁᐧᐤ ᐅᓯᒥᒫᐊᐧ.
24ᐃᐢᐱ ᒫᑲ ᐅ ᑭᓯᑳᒪ ᑌᐱᐸᔨᔨᑭ ᑭᑕ ᓂᐦᑖᐃᐧᑭᓈᐊᐧᓱᐟ ᐳᑎ ᓂᓱᑌᓯᓴ ᑭ ᐊᔮᐁᐧᐤ. 25ᓂᐢᑕᒼ ᒫᑲ ᐁ ᓄᑯᓯᐟ ᑭ ᒥᐦᑯᓯᐤ, ᒥᓯᐁᐧ ᑖᐱᐢᑯᐨ ᒥᔭᐁᐧᐊᐧᔮᐣ ᐁ ᐃᓯᓈᑯᓯᐟ; ᐃᓵ ᒫᑲ ᑭ ᐃᓯᔨᐦᑳᑌᐊᐧᐠ. 26ᐁᑲᐧ ᒫᑲ ᐅᒋᐋᐧᒪ ᑭ ᓄᑯᓯᔨᐊᐧ, ᑭ ᒥᒋᒪᑲᐧᓀᓀᐤ ᒫᑲ ᐊᓂᐦᐃ ᐃᓵᐊᐧ; ᒉᑲᑊ ᒫᑲ ᑭ ᐃᓯᔨᐦᑳᑖᐤ; ᐋᐃᓴᐠ ᒫᑲ ᓂᑯᑖᐧᓱᒥᑕᓇᐤ ᑭ ᑕᐦᑐᐱᐳᓀᐧᐤ ᐃᐢᐱ ᑳ ᓂᐦᑖᐃᐧᑭᐦᐋᔨᐟ. 27ᐊᓂᑭ ᒫᑲ ᓈᐯᓯᓴᐠ ᑭ ᐊᑎ ᐅᐦᐱᑭᐊᐧᐠ; ᐃᓵ ᒫᑲ ᑭ ᓂᐦᑖᒫᒋᐤ; ᐱᑲᐧᒐᔨᓯᔨᓂᐤ; ᒉᑲᑊ ᒫᑲ ᐃᐧᔭ ᑭ ᐯᔭᑕᑭᓯᐤ, ᒥᑭᐋᐧᐱᕽ ᐁ ᐊᔭᔮᐟ. 28ᐋᐃᓴᐠ ᒫᑲ ᑭ ᓵᑭᐦᐁᐤ ᐃᓵᐊᐧ ᒋᑫᒫ ᑭ ᒥᒋᐤ ᐁ ᐃᓯ ᒪᒥᓇᐅᔨᐟ; ᒫᑲ ᕒᐃᐯᑲ ᑭ ᓵᑭᐦᐁᐤ ᒉᑲᐸ.
29ᒉᑲᑊ ᒫᑲ ᑭ ᐸᑳᑖᑯᐢᑫᐤ, ᐁᑯᓯ ᐃᓵ ᐱᑲᐧᒑᔨᕽ ᑭ ᐯ ᐅᐦᑐᑌᐤ, ᐁ ᐊᔦᐢᑯᓯᐟ. 30ᐁᑯᓯ ᐃᓵ ᑭ ᐃᑌᐤ ᒉᑲᐸ, ᐊᓴᒥᐣ ᑭ ᐸᑯᓭᔨᒥᑎᐣ ᐊᓂᒪ ᑳ ᒥᐦᑳᐠ ᑭ ᐸᑳᑖᑯᐢᑫᐃᐧᐣ, ᒋᑫᒫ ᓂᐟ ᐊᔦᐢᑯᓯᐣ. ᐁᐊᐧᑯ ᒫᑲ ᐅᐦᒋ ᐃᑕᒼ ᑳ ᑭ ᐃᓯᔨᐦᑳᑎᐦᐟ. 31ᒉᑲᑊ ᒫᑲ ᑭ ᐃᑌᐤ, ᒥᐢᑯᑐᓇᒪᐃᐧᐣ ᑯᐢᑌᓯᒫᐃᐧᐃᐧᐣ ᐊᓄᐦᐨ ᑳ ᑭᓯᑳᐠ. 32ᐃᓵ ᒫᑲ ᑭ ᐃᑌᐧᐤ, ᒫᑎᑲ, ᓴᓵᐩ ᑫᑳᐟ ᓂ ᓂᐱᐣ, ᑖᓂᓯ ᒫᑲ ᑫ ᐃᑖᐸᒋᐦᐃᑯᔮᐣ ᐅᒪ ᓄᐢᑌᓯᒫᐃᐧᐃᐧᐣ? 33#ᐦᐃᐸᕒᐅᐊᐧ 12:16ᒉᑲᑊ ᒫᑲ ᑭ ᐃᑌᐤ, ᑭᐦᒋᐃᓯᐣ ᐊᓄᐦᐨ ᑳ ᑭᓯᑳᐠ, ᐁᑯᓯ ᑭ ᑭᐦᒋ ᐃᑌᐤ, ᐁᑯᓯ ᑭ ᒥᐢᑯᑐᓇᒪᐁᐧᐤ ᒉᑲᐸ ᐅᐢᑌᓯᒫᐃᐧᐃᐧᐣ. 34ᒉᑲᑊ ᒫᑲ ᑭ ᒥᔦᐤ ᐃᓵᐊᐧ ᐸᐦᑫᐧᓯᑲᓇ ᒥᓇ ᒥᐦᑯᒥᓈᐳᑳᐣ; ᑭ ᒥᒋᓱ ᒫᑲ ᒥᓇ ᑭ ᒥᓂᐦᑫᐧᐤ, ᐁᑯᓯ ᑭ ᐸᓯᑯ ᐁ ᑭ ᐊᑎ ᓯᐯᐧᑌᐟ. ᐁᑯᓯ ᐅᒪ ᐃᓵ ᑳ ᐃᓯ ᐋᑕᐁᐧᔨᑕᕽ ᐅᐢᑌᓯᒫᐃᐧᐃᐧᐣ.
Currently Selected:
ᒉᓂᓯᐢ 25: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
