Popular Bible Verses from sēnt lok 3

Share

ēkosi ki ispayiw, ispi kahkiyaw ayisiyiniwak kā paptaisiwiicik, cisas wista ē ki paptaisiwihiht ēkosi ē ayamihāt, kisik ki pāskitēpayiw, kā kanātisit acāhk māka, ē wiyowinākosit, tāpiskoc omimiw, ki yasitotawēw ēkosi kisikohk ki ohci pēhtākosiw awiyak ē itwēt, kiya kā sākihitān nikosis, kiya ohci naspic kā naēyitamān.

cān ē naskwēwasimāt, ki itēw kākiyaw, niya tāpwē ki paptaisiwihitināwāw nipi ohci, māka pēyak pē itohtēw, awasimē ē kihcēyihtākosit ispic niya, o maskisinēyapi o maskisinihk ēkā ē tēpi ispitēyitākosiyān kita āpikonamwak; ēwako ki ka paptaisiwiikowāw kanāci ahcāhkwa ohci mina iskotēw.

nokotāk māka kā isi minisiwahk kwēskatisiwin, mina ēkāwiya māci itisok, nit ayāwānān ēprēām ē oyotāwiyāhk, cikēmā kit itināwāw, kisēmanito ē kaskitāt ohi ohci asinia kita waniskānāt kē ot awāsimisiyit ēprēāma.

mina ahpo sāsay cikahikan astāniwan anita ēsi ocēpikiwicik mistikwak, tahto mistik ēkā kā miyo minisiwit kawawāw ēkosi ē macostēhoht.

kā itasinahikātēk masinahikanihk, ot itwēwina aysāya okiskiwēhikēw, o pēhtākosiwin pēyak ē tēpwēt pikwataskihk, kwayācihtamāhk o pimohtēskanaw kā tipēyihcikēt kwayaskwamotāwāhk o mēskanawa. kā itatihk kā wāyāmatināk kita moskinatāniwan, mina kā itatihk waci asici ē ispatināk kita tapatinikatēw; kā wawakāmoki kita kwayaskotāniwanwa, mina kā mamāyacāki kita soskotāniwanwa; ēkosi māka kahkiyaw kā owiyāsit kita wāpahtam o pimācihiwēwiniyiw kisēmanitowa.