Popular Bible Verses from sēnt mātyo 24

Share

kē ispici maskawastēk māka macāyiwin, o sākihiwēwiniwāw mihcēt kita ati tahkāyiw. māka wiya ana kē ki ayakwāmisit misēkamē, ēwako kē pimācihot.

oma māka ēsi miwātotākwahk otēnawiwin kita kakēskimiwāniwan misiwē askihk kita ohci ācimostācik kahkiyaw kā tahtoskānēsicik ayisiyiniwak; ēkwā māka kē kisipipayik.

ēkosi māka ki ka pēhtēnāwāw notinitowina, mina kita ātotamihk ē notinitonāniwik; ēkāwiya māka mikoskātēyitamok; cikēmā ōhi kahkiyaw kēcinac kita otihcipayiwa, māka namawiya cēskwa kita kisipipayiw.

cikēmā kā tahtoskānēsicik ayisiyiniwak kita pasikostātowak, mina otēnawiwina kita pasikostātomakanwa: ēkosi kita iyiwanisināniwan mina kita kihkwan nanātohk ita. māka kahkiyaw ohi ēwakwani ē mācipayiki kakwātakitāwina.

kihci kisik mina aski kita wēpipayiwa, māka wiya nit itwēwina namawiya kita wēpipayiwa.

cikēmā mihcēt kita pē itotēwa nit isiyihkāsowinihk kita itwēcik, niya oma Christ; ēkosi māka mihcēt kita wanisimēwak.

ēkosi māka ki ka otinikowāwak kita kakwātakiikawiyēk, mina ki ka nipaikowāwak; kahkiyaw māka kā tahtoskānēsicik ayisiyiniwak ki ka pākwātikowāwak nit isiyihkāsowin ohci. ēkospi māka mihcēt kita pahkisinwak, mina kita mamisiitowak, mina kita pakwātitowak. mihcēt māka kiyāskiwi okiskiwēhikēwak kita pasikowak, mihcēt māka kita wayēsimēwak.

cisas māka ki naskwēwasimēw, omisi ē ki itāt, ayākwāmisik ēkā awiyak ayisiyiniw kita wayēsiikoyēk.

ēwako māka ohci kistawāw wawēyik; cikēmā anima ispayiki tipahipisimwān ēkā ayitēyimāyēko iyiniwikosisān kita takosin.

ēwako māka ohci asawāpik; cikēmā namawiya ki kiskēyitēnāwāw tanima ē ispayik tipaipisimwān ki tipēyihcikēmiwāw kē takosihk.

māka anima kisikāw mina ē ispayik tipaipisimwān namāwiya awiyak ayisiyiniw kiskēyitam, nama, namawiya okisikowak kihci kisikohk kā ayācik, piko notāwi.

cikēmā ēkota kita pasikowak kiyāskiwi Christak, mina kiyāskiwi okiskiwēhikēwak ēkosi māka kita wāpatiyiwēwak kihci kiskinawācicikana mina mamātāwi isihcikēwina; ēwako māka ohci kispin kita ki ihkin kita wayēsiēwak anihi kā kihci wawēyēyimimiht.

māka tāpiskōc kā ki ikihk mēkwāc ē o kisikāmit noa, ēkosi mwēhci kē ikihk pē takosiki iyiniwikosisān. cikēmā tapiskōc ē kakisikak kā ki ikihk ē mwayē yiskipēk, ki mamicisowak mina ki maminikwēwak, ki wawikitowak, mina ki kakihci wikitaitowak, piyis anima ē kisikāk noa kā ki posit napikwanihk, ēkā māka ē kiskēyitahkik pātimā piko iyikohk ē yiskipēk, kahkiyaw ē ki otinikocik; ēkosi māka mwēhci kē ikihk pē takosiki iyiniwikosisān.