sēnt mātyo 24

1cisas māka ki wayawiw, kihci ayamihēwikamikohk ē ki ati ohci sipwētēt; o kiskinohamawākana māka ki pē nātik kita wāpahtahikot ē isi osicikātēyik kihci ayamihēwikamik. 2omisi māka ki itēw, nama ci kahkiyaw ōhi ki wāpatēnāwāw? tāpwē kit itināwāw, namāwāc pēyak asini ota kita iskonāw kita ayākwitawāpiskisihk, ēkā kita nici wēpiniht.

3mēkwāc māka ē apit olips wacihk, kiskinohamawākanak nisihk ki pēci nātēwak, omisi ē itācik, wihtamawinān, tānispi ōhi kē ikihki? mina kē isi kiskinawācinākwahk pē takosiniyani, mina kita poni askiwahk? 4cisas māka ki naskwēwasimēw, omisi ē ki itāt, ayākwāmisik ēkā awiyak ayisiyiniw kita wayēsiikoyēk. 5cikēmā mihcēt kita pē itotēwa nit isiyihkāsowinihk kita itwēcik, niya oma Christ; ēkosi māka mihcēt kita wanisimēwak. 6ēkosi māka ki ka pēhtēnāwāw notinitowina, mina kita ātotamihk ē notinitonāniwik; ēkāwiya māka mikoskātēyitamok; cikēmā ōhi kahkiyaw kēcinac kita otihcipayiwa, māka namawiya cēskwa kita kisipipayiw. 7cikēmā kā tahtoskānēsicik ayisiyiniwak kita pasikostātowak, mina otēnawiwina kita pasikostātomakanwa: ēkosi kita iyiwanisināniwan mina kita kihkwan nanātohk ita. 8māka kahkiyaw ohi ēwakwani ē mācipayiki kakwātakitāwina. 9#mātyo 10:22ēkosi māka ki ka otinikowāwak kita kakwātakiikawiyēk, mina ki ka nipaikowāwak; kahkiyaw māka kā tahtoskānēsicik ayisiyiniwak ki ka pākwātikowāwak nit isiyihkāsowin ohci. 10ēkospi māka mihcēt kita pahkisinwak, mina kita mamisiitowak, mina kita pakwātitowak. 11mihcēt māka kiyāskiwi okiskiwēhikēwak kita pasikowak, mihcēt māka kita wayēsimēwak. 12kē ispici maskawastēk māka macāyiwin, o sākihiwēwiniwāw mihcēt kita ati tahkāyiw. 13#mātyo 10:22māka wiya ana kē ki ayakwāmisit misēkamē, ēwako kē pimācihot. 14oma māka ēsi miwātotākwahk otēnawiwin kita kakēskimiwāniwan misiwē askihk kita ohci ācimostācik kahkiyaw kā tahtoskānēsicik ayisiyiniwak; ēkwā māka kē kisipipayik.

15 # tāniēl 9:27; 11:31; 12:11 ispi māka wāpahtamēko anima kā akwatikwahk nisiwanācicikēwin, kā ki ayimotahk tāniēl okiskiwēhikēw, ē oyaskitēk ita ē kanātahk (awiyak ēyamitāt kiyām kita nisitohtam;) 16ēkwa kiyām aniki cotiyaihk kā ayācik wacihk kita itāmowak; 17#lok 17:31kiyām ana takoci wāskāhikanik kā ayāt, ēkāwiya kita pē nisātawiw kēkway kita otinahk o wāskāhikanihk ohci; 18ahpo mina kistikānihk kā ayāt ēkāwiya kita kiwēw kita otinahk ot ayowinisa. 19kakwātakisiwak māka aniki kā ot awāsimisicik, mina aniki kā noawasocik ēwako kisikāki! 20māka ayamihāk kiyawāw ēkā kita tapasēyēk ē pipohk ahpo ē ayamihēkisikāk; 21#tāniēl 12:1; kiskēyihtākohkēwin 7:14cikēmā ēkospi kē kihci āyimisinaniwik, ēkā kā ki pē ayikihk aspin ē pē askiwahk, piyis anohc, nama, namawiya mina pātimā kē ikihk. 22kispin māka ēkā ēokoni kisikāwa cimāsitāniwiki namawiya awiyak o ka pimātisi; māka kā ki wawēyēyimihcik ohci anihi kisikāwa kita cimāsitāniwanwa. 23ēkospi māka kispin awiyak ayisiyiniw itikoyēko, cist, awa ita Christ, ahpo anitē; ēkāwiya tāpwētamok. 24cikēmā ēkota kita pasikowak kiyāskiwi Christak, mina kiyāskiwi okiskiwēhikēwak ēkosi māka kita wāpatiyiwēwak kihci kiskinawācicikana mina mamātāwi isihcikēwina; ēwako māka ohci kispin kita ki ihkin kita wayēsiēwak anihi kā kihci wawēyēyimimiht. 25wāpahtamok māka, ki ki kisāci wihtamātināwāw. 26#lok 17:23,24ēkosi māka kispin itēkoyēkwāwi, cist pikwataskamikahk ayāw; ēkāwiya itohtēk; cist, piskiciwāskāikanisihk ayāw; ēkāwiya tāpwētamok. 27cikēmā tāpiskōc kā wāstēpayik wāpanotāhk ohci, ēkosi māka kā tēpāstēpayik nēkāpēanohk; ēkosi mwēhci kē ikihk pē takosiki iyiniwikosisān. 28#lok 17:37cikēmā itē miyaw kā nipimakahk ēyāk, ēkota kē māmawi māwaciitocik mikisiwak.

29 # aysāya 13:10; coil 2:10,31; 3:15; kiskēyihtākohkēwin 6:12; aysāya 13:10; isikiēl 32:7; coil 2:10; 3:15; aysāya 34:4; kiskēyihtākohkēwin 6:13 sēmāk māka ki ponipayikwawi ohi ayimisiwina, pisim kita wanitipiskipayiw, mina tipiskawi pisim namawiya kita mēkiw o wasisowin, mina acahkosak kisikohk kita ohci pahkisinwak, mina anihi kā kihcāyiwaki kisikohk kita nanamipayiwa: 30#tāniēl 7:13; sēkarāya 12:10-14; kiskēyihtākohkēwin 1:7ēkosi māka kita nokwan anima o kiskinawācicikan iyiniwikosisān kisikohk; kahkiyaw māka kā tahtoskānēsicik ayisiyiniwak ota askihk kita matowak, ēkosi māka kita wapamēwak iyiniwikosisāna kita pē itohtēyit kihci kisikowi waskohk kiki kihcāyiwiwin mina kihci kistēyitākosiwin. 31ēkosi māka kita isitisawēw o kisikoma kiki ē kihci kisiwēk pipikwan: kita māmawi māwaciēyiwa māka anihi kā ki wawēyēyimat nēwayak yotinohk ohci, ayitaw ē kakisipak kisikohk ohci.

32ēkwa māka kiskēyitamok ē isi awēcikaniwit ani sominatik; ispi watikwan kēyāpic ēskatikowaki, mina ēti nipiwaki, ki kiskēyitēnāwāw sāsay kēkāt ē nipihk: 33ēkosi māka mwēhci ispi kahkiyaw ohi wāpahtamēko, kiskēyitamok kisiwak ē ayāt, ahpo iskwatēmihk. 34tāpwē kit itināwāw, oko kā aniskē pimātisicik namawiya kita mēcipayiwak iyikohk kahkiyaw ohi kita tipipayiki. 35kihci kisik mina aski kita wēpipayiwa, māka wiya nit itwēwina namawiya kita wēpipayiwa.

36māka anima kisikāw mina ē ispayik tipaipisimwān namāwiya awiyak ayisiyiniw kiskēyitam, nama, namawiya okisikowak kihci kisikohk kā ayācik, piko notāwi. 37#cēnisis 6:5-8māka tāpiskōc kā ki ikihk mēkwāc ē o kisikāmit noa, ēkosi mwēhci kē ikihk pē takosiki iyiniwikosisān. 38cikēmā tapiskōc ē kakisikak kā ki ikihk ē mwayē yiskipēk, ki mamicisowak mina ki maminikwēwak, ki wawikitowak, mina ki kakihci wikitaitowak, piyis anima ē kisikāk noa kā ki posit napikwanihk, 39#cēnisis 7:6-24ēkā māka ē kiskēyitahkik pātimā piko iyikohk ē yiskipēk, kahkiyaw ē ki otinikocik; ēkosi māka mwēhci kē ikihk pē takosiki iyiniwikosisān. 40ēkospi māka niso kistikanihk kita ayawak pēyak kita otināw, māka kotak kita nakataw. 41niso iskwēwak kita pinipocikēwak pinipocikanihk, pēyak kita otinaw, māka kotak kita nakataw.

42ēwako māka ohci asawāpik; cikēmā namawiya ki kiskēyitēnāwāw tanima ē ispayik tipaipisimwān ki tipēyihcikēmiwāw kē takosihk. 43#lok 12:39,40māka kiskēyitamok oma, kispin ayisiyiniw kā kanawiwaskaikanēt ki kiskēyitamokopanē tanima ē ispayiyik kimotiska kē takosiniyit, o ka asawapita, namawiya māka o ka itēyitē kita pikonamot wiki. 44ēwako māka ohci kistawāw wawēyik; cikēmā anima ispayiki tipahipisimwān ēkā ayitēyimāyēko iyiniwikosisān kita takosin. 45awēna māka ēyākwamisit, mina ē iyinisit atoskēyākan, ana ot okimāma kā ki tipēyitamoikot kā tasiyit o waskahikanihk kita asamāt wēticipayiyiki? 46sawēyitākosiw ēwako atoskēyākan, ispi ot okimāma pē takosiniyici omisi kē isi miskākot ē itotahk. 47tāpwē kit itināwāw, kita itasowatik kita tipēyitahk kahkiyaw ot ayaniyiwa. 48māka wiya kispin kā macātisit atoskēyākan kē itwēkwē otēihk, nit okimām nama mayāw pē takosin; 49ēkosi māka kita papakamawēw wici atoskēyākana, mina kita mamicisot, mina kita wici kiskwēpēmat o kiskwēpēska: 50anihi ot okimāma ana atoskēyākan kita pē takosiniyiwa ē kisikayi ispi ēkā ē asawapamāt mina anima ē ispayik tipahipisimwān ēkā ē papisiskēyimāt, 51ēkosi māka kita kiskikahok mina kita pakitinik kita wicēwāt otayamihēkāsoska: ēkotē kē tasi mamātohk mina kē kakiciskapitēhk.

Currently Selected:

sēnt mātyo 24: KKMR

Highlight

Copy