sēnt mātyo 25

1 # lok 12:35 ēkospi māka kihci kisikowi otēnawiwin kita isinākwan tapiskoc mitātaht oskinikiskwēwak, kā otinakik o wastēnamākaniwawa, ēkosi māka kā sipwētēcik kita nakiskawacik owikihtowa. 2niyanan māka ki iyinisiwak, mina niyanan ki kiskwēwak. 3aniki māka kā kiskwēcik ki otinamwak o wastēnamākaniwāwa, māka namawiya pimi ki asici takonamwak. 4māka wiya aniki kā iyinisicik ki takonamwak pimi ot asiwacikaniwahk asici o wāstēnamākaniwāwa. 5mēkwāc māka owikihto ē pēiht, kahkiyaw ki notēkwasiwak mina ki nipāwak. 6ispi māka ē āpitatipiskak ki isi tēpwaniwan, cist owikihto pē takosin; ēkwa pē wayawik kita nakiskawāyēk, 7ēkwa māka kahkiyaw aniki oskinikiskwēwak waniskāwak, ē kwayācihtacik māka o wāsaskotēnikaniwawa. 8aniki māka kā kiskwēcik omisi itēwak kā iyinisiyit, miyinan ki pimimiwāw ohci; cikēmā ni wastēnamakanināna astawēwa. 9aniki māka kā iyinisicik naskwēwasimēwak, omisi ē itacik, namawiya kita ki ihkin; cikēmā namawiya māskoc tapiskōc ki ka tēpipayiikonānaw; māka nawac natikok aniki kā atāwākēcik atāwēstamasok māka. 10mēkwāc māka ē itohtēcik kita atāwēcik, owikihto takosin; aniki māka kā ki wawēyicik wici pihtokēmēwak wikitowinihk; iskwatēma māka kipahikātēwa. 11#lok 13:25mwēstas māka wistawāw takosinwak aniki kotakak oskinikiskwēwak, omisi ē itwēcik, tēpēyihcikēyan, tēpēyihcikēyan, paskitēnamawinān. 12māka naskwēwasimēw omisi ē itāt, tāpwē kit itināwāw, namawiya ki kiskēyimitināwāw. 13ēwako māka ohci asawapik, cikēmā namawiya ki kiskēyitēnāwāw tanima ē kisikāk ahpo ē ispayik tipahipisimwān kē takosihk iyiniwikosisān.

14 # lok 19:11-27 cikēmā kihci kisikowi otēnawiwin isinākwan tāpiskoc ayisiyiniw kā itohtēt wayaw otēnāhk, kā natomāt tipiyawē ot atoskēyākana, ēkosi ē pakitinamawāt ot ayāna. 15anihi māka pēyak niyanan kihci soniyāwa ki miyēw, mina māka kotak niso, mina kotak pēyak; ē ihtasiyit papitos ki isi miyēw ē isi kaskihtāyit; ēkosi māka ki sipwētēw. 16ēkwa māka ana niyānan kihci soniyāwa kā ki otinat ki sipwētēw, ēkosi ē ki natawi ayatāwēt, mina kotaka niyānan kihci soniyāwa ē ki takohāt. 17ēkosi māka mina mwēhci ana niso kā ki otinat, wiya mina niso ki ohtisiw. 18māka wiya ana pēyak kā ki otināt, ki sipwētēw ē ki natawi wātihkēt askihk, ēkosi ē ki katat ot okimāma o soniyāmiyiwa. 19pātimā māka kinwēs iyikohk, kā tipēyimāt anihi atoskēyākana ki takosin, ēkosi ki akihtamawēw kā isi kaskitāyit. 20ēkosi māka ana niyānan kihci soniyāwa kā ki otinat, ki takosin ē ki pēsiwat māka kotaka niyānan kihci soniyāwa, omisi ē itwēt, tēpēyihcikēyan, ki ki pakitinamawitay niyānan kihci soniyāwak; cist, ni ki ohtisin kotakak niyānan kihci soniyāwak. 21okimāma omisi ki itik, ēkosāni, kiya miyo mina ayakwamisiwi atoskēyākan; ki ki ayakwamisikahtēn anihi ē cakawasisiki, ki ka isiitin kita tipēyitaman mihcēt kēkwaya; pihtokē o miyawātamowinihk kit okimam. 22wista māka ana kā ki otinat niso kihci soniyāwa, ki takosin, omisi ē itwēt, tēpēyihcikēyan, ki ki pakitinamawitay niso kihci soniyāwak; cist ni ki ohtisin kotakak niso kihci soniyāwak. 23okimāma omisi ki itik, ēkosāni, kiya miyo mina ayakwamisiwi atoskēyākan; ki ki ayakwamisihkatēn anihi ē cakawasisiki, ki ka isiitin kita tipēyitaman mihcēt kēkwaya; pihtokē o miyawatamowinihk kit okimām. 24ēkosi māka wiya ana pēyak kihci soniyāwa kā ki otināt, ki pē takosin, omisi māka ē ki itwēt, tēpēyihcikēyan, ki ki kiskēyimitin naspic ē ayimisiwi ayisiyiniwiyan, ē māwacicikēyan ita ēkā ē ohci pakitinikēyan, mina ē mosakinikēyan ita ēkā ē ohci kistikēyan; 25ēkosi māka ni ki astāsin mina ni ki sipwētan ē ki natawi katak ki kihci soniyām askihk; cist, anima ita kiya kā tipēyitaman. 26ot okimāma māka ki naskwēwasimik omisi ē ki itikot, kiya kā macātisiyan mina kēhtimiskiyan atoskēyākan, kit āta kiskēyitēn ē māwacihcikēyān ita ēkā ē ohci pakitinikēyān, mina ē mosakinikēyān ita ēkā ē ohci kistikēyān: 27ēwako māka ohci ki ka ki ayatay ana ni sōniyām aniki kā miskotonikēcik, ēkosi māka ispi pē takosiniyān ni ka ki otinētay anima kā tipēyitamān kiki kā kaskicikēpayicik. 28maskamihk māka anihi kihci soniyāwa, miyihk ana mitātat kihci soniyāwa kā ayāwāt. 29#mātyo 13:12; mārk 4:25; lok 8:18cikēmā tahto awiyak kā ayāt kita miyāw, ēkosi māka awasimē mistahi kita ayāw; māka wiya ana ēkā kā ayāt kita maskamāw ahpo anima kā isi ayāt. 30#mātyo 8:12; 22:13; lok 13:28wayawiwēpinihk māka wiya ana ēkā nānitaw kā itapatisit atoskēyākan anitē ēkā kā misaskēyak wanitipiskahk; itē kē tasi mamatohk mina kē kakiciskapitēhk.

31 # mātyo 16:27; mātyo 19:28 ispi māka iyiniwikosisān pē takosiki o kistēyitākosiwinihk, kahkiyaw okisikowa ē wicēkot, ēkospi kē apit ot okimāwapiwinihk kistēyitākosiwinihk: 32anita māka ētastamapit kita māwacihitoyiwa kahkiyaw kā tahtoskānēsiyit ayisiyiniwa; ēkosi māka kita papiskitayēw, tāpiskoc okanawimāyatihkwēw kā isi piskihtayāt māyatihkwa mistāposwa ohci: 33ēkosi māka kita ahyēw māyatihkwa o kihciniskihk, māka wiya mistaposwa o namatinihk 34ēkospi māka kihci okimāw omisi kita itēw anihi o kihciniskihk; āstamitik kiyawāw kā sawēyimikoyēk notāwi, tipēyitamok anima otēnawiwin kā wawēyitamākawiyēk aspin nistam ē askiwak: 35cikēmā ni ki nohtēkatān, ki ki asamināwāw māka; ni ki notēyapākwān, ki ki minaināwāw māka; ni ki manitēwin, ki ki pitokaināwāw māka: 36ē mosēskatēyan, ki ki wiyātaināwāw; ni ki ākosin, ki ki pamihnāwāw māka; ni ki kipahokawin, ki ki pēci nāsināwāw māka. 37ēkosi māka okwayaskitatisiwak kita naskwēwasimēwak, omisi kita itacik, tēpēyihcikēyan, tanispi kā wapamitahk ē notēkatēyan, ē asamitāhk māka? ahpo ē notēyāpākwēyan, ē minaitāhk māka? 38tanispi kā wapamitāhk ē manitēwiyan, ē pitokaitāhk māka? ahpo ē mosēskatēyan, ē wiyātaitāhk māka? 39ahpo tanispi kā wāpamitāhk ē akosiyan ahpo ē kipahokawiyan ēkosi ē ki nātitāhk? 40kihci okimāw māka kita naskwēwasimēw omisi kita itēw, tāpwē kit itināwāw, oma iyikohk kā ki totamwawāyēk pēyak aniki kā apistēyitākosicik niciwāmak, niya ki ki totamawināwāw. 41ēkospi māka mina omisi kita itēw anihi o namatinihk, awasitik kiyawāw kā nānipomikawiyēk, anitē kakikē iskotēhk kā kwayācitamāht maci ahcāhk mina ot atoskēyākana: 42cikēmā ni ki notēkatan, namawiya māka ki ki asamināwāw; ni ki notēyāpākwān, namawiya māka ki ki minaināwāw: 43ni ki manitēwin, namawiya māka ki ki pihtokaināwāw; ni ki mosēskatān, namawiya māka ki ki wiyātaināwāw; ni ki ākosin, ni ki kipahokawin namawiya māka ki ki pisiskēyimināwāw. 44ēkosi māka wistawāw kita naskwēwasimēwak, omisi kita itācik, tēpēyihcikēyan, tanispi kā wāpamitāhk ē notēkatēyan, ahpo ē notēyāpākwēyan, ahpo ē mānitēwiyan, ahpo ē mosēskatēyan, ahpo ē ākosiyan, ahpo ē kipahokawiyan, ēkā māka ē ki papisiskēyimitāhk? 45ēkosi māka kita naskwēwasimēw, omisi kita itāt, tāpwē kit itināwāw, anima mwēhci ēkā kā ki isi totamawāyēk pēyak oki kā apistēyitākosicik, namawiya niya ki ki totamawināwāw. 46#tāniēl 12:2oko māka kita itohtēwak kakikē kakwatakitāwinihk: okwayaskitatisiwak māka kakikē pimātisiwinihk.

Currently Selected:

sēnt mātyo 25: KKMR

Highlight

Copy