sēnt mātyo 26

1ki ayikin māka, ispi cisas kā poni ayitwēt kahkiyaw ohi itwēwina, omisi ki itēw o kiskinohamawākana. 2#ēksatas 12:1-27ki kiskēyitēnāwāw ki poni niso kisikāki ēkospi kita mayāskotāto wihkohtonāniwik, iyiniwikosisān māka pakitināw kita cistāskwātiht. 3ēkosi māka ki māmawi māwaciitowak kihci ayamihēwiyiniwak, mina kā nikānēyitākosicik ayisiyiniwak, anita o kihci waskahikanihk kihci ayamihēwiyiniw, kayapas kā isiyihkāsot. 4ēkosi māka ki itasowēwak wayēsihiwēwinihk kita otinacik cisasa mina kita nipaacik. 5māka omisi ki itwēwak, namawiya wihkotowi kisikāki, ēkā kita opwēwicik ayisiyiniwak.

6mēkwāc cisas ē ayat pētaniihk, o wāskaikanihk saiman kā macāspinēt. 7#lok 7:37,38ēkota ki pē nātik pēyak iskwēwa ē pē takonamiyit ē asiwatēyik naspic ē ākwakitēyik tamaskowin, ē ki sikinamiyit māka ostikwanihk, mēkwāc ē apit ē micisot. 8māka ispi o kiskinohamawākana wiyapatamiyit, ki kisiwēyitamiyiwa omisi ē itwēyit tānēki oma wēci pikwanita mēstinamihk? 9cikēmā oma tamaskōwin mistahi kita ki otisināniwanopan atāwākēhk kita ki miyitwapan kētimakisicik. 10ispi māka cisas nēsitotahk, omisi ki itēw, tānēki kā mikoskācihāyēk awa iskwēw? cikēmā miyo atoskēwin ni ki kisitamāk. 11#tiyotaranami 15:11cikēmā mosak okitimakisak ki wicēkowāwak; māka niya namawiya mosak kit ayawināwāw. 12cikēmā anima ē ki sikinahk oma tamaskowin niyawihk kita nainikawiyān ki ohci totam. 13tāpwē kit itināwāw piko itē oma miwācimowin kē kakēskimiwāniwanokwē misiwē askihk, ēkotē oma, awa iskwēw kā ki totahk, kita wicikātēw kita kiskisitotaht.

14ēkosi māka pēyak aniki mitātat nisosāp, cotas iskariyat ēsiyikasot, ki nātēw kihci ayamihēwiyiniwa. 15#sēkarāya 11:12ē ki itat, kēkway tiyēpēyimoyēk kita miyiyēk, ēkosi māka ki ka pakitinamātināwāw? ki asotamawēwak māka nistomitanaw tatwāpisk soniyāwa. 16ēkospi māka ohci ki nanatonam kē isi naipayiyik kita pakitinamawāt.

17ispi māka nistam ē wihkohtowi kisikāk ēkā ē ohpisot pakwēsikan ē āpacihiht, kiskinohamawākanak ki pē nātēwak cisasa, omisi ē itācik, tānita ēsi natawēyitaman kita wawēyitamatāhk kita miciyan mayāskotāto wihkohtowin? 18omisi māka ki itēw, itohtēk otēnāhk kita nātāyēk pēyak ēkota ayisiyiniw, omisi māka itihk, okiskinohamākēw omisi itwēw, ni kisikam sāsay otihcipayiw; ni ka wici mayāskotāto wihkohtomawak ni kiskinohamawākanak ki waskahikanihk. 19kiskinohamawākanak māka ki totamwak kā ki itikocik cisasa; ki kwayacitāwak mayāskotāto wihkohtowin māka. 20ispi māka ēti otākosik, ki wici nahapimēw mitātaht nisosāp kā ihtasiyit. 21mēkwāc māka ē micisocik, omisi ki itwēw, tāpwē kit itināwāw, pēyak oma kā itasiyēk ni ka misiik. 22nāspic māka ki mamiciyawēsiwak, ēkosi māka kahkiyaw ē ihtasicik ki ayitēwak, tēpēyihcikēyan, niya ci? 23#nikamona 41:9ki naskwēwasimēw māka omisi ē ki itāt, ana kā ki wici kihtānamomit o cihci oyakanihk, ēwako kē misihit. 24iyiniwikosisān sipwētēw mwēhci kā itasinahikātēk; māka kakwātakisiw ana ayisiyiniw kā misimāt iyiniwikosisāna! nawac o ka ki miwapaciiko ana ayisiyiniw kispin ēkā ki nihtāwikikopanē. 25ēkosi cotas, kā misimāt, ki naskwēwasimēw omisi ē ki itāt, kēskinohamākēyan, niya ci? omisi māka ki itēw, ki ki itwān.

26mēkwāc māka ē micisocik, cisas ki otinēw pakwēsikana, mina ē ki nanāskomot, mina ē ki pakwēnāt, ē ki miyāt kiskinohamawākana, omisi māka ē itāt, otinihk, mowihk; ēwako oma niyaw. 27mina māka ki otinam minikwākanis, mina ē ki nanaskomot, mina ē ki miyāt, omisi ē itwēt, minihkwēk oma kahkiyaw ē itasiyēk; 28#ēksatas 24:8; cērimāya 31:31-34cikēmā ēwako oma ni mihko oski isihtwawinihk, anima mihcēt kā ohci sikinamacik kita ponēyicikatēki maciitiwina. 29māka niya kit itināwāw, ota ohci namawikāc mina ni ka minikwān minisiwi somināpo, pātimā anima kisikāki ispi oski wici minikwēmitakwāwi notāwi ot otēnawiwinihk.

30ispi māka kā nikamocik nikamon, ki wayawiwak ē ki itohtēcik olips wacihk. 31#sēkarāya 13:7ēkospi māka cisas omisi itēw, kahkiyaw kiyawāw niya ki ka ohci nayētawēyitēnāwāw anohc kē tipiskāk; cikēmā itasinahikātēw, ni ka pakamawāw okanawimāyatihkwēw, ēkosi māka māyatihkwak kā māmawēyaticik misiwē kita siswēskawak. 32#mātyo 28:16māka ispi mina ki waniskānikawiyānē, ki ka natawi pēhitināwāw kalalihk. 33pitar ki naskwēwasimēw omisi māka ē ki itāt, āta kahkiyaw ayisiyiniwak kiya ohci nayētawēyitakwawi ēyiwēhk namawikāc niya ni ka nayētawēyitēn. 34cisas māka omisi ki itēw, tāpwē kit itin, anohc oma kē tipiskāk, ē mwayē pēhtākosit pākaākwān, sāsay kiya nistwāw ki ka ānwētawin. 35pitar māka omisi ki itēw, āta wici nipomitani, ēyiwēhk namawiya ki ka anwētatin. ēkosi māka wistawāw ki itwēwak kahkiyaw kiskinohamawākanak.

36ēkwa māka cisas ki pē isi wicēwēw anitē kētsēmani ēsiyikatēk, omisi māka itēw kiskinohamawākana, ota apik, ē natawi ispihci ayamihāyān nētē. 37ēkosi wicēwēw pitar, mina anihi niso okosisa sēpiti, ē ki mihtamēyitahk māka mina mistahi ē mikoskātēyitahk. 38ēkosi māka omisi ki itēw, nit ahcahk nāspic mitamēyitam nipowinihk isi; ota kiyawāw ayak, mina wici asawapimik. 39ki ati yakotēw māka apisis, ēkosi ē ki ocihcikwanapit, mina ē ki ayamihāt, omisi ē itwēt, o nohtā, kispin kē ki ikinokwē, kiyām oma minikwākanis ni ka mayāskākon! māka ēyiwēhk, namawiya niya ē itēyihtamān, māka kiya ē itēyihtaman. 40ki pē nātēw māka o kiskinohamawākana, ē miskawāt māka ē nipayit, omisi itēw pitar, tānisi! nama ci ki ki wici asawāpamināwāw pēyak tipahipisimwān iyikohk? 41asawāpik, mina ayamihāk, ēkā kita ispayiyēk kotēyimikowinihk; ahcahk maskawēyihtam, māka wiyas nēsowan. 42mina māka ēkwa niswāw ki itohtēw, ēkosi ē ki ayamihāt, omisi ē itwēt, o nōhtā, kispin oma minikwakanis ēkā kē mayaskakowanē, patimā piko minikwēyani, kiyām kit itēyitamowin kita wi ihkin. 43ēkosi māka ki takosin ē ki miskawāt mina ē nipāyit; cikēmā ki sākotikwasiyiwa. 44ēkosi māka ki nakatēw, mina māka ē ki sipwētēt, ēkwa nistwāw māka ē ayamihāt, ēkwani ohi itwēwina kēyāpic ē itwēt. 45ēkwa māka mina ki pē otihtēw o kiskinohamawākana, omisi māka ē ki itāt, nipāk ēkwa, mina aywēpik; cist, anima tipaipisimwān otihcipayiw, iyiniwikosisān wayēsi pakitināw o cihciyihk omacātisa. 46waniskāk, ēkwa sipwēhtētāk; cist, kisiwāk ayāw kā misimit.

47mēkwāc māka kēyāpic ē ayamit, cist, cotas, pēyak aniki mitātaht nisosāp kā ihtasicik, ki pē takosin, ē pē wicēwikot kihci mihcēt kā māmawēyatiyit ayisiyiniwa ē pē takonakik isawēska mina mistiko pakamākana ē isitisahokocik kihci ayamihēwiyiniwa, mina kā nikānēyitākosiyit ayisiyiniwa. 48ana māka kā misimat ki miyēw kiskinawacicikan, omisi ē itwēt, awiyak kē ocēmāwakē, ēwako ana; otinihk. 49ēkosi māka sēmāk ki pē natēw cisasa, omisi ē itwēt, ēl, kēskinoamakēyan; ē ki ocēmat māka. 50cisas māka omisi ki itēw, ni totēm, itota anima kā ohci pē itohtēyan? ēkosi māka ki pē itohtēwak ē ki otihtinācik cisasa, ēkosi ē ki otinācik. 51cist māka, pēyak aniki kā ki wicēwacik cisasa ki sowiniskēyiw, mina ē ki kētaskwacipitahk ot isawēsk, ē ki pakamawat māka kihci ayamihēwiyiniwa ot atoskēyākaniyiwa, ēkosi māka ē ki maniwēpaamwat otawakāyiw. 52cisas māka omisi ki itēw, asiwata mina kit isawēsk anita picikomanānihk; cikēmā kahkiyaw aniki isawēsk kā otinakik isawēsk kita ohci nisiwanātisiwak. 53kit itēyihtēn ci ēkā anohc kita ki ayamiistawak notāwi, ēkosi māka sēmāk kiyipi ni ka miyik awasimē nisosāp tahto licana okisikowa? 54māka tānisi kē isi tipipayiki masinahikēwina, ēkosi oma ohcitaw kita ihkihk? 55#lok 19:47; 21:37ēkospi cisas omisi itēw kā māmawēyatiyit ayisiyiniwa, tāpiskoc ci kimotisk ki pē isi mawinēonawāw ē takonamēk isawēska mina mistiko pakamākana kita otiniyēk? tahkinē ki ki witapimitināwāw ē kiskinohamākēyān kihci ayamihēwikamikohk, namawiya māka ki ki otininawāw. 56māka kahkiyaw oma ki ihkin, kita tipipayiyiki o masinahikēwiniwawa aniki okiskiwēhikēwak. ēkospi māka kahkiyaw kiskinohamawākanak ki nakatēwak ē ki tapasicik.

57aniki māka kā ki otinācik cisasa ki itohtahēwak o wāskāhikaniyihk kāyapāsa, anihi kihci ayamihēwiyiniwa, ita masinahikēwiyiniwa mina kā nikānēyitākosiyit ē itasi māwaciitoyit. 58māka wiya pitar wahyaw ki ohci pimitisawēw, kihci ayamihēwiyiniw o waskahikanihk isi, ē ki pihtokēt māka, ē ki witapimat otiniwēwa kita wāpahtahk piyis kisipanohk. 59aniki māka kihci ayamihēwiyiniwak mina kā nikānēyitākosicik, mina kahkiyaw aniki kā māwaciitocik, ki nanatonamwak kita kiyaskiwi ācimimiht cisasa kita ohci nipahācik: 60māka ēkā ē ki miskahkik; ēhē, āta mihcēt o kiyāskiwācimowak ē ki takosihkik, kēyāpic namawiya ki miskamwak. māka iskwayāc ki takosinwak niso okiyaskiwacimowak, 61#cān 2:19omisi māka ē ki itwēcik, awa ayisiyiniw omisi ki itwēw, ni ka kaskitān kita nisiwanācitāyān kisēmanito ot ayamihēwikamik, ēkosi kita ositāyān nisto kisikāki. 62kihci ayamihēwiyiniw māka ki pasikō, omisi māka ē ki itāt, nama ci kēkway kit isi naskwēwasitan? kēkway anima oko kā itācimiskik? 63māka cisas namawiya ki kito. kihci ayamihēwiyiniw māka ki naskwēwasimēw omisi ē ki itāt, kit aspi kitotitin kā pimātisit kisēmanito, kita wihtamawiyāhk kispin kiya okosisa kisēmanito. 64#tāniēl 7:13cisas māka omisi ki itēw, ki ki itwān; māka ēyiwēhk, niya kit itināwāw, pātimā ki ka wapamawāw iyiniwikosisān kita apit ē o kihci niskiwahk kihcāyiwiwin. mina kita pē takosihk waskohk kisikohk. 65#lipitikas 24:16ēkosi māka kihci ayamihēwiyiniw ki yāyikipitam ot ayowinisa, omisi ē itwēt, ki pāstāmo; kēkway awasimē kē ohci natawēyimāyakwaw otācimowak? cist, ki ki pētamwānāwāw o pāstāmowin. 66tānisi kiyawāw ētēyitamēk? ki naskwēwasimēwak omisi ē ki itwēcik, kaskihtamaso nipowin. 67#aysāya 50:6ēkwa māka ki sasikwātēwak okwākaniyihk mina ē ki papasikwēwācik; kotakak māka wiya o cihciwāwa ē ki ohci papakamawācik, 68omisi ē itācik, wihtamawinān, kiya Christ, awēna kā pakamahosk?

69pitar māka wayawitimihk okimawikamikohk ki apiw; ēkosi oskinikiskwēw ki pē natēw, omisi ē itāt, kista ki ki wicēwāw cisas kalalihk kā ohcit. 70māka ki anwētam kahkiyaw ē kanawāpamikot, omisi ē itwēt, namawiya ni kiskēyitēn tānisi kā itwēyan. 71ispi māka pitawiwaskaikanihk kā isi wayawit, kotaka oskinikiskwēwa ki wapamik, omisi māka ē ki itāyit ēkota kā ayāyit, awa ayisiyiniw wista ki wicēwēw cisasa nasarētihk kā ohciyit. 72mina māka ki anwētam kihci itwēwinihk, namawiya ni kiskēyimāw ēwakwāna ayisiyiniw. 73nākēs iyikohk māka mina ki pē nātēwak aniki ēkota kā nipawicik, omisi māka ē ki itācik pitara, kēcinā kiya mina pēyak o tipēyimakana; cikēmā ki kiswēwin ki kiskēyihtākoikon. 74ēkosi māka ki ati māmaci itwēw omisi ē itwēt, namawiya ni kiskēyimāw ana ayisiyiniw. sēmāk māka pakaākwān ki kito. 75pitar māka ki kiskisopayiw ot itwēwiniyiw cisasa, ka ki itikot, mwayēs pakaāhkwān kitot, sāsay nistwāw ki ka ānwētawin. ēkosi māka ki wayawiw, ē ki wawisakatwēmot.

Currently Selected:

sēnt mātyo 26: KKMR

Highlight

Copy