Popular Bible Verses from sēnt mārk 5

Share

wiya māka ki itēw, nitānis, ki tāpwētamowin ki ki iyinikaikon; niyā pēyahtakēyimowinihk, ki ka wi miyo ayān kā ki itāspinēyan.

pēyak māka iskwēw, ē ki itāspinēt ē ohcikawaniyik o mihko mitātat nisosāp tahto aski, nanātohk māka ē ki isi kotakihikot mihcēt maskikiwiyiniwa, ēkosi ē ki mēstinikēt kahkiyaw kēkway kā ki ayāt, ēkā māka awasimē ē ki miyo ayāt māka nawac ayiwāk ē ati isi ayāt

sēmāk māka ki poni ohcikawaniyiw o mihko mina ki mositāw wiyawihk ē iyinikaiht anima kā ki itāspinēt.

ē sakicihcēnāt māka anihi awāsisa ki itēw, tālita komāy; ēwako kā itwēhk, ē itwēstamawātamihk, oskinikiskwēw, waniskā, kit itin.

mēkwāc kēyāpic ē pikiskwēt, takosiniyiwa ayamihēwikamikowi oyasowēwikimāwa o wāskāhikaniyihk ohci, ē itwēyit, kitānis nipiw: tānēhki ahci piko kā mikoskācimat okiskinohamākēw? māka cisas, ēkā ē pisiskēyitahk anima kā itwēwiht, ki itēw anihi ayamihēwikamikowi oyasowēwikimāwa, ēkāwiya astāsi, piko tāpwēta.

cikēmā ki itēw, pē wayawi ana ayisiyiniw ohci, kiya ēkā kā pēkisiyan ahcāhk. ki kakwēcimēw māka, tānisi ēsiyikāsoyan? ēkosi ki itik, lican nit isiyihkāson; cikēmā ni mihcētinān.