Popular Bible Verses from Марк 2

Share

Терүгинь Исус соңсчкад: – Эрүл күүнд биш – гемтә күүнд эмч кергтә. Чик седклтәһинь биш, килнцтәһинь дуудхар Би ирләв, – гив.

Исус теднә итклинь үзәд, һар-көлнь тәкрсн күүнд: – Көвүн Минь, чини килнцчн тәвгдҗәнә! – гив.

Бурхн күүг бемб өдрин төлә үүдәсмн биш, бемб өдр күүнә төлә тогтсмн.

Исусин герт орҗ болшгоһинь үзәд, тедн герин ораһинь цумлад, гемтә үүрән кевтсн девскртәһинь буулһв.

Болв Би, Күмни Көвүн, һазр деер килнц тәвх йостав гиҗ таднд медүлхин төлә келҗәнәв, – гиһәд, һар-көлнь тәкрсн күүнд: – Бос, кевтсн девскрән авад хәр! – гив.

– Эн тәкрсн күүнд яһҗ келсн амр болх: «Килнцчн тәвгдҗәнә» гисн эс гиҗ: «Бос, кевтсн девскрән эвкҗ авад йов!» гисн амр болхий?

Тернь әмтнә өмн босад, девскрән эвкҗ авад, һарад йовҗ одв. Энүг үзсн улс дегд икәр өврәд, Бурхнд ханлт өргәд: – Иим өвәрц юм бидн төрүц үзәд уга биләвидн! – гицхәв.